Juma, 31-oktyabr, 2014 Toshkent vaqti: 23:30

Amerika

Yangi yil oldidan shirinliklar makonida

Amerika Ovozi
Hech bir bayram shirinliksiz o’tmaydi. Yangil yil dasturxonini konfet, pechenye, tort va pirogsiz tasavvur qilish qiyin. Qandolat do’konlari – Amerikada serdaromad bizneslar. G’arbiy Virjiniya shtatida shunday bir noyob maskan borki, unda sotuvchilar shirinliklar sotish bilan birga ularning tarixini ham so’zlab beradi.


Syuzan Benjamin “Zo’r shirinliklar” nomli do’kon sohibasi. Bu yerda qandolatchilikning faqat tarixiy namunalarini topasiz. 

XIX-asrdan beri mashhur bo’lib kelayotgan yalpiz konfetlari, AQSh Fuqarolar urushi davrida askarlar xush ko’rgan “Hard Tack” pechenyelari... Mana bu qip-qizil lab shaklidagi konfetlar esa XX-asr boshida shuhrat qozongan.
 
Bir necha asr tarixini aks ettiruvchi bu shirinliklar haqida Syuzan Benjamin zavqlanib gapiradi:

“Konfet shakargina emas, ancha murakkab mahsulot. Unda qulchilik ham, industrial inqilob ham, tijorat ham, bozor iqtisodi ham aks etgan. Konfetlar aslida bizning tariximiz”.  

“Zo’r shirinliklar” do’koni G’arbiy Virjiniyadagi Xarpers Ferri shahrida  joylashgan. 1859-yilda bu yer quldorlarga qarshi Jon Braun yetakchiligidagi isyon, 1862-yilda esa Fuqarolar urushining eng yirik janglaridan biriga guvoh bo’lgan.
  
Bundan to’rt-besh asr oldin konfetlar faqat shirinlik bo’lib qolmay, salomatlik uchun foydali mahsulot hisoblangan.

“Ular qattiq bo’lgan, yopishmagan. Konfet chaynagan sari tish tozalanishi, jag’ mushaklari mustahkamlanishi va hatto qon tozalanishiga ishongan odamlar,” - deydi Syuzan Benjamin.

XVI-asrga kelib Janubi-sharqiy Osiyoda qamishdan qand olina boshlagan. Birinchi Yevropa, so’ngra Amerikada tarqalganiga qaramay ba’zilar shakarqamishning ishlatilishiga qarshi chiqqan, chunki bu sohada qullar ter to’kkan. 

“Quldorlar qanddan katta foyda olgan. Lekin bu sohada barqarorlik bo’lmagan, chunki qulchilikka qarshilar mahsulotni sotib olishdan bosh tortgan. Lavlagi yoki zarang daraxtidan olingan shakar ishlatgan xolos,” - deya hikoya qiladi Benjamin.

Fuqarolar urushi tugab, qulchilik barham topgach, shakar ham, undan tayyorlangan konfetlar ham ommalashgan.

“Qarabsizki, ishchilar bolalari do’konlarga kirib, cho’ntagidan bir-ikki sent chiqargan-da konfet sotib olgan. Bu ularning o’rtahol tabaqaga qo’shilishi bo’lgan”.

Benjamin mahsulotni muzeylarga sotadi. Internet orqali ham savdo yo’lga qo’yilgan. Ko’pgina turdagi shirinliklarni qayta ixtiro etishga to’g’ri keldi. Syuzan ularning retseptini izlab topdi va yangi hayotga qaytardi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Urush faxriylari uchun maxsus uylar - Houses for war veteransi
X
31.10.2014 10:03
Iroq va Afg'onistondan 300 mingga yaqin askar majruhlanib qaytgan. AQSh Mudofaa vazirligi yirik bir kompaniya bilan hamkorlikda ularga qulay uylar qurib berishga kirishgan. Ruhan va jismonan nogiron insonlar uchun maxsus imoratlar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI