Juma, 31-oktyabr, 2014 Toshkent vaqti: 23:29

Amerika

Konnektikutdagi fojia qurolga egalik huquqi yuzasidan bahslarga zo'r berdi

Amerika Ovozi
Amerikada qatliomga guvoh bo’lgan Konnektikut shtatining Nyutaun shahrida bugun bolalar sinfxonalarga qaytdi. Shaharning barcha maktablarida darslar jonlangan, lekin o’tgan juma xunrezlikda 20 o’quvchi va olti xodimini yo’qotgan Sendi Xuk maktabi hamon yopiq.


Qutni uchiradigan qirg’in Qo’shma Shtatlarda qurol nazoratiga doir bahsni yana avj oldirib yubordi. Bir necha demokrat qonunchi aslaha savdosi nazoratini kuchaytirib, harbiy turdagi qurollarni butkul taqiqlashga chaqirmoqda.

Kaliforniyadan saylangan senator, qurollarning hujumkor turlarini man etishga doir chora muallifi Dayan Faynstayn, 2004-yilda muddati tugagan hujjatni shu hafta yangilamoqchi.

Juma kungi qatliom Amerika o’quv yurtlarida ro’y bergan eng dahshatli falokatlardan. Ungacha 1999-yilda Koloradoning Kolumbayn maktabida ikki o’smir 13 o’quvchi va yana bir necha odamni qirib, so’ng o’zini o’ldirgan edi. 2007-yilda esa Virjiniya shtatining Politexnika Institutida 32 kishi otib o’ldirilgan edi.

Joriy hafta yuzlab fuqarolar Amerika Qurol-yarog’ uyushmasining Kongressdagi idorasida namoyish qildi.

Yurt tarixidagi eng yovuz otishmadan keyin endi siyosatni chetga surib, qurol-aslaha nazorati bilan jiddiy shug’ullanadigan payt keldi, deydi ular.

“Bugun bo’lmasa qachon? Yigirma nafar yosh bolani qirdilar! Muallimlar o’ldi! Qachongacha kutamiz?” - deydi Merilend shtatidan kelgan namoyishchilardan biri.

Yaqin-yaqingacha saylov kampaniyalarida qurol nazorati tilga olish xatarli, qaltis mavzulardan edi. Aslaha ustidan kontrolni oshirish tarafdorlari, asosan, sukutda edi.

Lekin Konnektikutdagi fojea yondashuvni o’zgartirishi aniq, deydi namoyishchilar. Prezident Barak Obamaning yakshanba kuni Nyutaun shahrida qilgan nutqi bunga yaqqol misol.

“Haqiqatni tan olishimiz kerak. Jamiyat xavfsizligini ta’minlash uchun yetarli chora ko’rmayapmiz. O’zgarish qiladigan fursat yetdi. Prezident bo’lganimdan beri to’rt bor yovuz otishmaning shohidi bo’ldik”, - deydi Obama.

Qurol-aslaha uyushmasi qarshisida to’plangan namoyishchilar orasida har xil fikrlarni eshitish mumkin.

“Agar biror muallim yoki direktorning quroli bo’lganida edi, qirg’inni to’xtatib qolib, o’nlab bolalarning hayotini saqlab qolishi mumkin edi”, - deydi virjiniyalik Gari Vard.

Qurol-aslahaga egalik qilish tarafdorlari kam emas. Qurollanish va o’zini mudofaa qilish huquqi bu kabi voqealarning oldini olishi mumkin, deydi Erik Pratt:

“Bolam maktabga borsa, muallim yoki boshqa mulozimning quroli bo’lishi tarafdoriman. Shunda politsiyaga qo’ng’iroq qilib, 15 daqiqa kutib o’tirishning keragi yo’q. Xavf-xatardan darrov qutulish mumkin”.

Kongressning yangi tarkibi o’qotar aslahani cheklovchi qonun loyihasini yanvarda ko’rib chiqadi. Qurol ustidan nazorat tarafdorlari qizg’in bahsga hozirlik ko’rayapti. Jamiyat bunday muhokama uchun deyarli tayyor, deydi ular.

  • Nyuton, Konnektikut shtati, 14-dekabr, 2012
  • Nyuton, Konnektikut shtati, 14-dekabr, 2012
  • Nyuton, Konnektikut shtati, 14-dekabr, 2012
  • Nyuton, Konnektikut shtati, 14-dekabr, 2012
  • Nyuton, Konnektikut shtati, 14-dekabr, 2012
  • Nyuton, Konnektikut shtati, 14-dekabr, 2012
  • Nyuton, Konnektikut shtati, 14-dekabr, 2012
  • Prezident Obama ko'zida yosh bilan ota-onalarga hamdardlik bildirdi. Adolat va'da qildi. Vashington, 14-dekabr, 2012
  • Bayroqlar tushirilgan
  • Oq Uy oldida odamlar to'planib, o'lganlar xotirlanmoqda
  • Oq Uy oldida odamlar to'planib, o'lganlar xotirlanmoqda
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Urush faxriylari uchun maxsus uylar - Houses for war veteransi
X
31.10.2014 10:03
Iroq va Afg'onistondan 300 mingga yaqin askar majruhlanib qaytgan. AQSh Mudofaa vazirligi yirik bir kompaniya bilan hamkorlikda ularga qulay uylar qurib berishga kirishgan. Ruhan va jismonan nogiron insonlar uchun maxsus imoratlar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI