Shanba, 29-noyabr, 2014 Toshkent vaqti: 08:27

Amerika

G’ildirakli bizneslar zamondan rozi

G'ildirakli butiklar/Fashion trucksi
X
15.03.2013 19:47
Oldinlari Amerika ko'chalarida yuk mashinalarida ochilgan do'konlar asosan oziq-ovqat sotar edi. Endi kiyim-boshga ham o'tgan. Xaridor rozi. G'ildirakli butiklar ko'paymoqda.
G'ildirakli butiklar/Fashion trucks

Multimedia

Amerika Ovozi

Amerika ko’chalarida yuk mashinalarida ochilgan do’konlar asosan oziq-ovqat sotar edi. Endi kiyim-boshga ham o’tgan. Xaridor rozi. 

Los Anjeles shahar markazida qatorasida turgan yuk mashinalari – savdo rastalari. Nimalarni topmaysiz u yerda. Oziq-ovqatdan tortib, poyabzalgacha… Kiyim sotish yaqingacha kuzatilmagan edi.

“Bu yerda xuddi katta kiyimxonadasiz... Narsalarni birma-bir ko’rib chiqasiz. Zo’r,” - deydi bir xaridor.

Jordana Fortaleza “Jey-Di-Lyuks” moda do’koni sohibasi.

“Qo’lda yasalgan taqinchoqlar ko’p, kiyim va sumkalar ham bor”.

“Har bir mahsulotning o’z jihati va o’z egasi bor,” - deydi yana bir xaridor.

Yuk mashinasi sotib olish joyni ijaraga olishdan arzonroq, deydi Fortaleza. Yana bir ajoyib tomoni bor, deydi u.

“Xaridorlar oldiga o’zingiz borasiz-da. Shunisi zo’r”.

Qiyinchiliklar ham yo’q emas.

“Eng katta to’siq – ob-havo. Sovuq kunda hech kimning ko’chaga chiqqisi kelmaydi. Demak, xaridor ham yo’q,” - tushuntiradi Fortaleza.

Yuk tashuvchi mashinani vaqti-vaqti bilan ta’mirlab turmasa bo’lmaydi. Oddiy do’kondan farqli ravishda u kutilmaganida buzilishi mumkin. Bu holda ish to’xtaydi.

G’ildirakli do’kon sohibasi Steysi Steff shunday muammoga duch kelib, ishining barakasi ketdi.

“Yiliga kamida bir marta avtomobil sozlash shahobchasiga borishga majburmiz. Mashinamiz eski”.
 
Steff 38 yil oldin chiqarilgan yuk mashinasini xarid qildi-da, Los Anjeles ko’chalarida kiyim sota boshladi. Biznes-sherigi Janin Romo bilan birgalikda u g’ildirakdagi do’konlar uyushmasini tuzdi. Uyushmaga 50 dan ziyod biznes a’zo. Iqtisod chatoq ekan, g’ildirakdagi do’konlarga talab yomon emas.   
 
“Ko’plar oddiy do’konlar o’rniga yuk tashuvchi mashinalarini afzal ko’ryapti. Chunki shu tariqa biznesni davom ettirish mumkin,” - deydi Steff.

Bu bizneslar internetda kiyim-kechak sotadigan internet saytlar bilan raqobatda. Kaliforniya Moda Uyushmasi rahbari Ilza Metchek fikricha, bozor kengaygani sari imkoniyatlar ham ortadi. Gap xaridorni qarata olishda va uni pul sarflashga undashda. Internet yoki mashinalardanmi, marketing yaxshi yo’lga qo’yilsa, marra sizniki.  

“Odamlar g’ildirakdagi do’konlarga qarab kutilmaganda biror mahsulotga mahliyo bo’lishi va sotib olishi mumkin”. 

G’ildirakdagi do’konlari orqali nafaqat kiyim, balki boshqa narsalar sotish mumkin, deydi Steff. 

"Faqat moda va kiyim sohasida emas, balki har turdagi biznesni yuk tashuvchi mashinalar yordamida yuritish mumkin. Oddiy do’konlarga hojat yo’q”. 

G’ildirakdagi dokonlar bilan shahar hokimiyati ham qiziqib qoldi. Steysi Steff bosh-qosh uyushma hozirda bu sohani tartibga soluvchi yangi qonunlar yuzasidan hokimiyat bilan muzokarada.

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Amishlar kimlar? Amish community in Americai
X
28.11.2014 23:02
Qo’shma Shtatlarda amishlar degan bir g’aroyib jamoa yashaydi. Ular o’zlarini eng oddiy va kamtarin nasroniylar deb biladi. Jamoa tarixi 17-asrga, Shveytsariyaga borib taqaladi. Jekob Amman ismli ruhoniy yangi oqimga asos soladi va unga ergashganlar amishlar deya nom oladi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Livan
  • Turkiya
  • Venetsiya
  • Misr
  • Argentina
  • Angliya
  • Yaponiya
  • Xitoy
  • London
  • Oq uy, Vashington
Fotogalereya

Fotogalereya Shukronalik kuni, Amerika - Thanksgiving Day in America

Noyabrning oxirgi payshanbasi Shukronalik kuni. Yangi vatandagi noz-ne'matlardan shukur qilgan, hosilidan rozi bo'lgan odamlar shunday bayramga asos solgan. Keyinchalik tub aholiga qarshi qonli urushlar olib borgan yevropalik kelgindilar boshida ular bilan bir dasturxondan non yegan. Hindu qabilalar o'z ovqatlarini tanishtirgan bo'lsa, kelgindilar ham o'z taomlarini tortgan. Kurka Shukronalik kuni asosiy taom hisoblanadi. Chunki bu parranda Amerikada serob bo'lgan.
Fotogalereya

Fotogalereya Amerikada Shukronalik kuni

Har yili noyabr oyining so'nggi payshanbasida o'tadigan bu bayram ko'pchilik amerikaliklar uchun oilaviy yig'ilish va kurkali taom demakdir.
Fotogalereya

Fotogalereya Bugungi dunyo, suratlarda

Jahonning turli burchaklaridan olingan antiqa fotolar - 26-noyabr, 2014

Interaktiv

SAYTGA KIRISHNING XAVFSIZ YO’LI