Shanba, 19-aprel, 2014 Toshkent vaqti: 14:26

Amerika

AQSh immigratsiya tizimi islohot arafasida

Muhojirlar immigratsiya tizimi isloh qilinishini qo'llab-quvvatlab namoyish o'tkazmoqda. Mayami, 28-yanvar, 2013-yil.
Muhojirlar immigratsiya tizimi isloh qilinishini qo'llab-quvvatlab namoyish o'tkazmoqda. Mayami, 28-yanvar, 2013-yil.
Matn hajmi - +
Amerika Ovozi
AQSh immigratsiya tizimini isloh qilish prezident Barak Obama uchun navbatdagi muhim vazifalardan. Mamlakatdagi millionlab noqonuniy muhojirlarni qanday taqdir kutmoqda? Bu borada jamoatchilik fikri turlicha.


AQShda noqonuniy muhojirlar soni 11 milliondan oshadi. Yana kelishga oshiqayotganlar qancha.
 
Klavdiya Xernandez bu yerga bolaligida kelgan. U o’zini amerikalik deb hisoblaydi.
 
“Umrimning yarmidan ko’pi shu yerda o’tdi. Amerikani sevaman. Bu mening vatanim”, - deydi u.
 
Ikkinchi muddatga saylanishi bilanoq Obama tizimni isloh qilish harakatiga tushdi.
 
“Keng qamrovli islohotni amalga oshirish payti keldi. Buni hoziroq qilish kerak”, - deydi prezident.
 
Kongress allaqachon ishga kirishgan. Har ikki partiya vakillaridan iborat senatorlar guruhi, jumladan, respublikachilardan prezidentlikka sobiq nomzod Jon Makkeyn bu haqda o’z rejasiga ega.
 
“Bunday odamlar uzoq vaqtlardan beri bog’imizda ishlaydi, bizga ovqat pishiradi, hatto bolalarimizga qaraydi. Ammo ular davlatimizning buyukligi ifodasi bo’lgan yordam dasturlaridan bebahra”, - deydi Makkeyn.
 
Har ikki partiyani o’z ichiga olgan guruh chegara nazoratini kuchaytirish, ayni paytda noqonuniy muhojirlarga fuqarolik sari yo’l ochish tarafdori.
 
Chegarani qo’riqlovchi ko’ngilli fuqarolar guruhi rahbari Jim Gilkrist bundan tashvishda.
 
“Bu yerdagi 15-30 million noqonuniy muhojirga amnistiya e’lon qilsak, aslida keyingi o’n yilliklarda ularga ergashib keladigan 300 million odamni kechirayotgan bo’lamiz”, - deydi u.
 
Boshqa faollar va qonunchilar nazarida, chegarani mustahkamlashdan foyda yo’q. Garchi barcha huquq-tartibot idoralari orasida eng ko’p pul shu sohaga ajratilsa ham, deydi ular.
 
Lekin Kongress ham, prezident Obama ham masalani tezroq hal qilish niyatida.
 
Ispanzabon amerikaliklarning “La Raza” guruhi rahbari Jenet Morgiya islohotlarni qo’llab-quvvatlaydi.
 
“Haqiqat shuki, saylov kuni ispanzabon saylovchilar xayolida eng birinchi iqtisodiyot turlgan bo’lsa, yuragida immigratsiya islohoti bor edi”, - deydi u.
 
Qarashlar turli-tuman bo’lgani bilan, barcha sohadagi muammolar tezroq bir yoqlama bo’lishini istaydi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
AQShda farzand boqib olgan o'zbekistonlik ona bilan suhbat- Boston, Massachussetts shtatii
X
19.04.2014
Boston va uning atrofida o'zbeklar boshqa katta shaharlarga qaraganda unchalik ko'p emas. Dunyoning bu qismlariga asosan talabalar kelib ketadi. Lekin bugun o'zbekistonlik oilalar yetib bormagan joy yo'q.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Ukrainadan suratlar

Sharqdagi to'qnashuvlarda o'lganlar, jarohat olganlar bor.
Fotogalereya

Fotogalereya Boston fojiasini eslab

O'tgan yilning 15-aprelida 25 mingga yaqin kishini bir joyga to'plagan marafon paytida yuz bergan portlash uch kishini hayotdan olib ketgan va 260 dan ortiq odam jarohatlangan edi.
Fotogalereya

Fotogalereya Nigeriyada qonli kun

Fotogalereya

Fotogalereya Ukrainadan suratlar

Fotogalereya

Fotogalereya Vashingtonda olcha gulladi

Har yili aprel oyida Vashington shahri olcha gullari bilan burkanadi. Bir asr muqaddam Yaponiya tomonidan hadya qilingan ko’chatlar bugun Vashingtonning ramziy ko’rkiga aylangan. Olchaning gullash mavsumi har yili 10 kuncha davom etadi. Yilning bu davrida Vashington sayyohlar bilan to’ladi. Chunki ayni shu kunlarda poytaxt Olcha guli festivalini tashkil qiladi. Vashington bo’ylab yapon madaniyati kunlari o’tkaziladi. Musiqa va raqs, me’morchilik san’ati, urf-odatlar, kinolar namoyish etiladi. Yapon tili va adabiyoti ham targ’ib qilinadi. Yaponiyadan mehmonlar kelib, sahnada amerikaliklarni xushnud qiladi. Ikki xalq san’atini ifodalovchi asarlar namoyish etiladi.
Fotogalereya

Fotogalereya Janubiy Afrika Respublikasi notinch

BMT Xavfsizlik Kengashi tobora notinch Janubiy Afrika Respublikasiga keng ko’lamli tinchlikparvar qo’shin safarbar etadi. Salkam 12 ming kishilik missiya tinch aholini himoya qilib, insonparvarlik yordami qatnovini ta’minlaydi. Mamlakatda mazhablararo adovat va zo’ravonlik minglab odamlarni hayotdan olib ketdi. Afrikalik olti ming va fransiyalik ikki ming qo’shin tinchlikni saqlay oladi, deydi BMT rasmiylari. Xalqaro qo’shinlar 15-sentabrda ishga kirishadi. AQShning BMTdagi elchisi Samanta Pauer shu hafta Markaziy Afrika Respublikasida bo’ldi. Qo’shma Shtatlar Afrika ittifoqi qo’shinlarini qo’llab quvvatlaydi; jahon hamjamiyati bu davlatga dadilroq yordam berishi lozim, deydi elchi. BMT, xususan, Markaziy Afrika Respublikasida 19 ming musulmon hayoti jiddiy tahdid ostida va ular mamlakatning xavfsiz hududlariga yoki xorijiy davlatga ko’chirilishi kerak, deya ogohlantiradi. Nasroniy jangarilar musulmon aholiga qarshi qonli hujumlarni boshlagandan beri o’n minglab musulmon poytaxtni va g'arbiy viloyatlarni tark etgan. Ayrim mahalliy rasmiylarning aytishicha, aholini ko’chirish choralari ixtilofni yanada kuchaytirib, mamlakatni parchalab yuborishi mumkin.

Interaktiv

SAYTGA KIRISHNING XAVFSIZ YO’LI