Dushanba, 22-dekabr, 2014 Toshkent vaqti: 11:20

Amerika

Byudjet to’g’rilanmasa, AQShda yangi yildan soliqlar oshadi

Amerika Ovozi
AQSh biznes yetakchilari Kongressni mamlakat byudjetiga oid masalalarni zudlik bilan hal qilishga chorlamoqda. Ikki hukmron partiya kelishuvga erishmasa, 1-yanvardan barcha uchun soliqlar oshadi, ijtimoiy va harbiy dasturlar kesiladi.


Biznes yetakchilar ishni tezlashtiring deya to’g’ridan-to’g’ri Kongressga borishdi.

Kichik bizneslar uyushmasi rahbari Kris Xolmanning ta’kidlashicha, siyosatni, tarafkashlikni chetga surish kerak.

Sug’urta kompaniyasi rahbari Mark Bertoliniga ko’ra, kutib o’tirish qimmatga tushadi.

“Bir qarorga kelish uchun 802 soat vaqtimiz bor. Yana bir iqtisodiy krizis va minglab odam ishidan ayrilishi haqida gap ketayapti”, - dedi u.

Ertangi kunga ishonch bo’lsa, biznes muhit ham yaxshilanadi.

Kris Xolmanning aytishicha, mavhumlik bozorni, biznesni o’ldiradi. “Qonunchilar tezroq harakat qilsin, biz kutayapmiz”.

Muammoni qanday hal qilish bo’yicha fikrlar qarama-qarshi. Respublikachilarning da’vo qilishicha, boylarga ko’proq soliq solinishi minglab odamni ishdan ayiradi.

“Prezident bir million kichik bizneslarning solig’ini oshirishni taklif qilayapti. Axir ular aholining 25 foizini ish bilan ta’minlab kelayapti”, - deydi senator Jon Tyun.

Demokratlarga esa raqib partiya olg’a surayotgan yechimlar ma’qul emas. Ijtimoiy dasturlarni kesishdan o’rtahol va kambag’al fuqarolar aziyat chekadi, deydi ular. 

Senator Petti Murrey byudjet kamomadini oddiy oilalar hisobiga kamaytiradigan hujjatga men qo’l qo’ymayman, odamlar shundoq ham og’ir ahvolda, deya bayon qildi.

Kelishuv imzolanmasa, yangi yildan hammaning solig’i oshishi, yuzlab dasturlar qisqarishi kutilmoqda. “Moliyaviy jarlik” deb atalmish bu ssenariyni bartaraf etish zarur. 

Prezident Obamaning aytishicha, aks holda kelasi yildan har bir oila ikki ming dollar ko’proq soliq to’laydi. Bu degani – oila byudjeti kamayadi. Bozor qilishga, dori-darmonga, bolalarga. 

Obama xalq uning tarafida ekanini namoyish etish uchun bir guruh o’rtahol amerikaliklarni Oq uyga taklif etdi. Senatda respublikachilar yetakchisi Mitch Makkonnel fikricha, vaqt boy berilayapti.

“Prezident yaxshisi Kongressga kelib, har ikki partiya vakillari bilan uchrashsin.
Saylov kampaniyasida qilgan eski gaplardan hozir nima foyda”?

2013-yil kirib kelishiga oz qoldi. Qo’shma Shtatlar qarzga botib ketayotgani hammani tashvishga soladi.

Prezident Obama ikki hafta oldin Kongress yetakchilari bilan muzokarani boshlab yuborgan. Shundan beri hali biror yangilik yo’q.

AQSh - Moliyaviy jarlik/US Fiscal Cliff i
X
04.12.2012 21:17
Prezident Barak Obama Kongress yetakchilarini Oq uyga talkif etib, byudjet va moliyaviy kelajak xususida muzokara boshladi. Murosa uchun vaqt oz qolayapti. Yangi yilgacha bir qarorga kelinmasa, soliqlar oshadi va ijtimoiy dasturlar avtomatik ravishda kesiladi. Bu degani, AQSh va uning ketidan global iqtisodiyot ham yana krizisga yuz tutishi mumkin.
Mazkur forum yopiq.
Izohlarni tartiblashtirish
Izohlar
     
Fikr bildiruvchi: Anonim
14.12.2012 09:28
Manimcha, AQSH qilayotgan xarajatlarini qisqartirishi kerak.

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
"Soatiga kamida 15 dollar!"i
X
20.12.2014 23:25
Amerikada fast-fud, xohlagan ovqatingizni qo'lingizga tezgina tutqazadigan kafelarining ichshilari va ularni qo'llab-quvvatlayotgan odamlar minimal ish haqini oshirishni talab qilmoqda.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • AQShdan panoh topgan diniy yetakchi Fathulla Gulen tarafdorlari hukumatga qarshi namoyishda, Turkiya
  • Isroil askarlari Falastin qishlog'ida
     
  • Gavana, Kuba
  • Peshavor, Pokiston
  • Bangalor, Hindiston
  • Indoneziya
  • Xitoy
  • Chexiya
  • Tailand
  • Litva
  • Yaponiya
  • Abu Dabi, Birlashgan Arab Amirliklari
  • Quvayt
  • Germaniya

Interaktiv

SAYTGA KIRISHNING XAVFSIZ YO’LI