Shanba, 01-noyabr, 2014 Toshkent vaqti: 18:50

Amerika

AQSh va Isroil aloqalari qay tomon yo'nalmoqda?

Benyamin Netanyaxu va Barak Obama o'rtasidagi aloqalar tarang
Benyamin Netanyaxu va Barak Obama o'rtasidagi aloqalar tarang

Multimedia

Audio
Amerika Ovozi
Barak Obamaning qayta saylanishi Mitt Romnini ochiqchasiga qo’llab-quvvatlagan Isroil Bosh vaziri Benyamin Netanyaxu uchun jiddiy siyosiy zarba bo’ldi. Xo’sh, azaldan yaqin hamkor bo’lgan AQSh va Isroil o’rtasidagi munosabatlar kelasi to’rt yil davomida qanday bo’ladi?
 
Barak Obamaning g’alabasi e’lon qilinganidan bir necha soat o’tib, Isroil Bosh vaziri Benyamin Netanyaxu ikki tomonlama aloqalarni diplomatik yo’l bilan yaxshilashga urindi. 

U AQShning Isroildagi elchisi Den Shapironi huzuriga taklif qilib, jurnalistlar oldida Obama g’alabasini olqishladi:    

“Xavfsizlik bobida AQSh-Isroil munosabatlari toshdek mustahkam. Men prezident Obama bilan ishlashga va bu aloqalarni yanada chuqurlashtirishga umid qilaman. Tinchlik va xavfsizlik borasida ham hamkorlik qilish niyatidaman”. 

Elchi Shapiro bunga javoban shunday dedi:

“Prezident Obama o’zining birinchi muddati davomida Isroil bosh vaziri va hukumati bilan aloqalarni rivojlantirdi va ikkinchi muddatda ham bu hamkorlikni davom ettirish niyatida”.

Netanyaxu va Obama o’rtasidagi shaxsiy aloqa biroz tarang. AQShdagi saylov kampaniyasi davomida Isroil rahbari do’sti Mitt Romnini qo’llab-quvvatladi. Obama Oq uyda ikkinchi muddatga kirishish arafasida ekan, Isroil bilan munosabatlar endi qanday bo’ladi?

“Netanyaxu saylovga aralashdi, shu bois uning prezident Obama bilan aloqalari yanada qiyinlashadi deyayotganlar bor. Ikki davlat o’rtasidagi munosabatlarga bu yomon ta’sir qilmasa kerak, nazarimda, lekin boshlanishi yaxshi emas,” - deydi Isroil Demokratik instituti professori Gideon Rexat.

Tahlilchilar fikricha, ikkinchi muddatga saylanib olgach, Obama AQShdagi yahudiylar ko’nglini ovlashga majbur emas, shu sababli Isroilni Falastin bilan tinchlik muzokaralarini olib borishga undaydi.
 
Netanyaxu shu paytgacha hech qanday shart qo’yilmasa, muzokaralarni qayta boshlashga tayyorman, deb keladi.

AQShning bir necha sobiq prezidenti, xususan, Jimmi Karter, Bill Klinton va Jorj Bush ikkinchi prezidentlik muddati davomida ikki tomonlama muzokaralar uyushtirib, jiddiy siljishga erishgan edi.

“Umid qilamanki, ikkinchi muddat davomida tinchlik mukozaralari qayta boshlanadi. Biroq men Netanyaxu buning uddasidan chiqishiga ishonmayman. Chunki muzokara murosa degani. U va tarafdorlari esa murosaga tayyor emas,” - deya fikr bildiradi Bar Ilan universiteti professori Denni Rubinshteyn.

Obama va Netanyaxu o’rtasidagi yana bir nozik masala – Eron.

Isroil siyosiy doiralarida Eron yadroviy inshootlarini bombardimon qilish-qilmaslik yuzasidan qizg’in bahs ketmoqda.

Netanyaxu Eronga nisbatan keskin va qatiqqo’l siyosat tarafdori. Vashingtonni ham shunga undab keladi. Obama esa amaldagi sanksiyalar Tehronni yadro qurolini yaratish rejasidan voz kechishga majbur qilishiga ishonadi. 

Isroilda saylovlar yaqinlashar ekan, AQSh bilan munosabatlar katta rol o’ynashi shubhasiz, deydi Gideon Rexat:

“Obamaning g’alabasi muxolifatga Likud partiyasi va uning rahbari Netanyaxuni tanqid qilishga asos bermoqda. Ular “AQSh bilan aloqalar muhim, Romnini qo’llab-quvvatlagan Netanyaxu uning mag’lubiyatidan so’ng bosh vazir bo’lishga loyiq emas” deydi”.

Mo’tadil qarashdagi isroillik siyosatchilar Obamaning qayta saylanganidan mamnun.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI