Shanba, 25-oktyabr, 2014 Toshkent vaqti: 11:15

Amerika

Hujjatsiz muhojirlarga imkon berilishi mumkin

Amerika Ovozi
AQShda sakkiz demokrat va respublikachi senator immigratsiya tizimini tubdan isloh qilish, jumladan, hujjatsiz muhojirlarga fuqarolikka yo’l ochish rejasi bilan chiqdi.


Prezident Barak Obama bugun bu masalada o’z takliflarini e’lon qiladi. Immigrantlar huquqini himoya qiluvchi tashkilotlar tashabbusdan mamnun.

Senatorlar taklifi qonunga aylansa, nolegal muhojir ro’yxatga olinib, tarjimai holi tekshiriladi. Jarima va soliqlar to’lashi kerak. Shuningdek, u mamlakatda vaqtincha qolish va qonuniy maqomga erishish imkonini izlashi mumkin.
 
Amerikaga bolaligida kelib qolganlar, qishloq xo’jaligida ishlab davlat ravnaqiga hissa qo’shayotgan immigrantlarga imtiyozlar beriladi. Bundan tashqari, AQSh universitetlarida o’qib, aniq fanlar bo’yicha doktor va magistrlik darajasini olganlarga ham grin karta berish ko’zda tutilmoqda.

Nyu-Yorkdan demokrat senator Charlz Shumer o’zgarish bo’ladi, deydi.
 
Noyabrdagi saylovlarda 71 foiz lotin amerikalik demokrat Barak Obamaga ovoz bergan. Respublikachi Mitt Romnini esa 27 foiz latinolar qo’llab-quvvatlagan. Romni noqonuniy muhojirlar hayotini shu qadar qiyinlashtiraylikki o’zi ketsin, deya taklif qilgan.
 
Yangi tashabbusda chegaralarni puxtaroq mudofaa qilish, viza talablarini oshirishni ham nazarda tutadi.
 
Respublikachi senator, tagi kubalik Marko Rubio mamlakatga kirish-chiqish tartibini mukammallashtirish kerak, deb hisoblaydi.
 
“Immigratsiyaga doir tartib-qoidani qattiq ushlashimiz lozim, toki kelgusida boshqa bunday muammolar bilan yuzlashib o’tirmaylik”.
 
Taklif ma’qullansa, hujjati yo’q ishchilar vataniga qaytib o’tirmasdan shu yerdayoq legal maqom istashi mumkin.  
 
Respublikachi senator Jon Makkeyn deportatsiyadan qo’rqib yashayotgan millionlab insonlar bor, deydi.
 
“Hovlimizni obod qilib, uyimizni chip-chinim saqlayotgan, osh-ovqatimizga qarab, farzandlarimizni katta qilayotgan – immigrantlar. Bu yurt noz-ne’mati, huzuridan ular ham bahramand bo’lsin axir”.
 
Huquq faollari va ishchilar huquqini himoya qilayotganlar xursand.
 
Lekin ayrim qonunchilar yangi rejaga qarshi ekanini yashirmayapti. Respublikachi senator Jeff Seshens fikricha hujjat tasdiqlanmasligi mumkin.
 
Prezident Barak Obama esa rejani olqishlab, unga o’z takliflarini ham kiritish umidida.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Sonora sahrosi - AQSh-Meksika chegarasida - Water for Migrantsi
X
24.10.2014 23:59
Sonora dashti Shimoliy Amerikadagi eng issiq joylardan. Shunga qaramay Meksikadan chegarani kesib o’tmoqchi bo’lganlar ko’p hollarda aynan shu yerni tanlaydi. Safarga chiqqanlar orasida chanqoqlikdan nobud bo’lganlar kam emas. Bir mahalliy tashkilot suv ulasha boshlagan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Kobani

  • Kobani

  • Turkiya-Suriya chegarasida

  • Bag'dod

  • Kanadalik askarlar Iroqqa yo'l olayapti.

Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.

Interaktiv

SAYTGA KIRISHNING XAVFSIZ YO’LI