Shanba, 01-noyabr, 2014 Toshkent vaqti: 06:47

Amerika

"Grin karta" nima va lotereyani qanday o'ynaysiz?

Amerika Ovozi
Har yili dunyo bo’ylab millionlab odam AQShda doimiy yashash huquqini qo’lga kiritish uchun “grin karta” lotereyasini o’ynaydi. Ammo ular orasida omadi chopganlar juda kam. Dasturda yutmaganlar qayta ishtirok etish mumkin. 2014-yil uchun “grin karta” tanlovi shu yilning 2-oktabridan boshlandi. Hujjatlarni topshirish bir oy davom etadi.


Ro’zbi Mazhariy bu borada omadi chopganlardan. U AQShga “grin karta” dasturi orqali 1999-yilda kelgan.

“O’sha paytda harbiy xizmatda edim. Bir kuni singlimdan xat oldim. “Ro’zbi, menga darhol qong’iroq qil” deb yozibdi. Singlimga telefon qilsam, u menga yangilikni aytdi. Juda xursand bo’ldim. Uyga borib, vizani qo’lga kiritgach, yetti kun tinimsiz o’yin-kulgi qildim”, - deydi u.
 
Rasman “Turli millat vakillari uchun immigratsion vizalar”, xalq tilida esa “Grin karta” deb ataladigan bu dasturda dunyoning ko’plab o’lkalaridan xorijiy fuqarolar ishtirok etadi. Ular orasida o’zbekistonliklar ham bor. O’tgan yili jahon bo’ylab 55 ming “grin karta” uchun sakkiz million kishi qatnashgan.

Eronlik Naim Karimiy “grin karta” uchun uch marta hujjat topshirgan, lekin biror marta omadi chopmadi. Hozir Kanadada istiqomat qilayotgan bo’lsa ham, “grin karta” olish orzusidan hanuz voz kechgani yo’q.
 
“Bu safar omadim chopadi, deya umid qilyapman. Bu yil men uchun juda omadli kelyapti. Universitetni bitirdim, uylandim, ish topdim. “Grin karta”da uchinchi emas, to’rtinchi urinishda omadim chopsa, ajabmas”, - deydi Karimiy.

“Grin karta” dasturiga hujjatlarni topshirish internet orqali amalga oshiriladi. Natijalarni ham kelasi yilning may oyida internet orqali bilsa bo’ladi. AQSh Viza idorasi vakili Karen King gapiradi:

“Hozir biz tashkil etgan tizimda ishtirokchi hamma narsani bir o’zi qiladi. Kimlargadir pul to’lab, vositachilar orqali hujjat topshirishga hojat yo’q. Natijani ham o’zlariga berilgan maxsus raqam orqali aniqlashadi. Tanlov natijalari e’lon qilingach, biz ularni yana saytga kirib, o’z anketalarini tekshirishlarini so’raymiz”, - deydi AQSh rasmiysi.
 
“Grin karta” dasturi AQShda soni kam bo’lgan millat vakillari miqdorini oshirish maqsadida tashkil etilgan. Braziliya yoki Bangladesh kabi davlatlar uchun programma to’xtatilgan. O’zbekiston uchun har yili to’rt ming atrofida o’rin ajratiladi.
 
“Oson bo’lmadi. Kelajak uchun jiddiy reja qilishim kerak, besh yildan keyin, 10 yildan keyin nima qilaman, deb uzoq o’yladim. Oradan 12 yil o’tgach, mana, grin karta yutib oldim. Bu narsa hayotimni butunlay o’zgartirib yubordi”, - deydi eronlik Ro’zbi Mazhariy.
 
“Grin karta” dasturida ishtirok etmoqchi bo’lganlar AQSh Davlat departamentining rasmiy veb-sahifasi (www.dvlottery.state.gov) orqali hujjat topshirishlari lozim. Anketani to’ldirish yo’l-yo’riqlari turli xorijiy tillarda, xususan, o’zbek tilida ham mavjud: http://travel.state.gov/pdf/DV_2014_Instructions_UZBEK.pdf

Grin karta nima? Green Card Lotteryi
X
14.10.2012 04:48
Har yili dunyo bo'ylab millionlab odam AQShda doimiy yashash va ishlash huquqini qo'lga kiritish uchun "grin karta" lotereyasini o'ynaydi. Ammo ular orasida omadi chopganlar juda kam. Dasturda yutmaganlar qayta ishtirok etishi mumkin. 2014-yil uchun "grin karta" tanlovi 2-oktabrda boshlandi, 3-noyabrgacha davom etadi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI