Yakshanba, 26-oktyabr, 2014 Toshkent vaqti: 13:29

Amerika

Oq uy va Kongress byudjet, soliqlar bo’yicha haliyam kelisha olmadi

Amerika Ovozi
Prezident Barak Obama Gavayidagi ta’tildan ertaroq Vashingtonga qaytib, Kongress bilan byudjet yuzasidan muzokaralarni davom ettiradi.


Kelishuvga erishish uchun atigi bir necha kun vaqt qoldi. 1-yanvardan barcha amerikaliklar uchun soliqlarning oshishi kutilmoqda.

Ikkiga bo’linib qolgan Kongress va Oq uy til topisha olmasa ijtimoiy-harbiy dasturlar ham avtomatik ravishda kesiladi. “Moliyaviy jarlik” deya nom olgan bu holat tanazzuldan endi tuzalayotgan iqtisodiyotga qattiq zarba bo’lishi mumkin.

Har qanday kelishuv 1-yanvarga qadar Kongressning har ikki palatasi tomonidan tasdiqlanib, prezident uni imzolashga ulgurishi kerak.

16 trillion dollarga yetgan qarzni qanday kamaytirish, byudjetni tartibga solish ustida muzokaralar bir necha yildan beri davom etmoqda, ammo samarasiz.

Ham respublikachilar, ham demokratlar moliyaviy jarlikni qanday bo’lmasin bartaraf etish kerak, deya jar solmoqda.

Prezident Obama va Vakillar Palatasi spikeri Jon Beyner boshchilik qilib kelayotgan muzokaralar o’tgan hafta to’xtab qoldi. Obama bilan til topisha olmagan respublikachilar o’z qonun loyihasini olg’a surdi.

Unda yiliga bir million dollargacha daromad qiladigan fuqarolarning solig’ini oshirsa bo’ladi deyiladi. Ammo Kongressning ultra-konservativ a’zolari unga qarshi chiqib, loyiha ovozga ham qo’yilmadi.

Prezident Obamaning taklifi shuki, yiliga 400 ming dollargacha daromad qiluvchi odamlar yangi yildan ko’proq soliq to’lay boshlashi kerak.

O’z partiyadoshlari qarshiligiga uchragan Jon Beynerning aytishicha, hammaga ma’qul bir taklif bilan chiqish endi Obama va demokratlar hukmron Senat bo’ynida.

Senatda ayrim respublikachilar yon berishga tayyor.

Senator Lindsi Grexem AQSh Gretsiya kabi og’ir ahvolga tushib qolmasligi uchun boylar solig’ini oshirishga ovoz beraman, deydi.

Demokrat senator Eymi Klobushar kabi qonunchilar nazarida esa kelishuv keng qamrovli bo’lishi, byudjetga og’ir tushayotgan ijtimoiy dasturlar islohotini ham o’z ichiga olishi zarur.

Prezident Obamaning oxirgi takliflaridan biri shu ediki, ikki partiya avvalo o’rtahol oilalar uchun soliqlarni oshirmaslik to’g’risida kelishib olsa bo’ladi. Boylar solig’ini alohida muhokama qilish mumkin. 

“Amerikaliklarning 95 foizini ortiqcha soliqdan himoya qilaylik. Bu masalada muxolifat bilan fikrimiz bir axir”, - deydi u.

Siyosatdonlar fikricha, Kongress yangi yilda soliqlar oshib, saylovlarchilardan shikoyatlar yog’ila boshlaganidan keyin murosa qilishi mumkin.

Bu o’rtada, qimmatli qog’ozlar bozori alg’ov-dalg’ov bo’lishi turgan gap. Iste’molchilar xarajatni, bizneslar esa sarmoyani kamaytirsa, endi izga tushayotgan AQSh iqtisodiyoti yana jar yoqasiga kelib qoladi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Sonora sahrosi - AQSh-Meksika chegarasida - Water for Migrantsi
X
24.10.2014 23:59
Sonora dashti Shimoliy Amerikadagi eng issiq joylardan. Shunga qaramay Meksikadan chegarani kesib o’tmoqchi bo’lganlar ko’p hollarda aynan shu yerni tanlaydi. Safarga chiqqanlar orasida chanqoqlikdan nobud bo’lganlar kam emas. Bir mahalliy tashkilot suv ulasha boshlagan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Kobani

  • Kobani

  • Turkiya-Suriya chegarasida

  • Bag'dod

  • Kanadalik askarlar Iroqqa yo'l olayapti.

Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.

Interaktiv

SAYTGA KIRISHNING XAVFSIZ YO’LI