Shanba, 01-noyabr, 2014 Toshkent vaqti: 18:05

Amerika

Amerikada fermerlar chetdan ishchi olib kelish kerak deydi

Amerika Ovozi
Immigratsiya Amerikada eng murakkab masalalardan biri va har bir saylovda ko’tariladigan mavzudir. AQSh qishloq xo’jaligida asosan mamlakatga noqonuniy kirgan latinolar mehnat qiladi. Vaholanki, vaqtincha kelib ishlashga ruxsat beradigan davlat dasturi mavjud. Lekin mahalliy fermerlarning aytishicha, bu sistema ishdan chiqqan


Shimoliy Karolina tamaki dalalarida bu yili hosil mo’l bo’ldi. Uni terib olish uchun fermer Billi Karter Meksikadan ishchilarni yollagan.

"Mahsulot tayyor, lekin yig’ib olish uchun yollagan odamlarimiz kechikishyapti", - deydi u.

Natijada hosilning bir qismi nest-nobud bo’ldi, daromad pasaydi, deydi Karter. U H-2A nomli davlat dasturi orqali ishchilarni qonuniy ravishda yollagan, zarur hujjatlarni ham ancha erta topshirib qo’ygan edi. Lekin ob-havo hech qanday jadvalga bo’ysunmaydi.

Ana shunday holatlar sabab fermerlarning aksariyati bu programmadan foydalanmaydi, deydi Li Viker, Shimoliy Karolina dehqonlar uyushmasi vakili.

"Ochig’i, H-2A dasturi murakkab", - tan oladi u.

Qog’ozbozlik, qonun-qoidalari bir dunyo ish. Meksikadan bir ishchini Amerikaga olib kelish ming dollarga tushadi. Jarayon qimmat, ham murakkab, deydi Li Viker.

"Boshqa bir yo’l bilan hosilni yig’ib olishning iloji bo’lsa, o’sha yo’ldan borishni maslahat bergan bo’lardim".

Aksar xo’jaliklar aynan shunday qilyapti. Dalalardagi ishchi kuchining atigi 10 foizi davlat dasturi bilan AQShga kelgan.

Yer egalari qonuniy ishchi yollashga jon deydi-yu, lekin dalada ishlayman degan amerikalikni topish qiyin. 2007-yilda matbuot orqali reklama ham berib ko’rdik, deydi Larri Vuten, Shimoliy Karolina Fermerlar byurosi prezidenti.

"Qishloq xo’jaligida ishlayman deganlar bizga qo’ng’iroq qiling, ish topib beramiz, deb reklama berdik. Jami uch kishi qo’ng’iroq qildi", - deydi u.

Sabab, deydi tanqidchilar, qishloq xo’jaligida maoshlar juda past. H-2A viza dasturi esa ham amerikalik, ham xorijiy mehnatkashlar huquqini himoya qiladi. 

"Hukumat programmasi bilan kelmagan, noqonuniy ishchilar o’z haq-huquqini talab qila olmaydi. Xo’jayin nima desa shu. Fermerlarga shunisi ma’qul, ko’proq daromad qiladi. Lekin ular qonunni buzayapti", - deydi Erik Ruark, immigratsion islohotlar federatsiyasi vakili.

Dehqon Billi Karter sistema qanchalik mujmal bo’lmasin undan foydalanib keladi. Chunki menga ishonchli, qonuniy ishchilar kerak, mahsulotim xaridorgir, deydi u. 

Ammo boshqa fermerlar Kongressdan dasturni soddalashtirishni so’ramoqda.

Hammasi siyosatga borib taqaladi. Immigratsiya AQShda nozik muammo, unga yechim topilganicha yo’q. Yaqin orada hech narsa o’zgarmasa kerak", - fikr bildiradi Karter.

AQSh hukumati hozir byudjet va moliyaviy muammolar bilan band. Immigratsiya islohotiga navbat yetgani yo’q.

Hujjatsiz muhojirlar yuzlashadigan muammolar/Migrant farm workers and their rightsi
X
17.01.2013 05:54
Amerikada 11-12 million hujjatsiz muhojir yashaydi. Amerikaliklar qilmaydigan qora ishlarni asosan ular bajaradi, xususan, qishloq xo'jaligida. Bu yurtda noqonuniy ravishda yurgani sabab ular haq-huquqlaridan mahrum, maoshi ham past. Nohukumat tashkilotlar ularga yordam beraman desa, yer egalarining kuchli qarshiligiga uchraydi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI