Shanba, 01-noyabr, 2014 Toshkent vaqti: 08:09

AQSh-Markaziy Osiyo

Kongress: Markaziy Osiyoda huquq va demokratiya targ'ibotini oshirish kerak

Kongress: Markaziy Osiyoda huquq va demokratiya targ'ibotini oshirish kerak/US-Central Asiai
|| 0:00:00
X
29.07.2012 03:30
Yaqinda AQSh Kongressi Vakillar Palatasining Tashqi aloqalar bo'yicha qo'mitasi vakillari Markaziy Osiyo bo'ylab safarda bo'ldi. Respublikachi kongressmen Den Berton (Dan Burton) boshliq delegatsiya Qozog'iston, Qirg'iziston, Tojikiston va O'zbekistonda prezident va vazirlar bilan uchrashdi. Aloqalarda Afg'onistondagi vaziyat, urushni tugatish rejasi va mintaqa davlatlari bilan bu borada ishlash asosiy o'rinda. Lekin qonunchilar va diplomatlarning qayd etishicha, inson huquqlari va demokratiya targ'iboti, shuningdek, biznes va iqtisodiy hamkorlik ham chetda qolmayapti. Kongressda kechgan muhokamadan Navbahor Imamova hikoya qiladi.

Kongress: Markaziy Osiyoda huquq va demokratiya targ'ibotini oshirish kerak/US-Central Asia

Yaqinda AQSh Kongressi Vakillar Palatasining Tashqi aloqalar bo'yicha qo'mitasi vakillari Markaziy Osiyo bo'ylab safarda bo'ldi. Respublikachi kongressmen Den Berton (Dan Burton) boshliq delegatsiya Qozog'iston, Qirg'iziston, Tojikiston va O'zbekistonda prezident va vazirlar bilan uchrashdi.

Aloqalarda Afg'onistondagi vaziyat, urushni tugatish rejasi va mintaqa davlatlari bilan bu borada ishlash asosiy o'rinda. Lekin qonunchilar va diplomatlarning qayd etishicha, inson huquqlari va demokratiya targ'iboti, shuningdek, biznes va iqtisodiy hamkorlik ham chetda qolmayapti.

Markaziy Osiyoga nisbatan siyosat bilan AQSh Kongressida Vakillar Palatasi Tashqi aloqalar qo’mitasining Yevropa va Yevrosiyo bo’yicha quyi qo’mitasi shug’ullanadi. Den Berton, Indiana shtatidan keksa respublikachi, ayni damda bu organ raisi.
 
Qonunchi va uning yetakchiligidagi boshqa arboblar Markaziy Osiyodan bag’oyat boy va chuqur taassurotlar bilan qaytdi. Mintaqa poytaxtlari ko’rkam, xushmanzara va taraqqiy etgan davlatlarnikidan qolishmas ekan, deydi Berton. Hukumatlar delegatsiyani quchoq bilan kutib olgan. 

Kongressmen nazarida, Amerika Markaziy Osiyo bilan real va amaliy hamkorlikka urg’u berishi kerak. Sharqu g’arbni bir-biriga bog’lovchi bu strategik mintaqa Afg’onistondagi harbiy harakatlarni quvvatlash va yakunlashda muhim rol o’ynamoqda, deydi u.

Lekin 2014-yildan keyin nima bo’ladi? Tinch va barqaror Afg’onistondan hamma manfaatdor, ayniqsa qo’shni Markaziy Osiyo, ammo bu mintaqa ham xavfsiz va farovon bo’lishi uchun Amerika yordamni oshirmasa bo’lmaydi, deydi Berton.
 
Qo’shma Shtatlar Markaziy Osiyo xalqlarini har tomonlama quvvatlashi, nafaqat rahbarlar bilan yaqindan ishlashi, balki fuqaro jamiyati va oddiy aholi dardiga quloq tutishi kerak, deydi kongressmen.

“Vashington inson huquqlari va demokratiya targ’ibotini chetga surib qo’ygan degan noto’g’ri tushunchani yengishimiz lozim”, - deydi Berton.

Mintaqada Rossiya va Xitoy ulkan ta’sirga ega ekan, Amerika o’ziga xos bir rol o’ynashi, konkret strategiyaga asoslangan holda konkret loyihalarni amalga oshirishi, ijtimoiy-iqtisodiy vaziyatni yaxshilovchi dasturlar bilan chiqishi kerak, deydi respublikachi arbob.

AQSh Kongressida Markaziy Osiyoga nisbatan siyosat muhokamada, Navbahor Imamova
AQSh Kongressida Markaziy Osiyoga nisbatan siyosat muhokamada, Navbahor Imamovai
|| 0:00:00
...
 
🔇
X


AQSh-Markaziy Osiyo/Kongressmen Den Berton (Dan Burton) bilan suhbat, Navbahor Imamova
AQSh-Markaziy Osiyo/Kongressmen Den Berton (Dan Burton) bilan suhbat, Navbahor Imamovai
|| 0:00:00
...
 
🔇
X


Amerikalik ekspertlar Markaziy Osiyo juda muhim deydi/Navbahor Imamova
Amerikalik ekspertlar Markaziy Osiyo juda muhim deydi/Navbahor Imamovai
|| 0:00:00
...
 
🔇
X


Kapitoliy, AQSh qonunchilik organi Kongress joylashgan bino (Suratni kattalashtirish mumkin)Kapitoliy, AQSh qonunchilik organi Kongress joylashgan bino (Suratni kattalashtirish mumkin)
x
Kapitoliy, AQSh qonunchilik organi Kongress joylashgan bino (Suratni kattalashtirish mumkin)
Kapitoliy, AQSh qonunchilik organi Kongress joylashgan bino (Suratni kattalashtirish mumkin)
Nyu-York shtatidan demokrat kongressmen Gregori Miks (Gregory Meeks) uning fikriga qo’shiladi. Hukumatlar bilan hamkorlikda barcha sohalarga teng e’tibor berish kerak, deydi u, toki mintaqaning har bir o’lkasida erkinlik shamoli essin, jamiyatlar oshkoralik tomon qadam tashlasin, demokratik orzular ro’yobga chiqsin.

Ogayo shtatidan respublikachi qonunchi Jin Shmit xonim (Jean Schmidt) fikricha, AQSh O’zbekiston va Tojikiston singari huquq muntazam ravishda buziladigan davlatlarda qonun ustuvorligi va mustaqil adliyaga ko’proq ahamiyat qaratishi kerak.

Hukumatlar bilan bu borada ochiqchasiga gaplashish, hamkorlikni kengaytirish evaziga demokratiya targ’ibotini ham oshirish kerak. AQSh, shuningdek, tabiiy zaxiralarga boy Markaziy Osiyoga bu mahsulotlarni jahon bozoriga osonroq olib chiqishi uchun ko’maklashishi lozim, deydi u. Gapdan ishga o’tish kerak, deydi Kongress a’zosi.
 
Vakillar Palatasida tinglov, Vashington, 23-iyul, 2012 (Suratni kattalashtirish mumkin)Vakillar Palatasida tinglov, Vashington, 23-iyul, 2012 (Suratni kattalashtirish mumkin)
x
Vakillar Palatasida tinglov, Vashington, 23-iyul, 2012 (Suratni kattalashtirish mumkin)
Vakillar Palatasida tinglov, Vashington, 23-iyul, 2012 (Suratni kattalashtirish mumkin)
Pensilvaniya shtatidan respublikachi qonunchi Tom Marino korrupsiyaga qarshi kurash birinchi o’rinda turishi kerak degan fikrda. AQSh mintaqaga ajratayotgan  har bir dollar qayerga ketayotgani bilishi kerak, deydi u.

“Millionlab dollar pulimiz, xalqimiz haqqi, o’lkadagi ochko’z va yulg’ich rahbarlar cho’ntagiga tushmayapti deb kafolat bera olasizmi?”- deya so’raydi u Markaziy Osiyo bilan aloqalarga javobgar Robert Bleykdan.

Kongressmen Marino deydiki, AQSh biror bitim yoki shartnoma imzolayotganida, mablag' maqsadga muvofiq ishlatilishini talab qiluvchi, aks holda konkret shart qo'yishi kerak.
 
Bleyk, Davlat departamenti rasmiysi, Amerika berayotgan moliyaviy va boshqa turdagi yordam haqida ma’lumot maxfiy emas, deydi. Qay davlatga nima sabab qancha mablag’ ajratilayapti va qay dasturlarga sarflanayapti, hammasi hisob-kitob qilinadi, deydi u. 

AQSh dollari kimning cho'ntagiga ketmoqda, deya so'raydi kongressmenlar (Suratni kattalashtirish mumkin)AQSh dollari kimning cho'ntagiga ketmoqda, deya so'raydi kongressmenlar (Suratni kattalashtirish mumkin)
x
AQSh dollari kimning cho'ntagiga ketmoqda, deya so'raydi kongressmenlar (Suratni kattalashtirish mumkin)
AQSh dollari kimning cho'ntagiga ketmoqda, deya so'raydi kongressmenlar (Suratni kattalashtirish mumkin)
“Korrupsiya Markaziy Osiyoda rak kasalidek og’ir bir dard”,- deydi Bleyk. Yulg’ichlik, poraxo’rlik chuqur ildiz otmagan soha yo’q.
 
Bosh diplomat sifatida Kongress a’zolari oldida hisobot berar ekan, Bleyk Amerika Afg’onistonga yuk tashish, urushni tugatib u yerdan qo’shin va qurol-aslahani olib chiqishda Markaziy Osiyo bilan yaqindan ishlashi zarur ekanini eslatadi.

Mintaqa xavfsizligi yo’lida hissa qo’shish, terrorizm va qoradori savdosiga qarshi kurash, biznes va sarmoya qatorida huquq va demokratiya bobida ham faol harakat qilish lozimligini tan oladi. Amerika mintaqada o’ziga xos ijobiy rol o’ynashni istasa, deydi u Obama ma’muriyati nomidan gapirar ekan, Rossiya va Xitoy bilan bellashmasligi, balki ular bilan hamkorlik qilishi zarur.  

Maqsad – Markaziy Osiyo birdam va tinch mintaqa bo’lsin; odamlar, mahsulotlar va g’oyalar erkin harakat qila olsin. Lekin AQSh diplomatlari, ekspertlari va  yaqinda mintaqada bo’lib qaytgan qonunchilar ham bu azaliy niyatlar hali-beri ro’yobga chiqmasligini biladi. Jamiyatni rivojlantiradiganlar - uning a’zolari, tashqi dunyo, xususan Amerika faqat yordamlashishi mumkin, deydi ular.

Kongressmen Berton (Dan Burton): Markaziy Osiyoga nisbatan loqaydlik AQSh uchun katta xato bo'ladi i
|| 0:00:00
X
28.07.2012 05:38
Yaqinda O’zbekiston, Tojikiston, Qirg’iziston va Qozog’istonda bo’lib qaytgan respublikachi kongressmen Den Berton (Dan Burton) fikricha, Markaziy Osiyoga nisbatan amaldagi siyosat samara bermoqda, lekin hamkorlikni muvozanatlash kerak. Ya’ni, deydi u, sheriklik asosan Afg’onistonga bog’lanib qolmasligi, boshqa sohalar, jumladan iqtisod va sarmoya, huquq va demokratiya targ’iboti, ta’lim va madaniy aloqalarga ham e’tiborni oshirish kerak. Navbahor Imamova qonunchi bilan suhbatda bo’ldi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI