Shanba, 01-noyabr, 2014 Toshkent vaqti: 10:54

Siyosat

AQSh qo'shinlari Janubiy Koreyada mashqlar o'tkazdi

AQSh armiyasining 2-piyoda diviziyasi mashqqa tayyor. Janubiy Koreya. 25-yanvar 2013.
AQSh armiyasining 2-piyoda diviziyasi mashqqa tayyor. Janubiy Koreya. 25-yanvar 2013.
Amerika Ovozi
AQSh armiyasi 2-piyoda diviziyasining 17 ming askari Janubiy Koreyani Shimoliy Koreyadan ajratib turuvchi chegara yonida joylashgan. Ularning vazifasi ikki qo’shni davlat o’rtasida urush boshlangudek bo’lsa, yordam yetib kelguncha, shimol hujumini qaytarish. 1950-yilgi Koreya urushidan beri hududda vaziyat tarang. “Amerika Ovozi” muxbiri yaqinda mintaqada o’tkazilgan harbiy mashqlarni kuzatdi. 

Havo sovuq, yer muzlagan. “Abrams” rusumidagi to’rtta tank katta tezlikda ketyapti. Mashq batalyonning operativ markazidan kuzatilyapti.

Katta palatka ichida tank rotalarining biridan olingan va vaziyatni tasvirlovchi raport muhokama qilinmoqda.

"Moving forward phase line blue, phase line crimson.”

“Phase line blue, phase line crimson!”

Tanklar joylashuvi haqidagi ma’lumot qayta-qayta takrorlanmasa bo’lmaydi. Hamma o’z qismlarining pozitsiyasini aniq bilishi lozim.

Kapitan Joshua Jons 72-tank rotasi ofitseri:

“Hozir “Ajdarho” nomli rotaning 2-vzvodi hududni egallashga muvaffaq bo’ldi va tevarakni o’rganyapti. Ular asta-sekin pastga yurib, dushmanni yo’q qilishi kerak”.
   
“Abrams” tankiga o’rnatilgan 120 millimetrlik to’p ovozlarini ikki kilometr narida joylashgan Shimoliy Koreya harbiylari eshitayotganiga shubha yo’q.  

AQSh Qurolli Kuchlari Bosh shtabi sobiq rahbari general Kreyton Abrams sharafiga nomlangan bu harbiy mashinalar Amerika armiyasidagi eng qudratli jangovar transport. Nafaqat Qo’shma Shtatlar, balki Yaqin Sharq, Avstraliya va Janubiy Koreyada joylashtirilgan.

Shimoliy Koreya hujum qilgudek bo’lsa, “Abrams” tanklari dunyodagi eng ko’p sonli armiyalardan biriga qarshi turadi. Bu hududdan bor-yo’g’i 30 kilometr narida esa poytaxt Seul va tevaragi aholisini hisoblaganda 25 million odam yashaydi.

Batalyon qo’mondoni podpolkovnik Metyu Xolli tank guruhlari mashq davomida qanday baholanishini tushuntirmoqda:  

“Nishonga olish va o’q uzishga ketgan vaqt hamda nishonga tekkan-tegmaganligi hisobga olinadi. Nishonga tegsa, yaxshi, aks holda qaytadan o’q uziladi. Biroq bu holda umumiy balldan bir necha ochko olib tashlanadi”.   

Vzvod 18 ta snaryad otib, barchasi nishonga tegdi. 2-diviziya qo’mondoni, general-mayor Edvard Kardon askarlarni maqtadi.

“Bizga ana shunday mergan tankchilar, qismlar kerak. Urush boshlansa, shimoliy koreyaliklar nima qilishini bilmayman. Lekin o’zimizning askarlardan ko’nglim xotirjam. Oldimizga qo’yilgan har bir vazifani 100 foizga bajarish – burchimiz.  Amerika Qurolli Kuchlarining qudrati aynan shunisi bilan butun dunyoga tanilgan”.

Ikkinchi piyoda diviziyasi AQSh armiyasida eng mashhuri bo’lib, 1917-yilda tuzilgan. Birinchi Jahon urushidan beri to’rt urushda ishtirok etgan. Diviziya ikki Koreya chegara zonasini 1965-yildan beri nazorat qiladi. Safida janubiy koreyalik harbiylar ham bor.
Seuldagi Sejon tadqiqotlar instituti tahlilchisi Xon Xyun Ik e’tiroficha, AQSh qo’shinlarisiz bu mamlakat Shimoliy Koreyaga bas kelolmaydi.

“Agar Pxenyan urush boshlasa, Seulni osonlikcha zabt etadi. Janubiy Koreya AQSh qo’shinlariga muhtoj. Amerikaliklarning borligi uchun ham shimol o’zini hujumdan tiyib turibdi”, - deydi mutaxassis.

AQSh hukumati Iroq va Afg’onistondan qo’shinlarni olib chiqmoqda. Janubiy Koreyadagi harbiylar esa xizmatini davom ettiradi, lekin 2015-yildan boshlab AQSh emas, Janubiy Koreya yetakchiligida.

Hozircha esa 2-diviziya harbiy tayyorgarligi va qudratini oshirish bilan band. Shu maqsadda zamonaviy harbiy asbob-uskuna olindi, koreyalik hamkorlar bilan birgalikda mashqlar tashkil etilmoqda.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI