Juma, 29-avgust, 2014 Toshkent vaqti: 06:10

Amerika

Qashshoq amerikaliklar oziq-ovqat uchun qancha sarflaydi?

Multimedia

Amerika Ovozi
AQSh Qishloq xo’jaligi vazirligi ma’lumotiga ko’ra, oziq-ovqat uchun davlatdan yordam oladiganlar soni mamlakatda yildan yilga ko’payib bormoqda. Hozirda ular 47 millionni tashkil etadi. Muhtoj oilalar har oy oziq-ovqat uchun ma’lum miqdorda moliyaviy ko’mak oladi. Ammo ayrimlar fikricha, buning o’zi yetmaydi.


Laura Kan – pazanda.
 
“Kartoshkali quymoq qilyapman”, - deydi u.
 
U bu hafta o’zi va turmush o’rtog’i uchun ovqatga bir kunda to’rt dollar sarflashga qaror qildi. Chunki davlatdan yegulik uchun bir kunlik o’rtacha yordam miqdori shuncha. Bu Amerikada ikki kishining ovqatga bir kunda sarflaydigan pulining yarmi ham emas.
 
Muammo shunda, deydi Arlingtondagi yordam markazi direktori Charlz Meng.

“Har kuni ko’plab oilalar duch keladigan hisob-kitob muammosi bu”, - deydi u.

Masalan, pul tejash uchun konservalangan sabzavot olishadi.
 
“Olmaning narxi konservalangan olma sousidan 5-10 sent qimmat. Bu katta farq bo’lmasligi mumkin, ammo to’rt dollarlik kundalik byudjet uchun 5-10 sent oz pul emas”, - deydi Laura.
   
Konservalarning nomi chiqqan turlari qimmat. Ziravorlardan ham voz kechish kerak.
 
“Mazasida katta farq bor. Pomidorning haqiqiy ta’mini chiqarish uchun allaqanday ziravorlardan qo’shish kerak”, - deydi u.

Go’sht haqida gapirmasa ham bo’ladi.

“Bu pul bilan go’sht olishga qurbimiz yetmaydi”, - deydi Laura.

Demak, protein o’rnini loviya bosadi.

“Qora loviya, qizil loviya olganmiz, yasmiq doni ham bor”, - deydi u.

Byudjet doirasida sarf qilish uchun Laura uzoq izlandi. Har bir retseptiga ketadigan xarajat jadvalini tuzdi.
 
“Ko’p vaqtimni oldi. Lekin raqamlar bilan ishlashni yoqtiraman. Ammo hamma ham bunday qila olmaydi”, - deydi Laura.
 
Bu ish arzon, sog’lom va to’yimli taom tayyorlash uchun muhim. Masalan, tuxum, kartoshka va qovoqdan qilingan bugungi ovqat bir dollarga tushdi.
 
“Juda shirin bo’ldi”, - deydi Laura.
 
Uning turmush o’rtog’i taomning mazasidan qoniqdi. Ammo unga sarflangan vaqtdan emas.
 
“Laurani ko’p band qildi bu ish. Cheklangan byudjet bilan ovqatlanish shuncha vaqt olishini tasavvur qilmagandim”, - deydi Aron.
 
Ayni paytda bu ko’zimni ochdi, deydi Laura.
 
“Keyingi ovqatim nima bo’ladi, u qayerdan keladi, hech o’ylamagan edim. Odamlar uchun bu katta tashvish ekanini bilyapman. O’z boshimdan shuni o’tkazdim”, - deydi u.

Bir haftalik sinovdan so’ng Laura nochor oilalarga hurmati yanada oshganini aytadi. Yil bo’yi ana shunday byudjet bilan yashaydiganlar ko’p, deydi u.
Mazkur forum yopiq.
Izohlarni tartiblashtirish
Izohlar
     
Fikr bildiruvchi: 454545
13.12.2012 23:24
Assalomu alaykum amerika ovozi muxbirlari, amerikaning qarzi ko'payib boryapti deydi ko'p odamlar, agar ko'payib ketuvrsa, keyin nima bo'ladi, va bu narsa odamlarga ta'sir qiladimi? javob kutaman, katta rahmat.

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
AQSh-Immigratsiya - Immigration/US public opinioni
X
28.08.2014 22:39
AQShning janubiy sarhadlarida Markaziy Amerikadan kelayotgan bolalar keskin ko’payganidan buyon immigratsiya masalasi yanada dolzarblashgan. Aksariyat amerikaliklar nazarida tizimni isloh qilish kerak. Chegarada yuzaga kelgan vaziyatdan norozilar ko’p.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Madagaskar
  • Argentina
  • Ekvador
  • Nevada shtati, AQSh
  • Angliya
  • Kashmir va Jammu shtati, Hindiston
  • Kuala Lumpur, Malayziya
  • Pokiston
  • Pokiston
  • Venetsiya, Italiya
  • Jarrohlik orqali yuzini qayta tiklanayotgan xitoylik
  • Guangdong viloyati, Xitoy
Fotogalereya

Fotogalereya Kaliforniya shimolida zilzila, 6 balda

24-avgust kuni Kaliforniya shtati shimolida yer qimirladi. Uning kuchi 6 balni tashkil etgan. Hududda azaldan zilzila ehtimoli yuqori. Binolar vayron bo'lgan, yong'inlar va elektr tarmoqlarida uzilish kuzatilgan. Hech kim o'lmagan. Lekin tunda yuz bergan tabiiy ofat aholi orasida katta vahima uyg'otgan. Zilzila ayniqsa Napa shahrida qattiq sezilgan.
Fotogalereya

Fotogalereya O'zbek shoirasi Zulfiya Boboyeva xonadonida - Tojikistonning Mujun qishlog'idan fotolavha

Tojikiston aholisining 24 foizi, ikki millondan ortig’ini o’zbeklar tashkil etadi. Ular orasida yuzdan ortiq shoir va ijodkorlar bor. Respublika shimolining O’zbekiston va Qirg’iziston bilan chegaradosh G’onchi nohiyasining so’lim Mujun qishlog’ida o’zbek adabiyotining yorqin yulduzlaridan biri, shoira Zulfiya Boboyeva yashaydi. So’g’d viloyat o’zbeklar ma’naviyat va ma’rifat markazi tashabbusi va G’onchi nohiyasi raisi Zafar Ismoilzodaning joriy yil 30-iyulidagi qarori bilan Tojikiston yozuvchilar uyushmasi a’zosi, Maftun Jo’ra nomidagi adabiy mukofot laureati Zulfiya Boboyevaning 60 yoshlik yubiley tantanalari bo'lib o'tdi. Tadbir uning xonadonida kechdi. Shoira yura olmaydi. Boshlang’ich maktabda o'qib yurganidan beri aravachaga mixlanib qolgan. Ijod uning hayoti mazmuniga aylangan. Yosh qizaloq she'rga havas qo’yib, mustaqil o’qib o’rganadi, ma’lumotli bo’ladi. O’zining she’riy satrlarida bitganidek: Bo’ldilar she’rim bayotim-sabrim saodati, Yo’g’rildi shu sabab ishqqa ko’nglimning toati!
Fotogalereya

Fotogalereya Tripolidagi xalqaro aeroport jangarilar qo'liga o'tdi

Muxolifatdagi islomiy guruhning qurollangan vakillari Liviya poytaxti Tripolidagi xalqaro aeroportni egallab oldi. Ular amaldagi parlament faoliyatini noqonuniy deb hisoblab, avvalgi Milliy Kongressning qayta tiklanishini talab qilmoqda.
Fotogalereya

Fotogalereya Donetskda o'ziga xos parad

Ukraina mustaqillik bayramini nishonlar ekan, sharqda bo'lginchilar asirdagi askarlarni ko'chalardan namoyishkorona olib o'tishdi
Fotogalereya

Fotogalereya Isroil va XAMAS o'rtasida yana otishma boshlandi

Qohiradagi muzokaralar muvaffaqiyatsiz yakunlangach, vaqtinchalik sulh tugashi bilan Isroil va XAMAS o'rtasida yana otishma boshlanib ketdi.

Interaktiv

SAYTGA KIRISHNING XAVFSIZ YO’LI