Juma, 04-sentyabr, 2015 Toshkent vaqti: 15:21

Amerika

AQShda immigratsiya islohoti yuzasidan kuchli bahslar

AQShda immigratsiya tizimi isloh qilinadimi? US immigration reformi
X
26.02.2013 21:07
Immigratsiya tizimini isloh qilish - Amerika oldida turgan dolzarb vazifalardan biri. Uni hoziroq hal etish kerak, chunki mamlakatda hujjatsiz yashayotgan muhojirlar soni 11 milliondan oshib, bu muammo ta'sir etmagan jabhaning o'zi yo'q. Qizig'i shundaki, noqonuniy muhojirlarga ish bor, ularning mehnatiga talab bor. Siyosatchilar buni tan oladi, ammo bu insonlarga qanday maqom berish, qanday imkoniyatlar yaratishga kelganda, Kongress va Oq Uy orasida yakdillik yo'q. Prezident Barak Obama, demokrat rahbar, muxolifat, ya'ni respublikachilar bilan murosa qilmasdan ham immigratsiya tizimini yangilay boshlagan.
AQShda immigratsiya tizimi isloh qilinadimi? US immigration reform
Amerika Ovozi
AQSh immigratsiya tizimini isloh qilishga doir bahs-munozaralar qizib bormoqda. Qonun loyihasining Obama ma’muriyatida ishlangan varianti ommaga oshkor etilgach, ayrimlar nazarida demokratlar va respublikachilarning yopiq eshiklar ortida o’tayotgan muzokaralari qiyinlashgan.


AQShdagi 11 million noqonuniy muhojirning taqdiri nima bo’lishi hanuz noma’lum. Prezident Obamaning matbuotda oshkor etilgan rejasida ularning doimiy yashash uchun hujjat olish imkoniyatiga ega bo’lishi ta’kidlanadi.
 
Respublikachilar bundan g’azabda. Ular Obamani shu masala ustida bosh qotirayotgan ikki partiya hamkorligiga darz solayotganlikda ayblamoqda. Kongresmen Pol Rayan ham shu fikrda.
 
“Chegarani mustahkamlash o’rniga, qonuniy ravishda kelgan muhojirlar qolib noqonuniylarga imtiyoz berish prezidentning tarafkashlik siyosatidan darakdir”, - deydi Rayan.
 
“Prezident samara bo’lishini xohlaydimi yoki respublikachilarni ayblash uchun yana bir yo’l qidiryaptimi?”, - deydi senator Jon Makkeyn.
 
Bu haqda Obama allaqachon Kongressga o’z so’zini aytgan.

“Agar Kongress o’z vaqtida loyihani taqdim etmasa, men o’zimnikini jo’nataman”, - dedi prezident.

Qonunchilar norozi ekan, Oq uy rasmiylari ularga javob berishga urinmoqda. Oq uy ma’muriyati rahbari Denis Makdono.

“Umid qilamanki, respublikachilar va demokratlar yana odatdagidek Vashingtonda o’zini ko’rsatishga urinmasdan, yeng shimarib ishga kirishadi”, - deydi u.

Islohot tarafdorlariga ko’ra, hozir harakatning ayni payti. Demokrat senator Charlz Shumer.

“Immigratsiya islohotini qo’llab-quvvatlamasdan unga qarshi chiqishda siyosiy xavf kattaroq”, - deydi senator.

Ammo islohot noqonuniy muhojirlar oqimini oshiradi, deya fikrlovchilar bor. Chegarani qo’riqlovchi ko’ngillilar guruhining rahbari Jim Gilkrist shulardan biri.

“Hozir bu yerdagi 15-30 millon noqonuniy muhojirni afv etsak, keyingi bir necha o’n yillikda ularga ergashib keladigan 300 million odamni kechirayotgan bo’lamiz”, - deydi u.

Shunga qaramay, barcha sohani isloh qilish kerak, degan fikrda yakdil. Migratsiya siyosati instituti vakili Mishel Mittelshtadt gapiradi.

“Chegarani mustahkamlash, muhojirlarning ish joyini tekshirishni majburiy qilish, hujjatsiz immigrantlar ishini ko’rib chiqib, ularga qanaqadir status berish kabi masalalarda ko’pchilik hamfikr”, - deydi tadqiqotchi.

Ammo Oq uy loyihasiga bo’lgan qarshilik o’zgarishlarga hali erta ekanini ko’rsatdi.

“Qonunchilar o’rtasidagi kelishuv istalgan payt barbod bo’lishi mumkin. Oq uydan sizib chiqqan ma’lumotlarga nisbatan respublikachilarning noroziligi masalaning qanchalar murakkab ekanini va masala hali beri hal bo’lmasligini ko’rsatadi”, - deydi Mishel Mittelshtadt.

Obama Oq uyga kelgandan beri immigratsiya tizimini isloh qilish haqida gapiradi. O’tgan yili osiyolik va ispanzabon saylovchilar yordami bilan ikkinchi muddatga saylangandan keyin respublikachilar ham uning tashabbusiga quloq sola boshladi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Meksika ko'rfazidagi vaziyati
X
03.09.2015 23:21
Besh yil muqaddam mutaxassislar Meksika ko’rfazida 87 kun davomida to’kilgan neft koniga qopqoq yopishga muvaffaq bo’lgan edi. Shu oy boshida fojea sababchisi “British Petroleum” kompaniyasi sohil bo’yi shtatlariga 18,7 milliard dollar to’lashga majbur qilindi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Suriyalik uch yashar kurd bola Aylan Kurdining sohilda yotgan jasadi olib ketilmoqda, 2-sentabr, Bodrum, Turkiya
  • Suriyalik kurd oila Yevropaga yetaman deb dengizda halok bo'lgan - uch yashar Aylan, besh yashar Galip va ularning 27 yoshli onasi Rehan. Ularning jasadlari Turkiya sohillaridan topilgan.
  • Uch yashar o'g'li Aylan, besh yashar o'g'li Galip va rafiqasi Rehanning Turkiya sohilaridan topilgan jasadlarini Abdulla Kurdi vatani Suriyada dafn etmoqchi
  • Istanbulda suriyalik qochqinlarga yordam berishni talab qilib ko'chaga chiqqan omma
  • Gretsiyaga yetib kelgan suriyaliklar va afg'onlar
  • Florida shtatida Prezident Obamaning Eronga nisbatan siyosatiga qarshi namoyish qilayotgan omma
  • Xitoyda Ikkinchi jahon urushi tugaganining 70 yilligi tantanalari
  • Xitoyda Ikkinchi jahon urushi tugaganining 70 yilligi tantanalari
  • Hindiston
  • Afg'oniston
  • Hindiston
  • Alyaska shtatida
  • Berlin muzeylarida
  • Nevada shtatida san'at va musiqa festivali
  • Yaponiya
  • Belgiya
  • Avstraliya
  • Isroil
  • Germaniya

Interaktiv

SAYTGA KIRISHNING XAVFSIZ YO’LI