Shanba, 01-noyabr, 2014 Toshkent vaqti: 12:24

Amerika

AQSh: “Moliyaviy jarlik”ni bartaraf etish uchun vaqt oz qolyapti

Nyu-York qimmatli qog'ozlar birjasi
Nyu-York qimmatli qog'ozlar birjasi

Multimedia

Audio
Amerika Ovozi
Prezident Barak Obama Kongress yetakchilarini Oq uyga talkif etib, byudjet va moliyaviy kelajak xususida muzokara boshladi. Murosa uchun vaqt oz qolayapti.


Yangi yilgacha bir qarorga kelinmasa, soliqlar oshadi va ijtimoiy dasturlar avtomatik ravishda kesiladi. Bu degani, AQSh va uning ketidan global iqtisodiyot ham yana krizisga yuz tutishi mumkin.

Kelishuvga erishish uchun oxirgi muddat – 1-yanvar. “Moliyaviy jarlik” ni bartaraf etish shart ekani hammaga ma’lum. Respublikachi va demokratlar favqulodda muzokaralarni boshlab yuborgan.

Barak Obama prioritetlarni quyidagicha tushuntiradi: 

“O’rtahol oilalar solig’i oshmasligi kerak. Bunga erishish juda oson. Qonun loyihasini menga yuboring, darhol qo’l qo’yaman”. 

Jorj Bush prezidentligi davrida soliqlar hamma uchun pasaytirilgan edi. Bu qonun muddati tugar ekan, Obamaning aytishicha, yillik daromadi 250 ming dollardan oshadigan amerikaliklar bu yog’i ko’proq soliq to’lashi kerak.

Respublikachilar bunga rozi emas. Ularning yetakchisi Jon Beyner fikricha, boylarni ajratib qo’yish adolatdan emas.

“Iqtisodni jonlantirish hozir oldimizdagi eng muhim vazifa. Ish joylari yaratish ham buning bir qismi. Soliqlar oshirilsa, ishonavering, bunga hech qachon erishmaymiz”, - deydi u.

Qonunchilar bir-biri bilan kelishib, kompromissga erishmasa, oqibatlari jiddiy bo’ladi. 1-yanvardan hammaning solig’i oshib, avtomatik qisqartirishlar kuchga kiradi.

Shuning o’zi tomonlarni sarosimaga solib qo’ygan, deydi iqtisodchi Piter Morisi.

“Kongress va Oq uy  kelishuvga erishadi deb o’ylayman, chunki boshqa yo’l yo’q. Demokrat va respublikachilar oyoq tirab olsa, 500 milliard dollardan oshiq qisqartirishlar va yuqori soliqlar haqida gap ketayapti. Yana bir tanazzulga darvoza bu”, - deydi Morisi. 

Dunyoning eng yirik iqtisodiyoti qayta krizisga cho’mishi dunyo bo’ylab aks-sado berishi turgan gap, jumladan Yevropada.

Robert Biksbi Vashingtonda moliyaviy intizomni targ’ib etuvchi tashkilotga rahbarlik qiladi.

“Iqtisodiyotda “domino effekti” degan ibora bor. Hamma narsa bir-biriga bog’liq. Bugun Yevropa davlatlari haliyam qiyin bir ahvolda. Amerika qaddini rostlay olmasa, Yevropa bilan savdo kamayadi. Eksport sur’ati tushib ketishi oqibatida Yevropa ham katta zarar ko’radi”, - deydi Biksbi.

Professor Morisi fikricha, badavlat fuqarolar ko’proq soliq to’lagani bilan muammolar hal bo’lmaydi. Nafaqa, ijtimoiy himoya va sog’liqni saqlash sistemasi ham isloh qilinishi kerak.

“Ijtimoiy himoya xarajatlarini tartibga solmasa bo’lmaydi. Aks holda, olti yildan keyin Amerikada har bir fuqaroning solig’ini keskin ko’tarishga to’g’ri keladi. Harbiy dasturlar, hukumat yopiladi”.

Buni bartaraf etishning yagona yo’li – har ikki partiya yon berishi kerak. Sharhlovchilarga ko’ra, AQSh iqtisodiyoti o’zini tuzatish mexanizmlariga ega. Muhimi, Vashingtondagi beqaror siyosiy muhitni tuzatish kerak.

Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI