Shanba, 01-noyabr, 2014 Toshkent vaqti: 01:40

Madaniyat

Amerikada shuhrat qozongan xattot muhojir

Muhojir san'atkor/Immigrant artisti
X
27.04.2013 02:29
Amerikada ishlamagan tishlamaydi. Ayniqsa agar muhojir bo'lsangiz. Og'ir ishlarni qilib yurgan yoki o'z kichik biznesini zo'rg'a tebratayotgan immigrant bilan yaqindan gaplashangiz, uning hayotiy qissasi odamni lol qoldiradi. Ba'zilar ko'rinishidan oddiy muhojirlar, lekin mamlakat miqyosida tanilgan san'atkorlar...

Muhojir san'atkor/Immigrant artist

Multimedia

Audio
Amerika Ovozi
Barcha muhojirlar kabi koreyalik Kvon Myon Von (Kwon Myoung-Won) ham qattiq mehnat qilib pul topadi. Do’kondagi ish qancha ko’p vaqt talab qilmasin, u bolalikdagi sevgan mashg’ulotidan voz kechmadi. 

Kvon yoshligidan kalligrafiya, xushxatga qiziqadi. U yaratgan asarlar AQSh va dunyo bo’ylab muzey va san’at galereyalarida ko’rgazmaga qo’yilgan. 

Kvon Myon Von xaridorlar bilan ovora. Turmush o’rtog’i So Yan sendvich tayyorlayapti. Mana 20 yildirki, ular spirtli ichimliklar va sendvichlar sotadigan do’konda ishlaydi.  

“Do’kon ertalab soat olti yarimdan kechasi o’ngacha ochiq. Men ishga oltida kelaman. Kuniga 16 soat iashlayman,” - deydi Kvon Myon Von.

Poytaxt Vashington yaqinidagi bu do’konda san’at asarlarini ko’rmasangiz-da, Kvon rasta ostida guruch unidan tayyorlangan qog’oz saqlaydi. Xaridorlardan bir oz bo’shagan paytda do’kon sohibi sevimli mashg’ulotiga sho’ng’iydi. Kvon koreys tilida “eshik” so’zini qayta-qayta yozyapti.    

“Eshik “ochish” demakdir. Hayotning har bir bosqichidan o’tish ham eshikni ochishdek gap. Harakat qilmasang, ocholmaysan. Orzuingga erishmoqchimisan, harakat qil”.

Kvon, asosan, koreys harflarini yozadi.

“Kuni bilan do’kondaman, ish ko’p, xushxat bilan shug’ullanishga uyda vaqtim yo’q. Shuning uchun bu yerdagi vaqtdan samarali foydalanishga harakat qilaman. Xaridor kelganda do’kon ishiga qaytaman, ammo bu vaqt ichida bo’yoq qurib, ilhom ham ketadi. Shunga harflarni mayda qilib yozishga qaror qildim”.
  
Kvon yaratgan asarlardan biri figurali uchish bo’yicha chempion qizning tasviri bo’lib, minglab mayda harflardan tarkib topgan. Olimpiya o’yinlari g’olibi, janubiy koreyalik Kim Yu Nani koreyslar erkalatib “gul” deb atashadi. Kvon yozgan harf ham gulni anglatadi. 

“Men kalligrafiya bilan shug’ullanishni boshlaganimda yoshim yettida edi. Akalarim qishloq maktabida bo’yoq bilan harflar yozardi. Men esa ko’zimni uzmay, tomosha qilardim. Keyin o’zim ham yoza boshlaganman”.

Kvonning ayrim asarlarini Vashingtondagi Kongress kutubxonasida ko’rish mumkin. Yana ba’zilari Smitson Tarix muzeyida doimiy ko’rgazmada. Pol Teylor shu muzeyning Osiyo dasturi direktori:

“Kvon Myon Von xushxatining xususiyati shundaki, u klassik shakllarni dinamik, zamonaviy, yangicha uslubda ifodalaydi. U AQShdagi koreys jamoasining faol a’zosi sifatida ana shu an’anani davom ettirmoqda”. 

Yana bir asarni yaratishda Kvon Amerikaning 16-prezidenti Avraam Linkolnning Gettisburgdagi nutqidan ilhom olgan. Rassom uni Chikagodagi prezident kutubxonasiga hadya qilmoqchi.

Kvon Vashingtonda o’tkaziladigan xalqlar madaniyati festivalida ham, mahalliy universitetda ham o’z san’atini namoyish qilgan.

“Bu mamlakatda turli madaniyatlar, urf-odatlar mavjud. Men boshqalarga koreys tili va koreys xushxati san’atining go’zal tarafini ochib bermoqchiman. Niyatim shu”.

Kvon Myon Von ana shu orzusi yo’lida mehnat qilayotganini aytadi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Urush faxriylari uchun maxsus uylar - Houses for war veteransi
X
31.10.2014 10:03
Iroq va Afg'onistondan 300 mingga yaqin askar majruhlanib qaytgan. AQSh Mudofaa vazirligi yirik bir kompaniya bilan hamkorlikda ularga qulay uylar qurib berishga kirishgan. Ruhan va jismonan nogiron insonlar uchun maxsus imoratlar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI