Yakshanba, 20-aprel, 2014 Toshkent vaqti: 18:18

Markaziy Osiyo

Qirg’izistonda sportni taraqqiy ettirish muammolari

Yaponiyalik Ebinuma Masashi, qirg'izistonlik Bayalinov Islom. Dzyudo bo'yicha jahon chempionati, 23-avgust, 2011-yil.
Yaponiyalik Ebinuma Masashi, qirg'izistonlik Bayalinov Islom. Dzyudo bo'yicha jahon chempionati, 23-avgust, 2011-yil.

Multimedia

Audio
Matn hajmi - +
Xalqaro olimpiya qo’mitasi Qirg’izistonning O’sh va Botken shaharlari maktablariga sport anjomlari sovg’a qildi. Mahalliy mutaxassislarning aytishicha, jismoniy tarbiya va sport sohasi inqirozdan chiqish yo’lida davlat hamda xalqaro tashkilotlar ko’magiga muhtoj.

Joriy yil Qirg’iziston janubining bir necha tumanida qishloq stadionlari ta’mirdan chiqqan. Bu ishlar byudjet va grantlar evaziga bajarildi. Mustaqillik yillari Qirg’izistonda sport sohasi ko’proq xususiy tizimlarga o’tib, davlat ancha chetlanib qolgan edi.

O’shdagi olimpiya zaxiralari sport maktabi rahbari Toqtosun Qamchibekovning aytishicha, hozir o’lkada sport yana rivojlana boshlagan.

“Joylarda shaxsiy sport klublari ochilmoqda. Endi davlat darajasida sportni qo’llash darkor, birinchi navbatda mablag’ masalasida. Bizda sportchilar ham, murabbiylar ham yetarli. Ularga ko’mak kerak”, - deydi u.

Po’lat Sobirov bir paytlar viloyat sport qo’mitasini boshqargan va hududda yirik sport inshootlari qurilishiga hissa qo’shgan.

“Mustaqillik yillari sport saviyasi bizda ancha pasaydi. Sport maktablari, murabbiylar mablag’ jihatidan ancha qiynalib qoldi. Ko’p mutaxassislarning o’z ishidan hafsalasi pir bo’ldi. Aksariyati o’zlarini biznesga urdi, maktablardan jismoniy tarbiya o’qituvchilari ketib qoldi. Shu bois yoshlarimiz sport bilan shug’ullanishdan chetlab qoldi”, - deydi faxriy Po’lat Sobirov.

Suhbatdoshlar fikricha, Qirg’izistonda, ayniqsa, qishloq hududlari sport maydonlariga muhtoj.

“O’tgan asrning 80-yillarida qurilgan sport bazalarimiz hozirgi shart-sharoitga javob bermay qoldi. Uskunalar, sport anjomlari eski. Menimcha, o’lkaning hozirgi iqtisodiy vaziyati sportga ham ta’sir qilayapti”, - deya davom etadi Po’lat aka.

Mutaxassislar deydiki, yurt tabiiy sharoiti sportning turli yo’nalishlarini rivojlantirish uchun qulay. So’nggi yillarda yoshlar orasida sportning aksar kuch turlariga qiziqish qayd etilayapti.

“Hozirda bizda sportning asosiy yo’nalishi yakka olishuv bo’lib qoldi – boks, kurash, karate, kikboksing kabi. Chunki qo’lida bor odamlar, homiylar aynan sportning o’sha turlariga ko’ngil burib, mablag’ ajratmoqda. Vaholanki, yengil atletika, voleybol, basketbolga ham ahamiyat berish maqsadga muvofiq”, - deydi Qamchibekov.

Suhbatdoshlar so’zlariga ko’ra, Qirg’izistonda sportni taraqqiy ettirish uchun birinchi navbatda davlat, qolaversa, homiylar faolligi lozim.

Qirg'izistonda sport sohasi mablag', islohot talab/Ulug'bek Sokin
Qirg'izistonda sport mablag', islohot talab/Ulug'bek Sokini
|| 0:00:00
...
 
🔇
X

“Birinchidan, bizning sport bazalarimizni zamonga moslash kerak, murabbiylar maoshini ko’tarish darkor. Yaqinda mamlakat parlamenti xizmat ko’rsatgan murabbiylar oyligini oshirdi. Bunday qadamlar ketib qolgan mutaxassislarni qaytarishga yordam beradi. Ota-onalarni ham jalb qilish kerak. Ular bolalari sport bilan shug’ullanishi uchun hissa qo’shishi lozim”, - deydi Sobirov.
Ko’p mutaxassislarning o’z ishidan hafsalasi pir bo’ldi. Aksariyati o’zlarini biznesga urdi.

Qamchibekov homiylarni jalb qilish darkor, deb hisoblaydi.

“Buning uchun ularga soliq to’lashda imtiyozlar berish kerak. Sport internatlari ochish darkor. O’shda bunday internat ochish rejalangan edi. Bino poydevori qurilgan. Ammo qolgan ishlarga mablag’ yetmayapti”, - deydi mulozim.

Byudjet taqchilligini boshdan kechirayotgan Qirg’izistonda kelasi yil ham sportga jiddiy moliya ajratilishi gumon, deydi mahalliy kuzatuvchilar. Bundan chiqdi, sport ahli vaziyatdan o’z bilganicha chiqishga harakat qilishda davom etadi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
AQShda farzand boqib olgan o'zbekistonlik ona bilan suhbat- Boston, Massachussetts shtatii
X
19.04.2014
Boston va uning atrofida o'zbeklar boshqa katta shaharlarga qaraganda unchalik ko'p emas. Dunyoning bu qismlariga asosan talabalar kelib ketadi. Lekin bugun o'zbekistonlik oilalar yetib bormagan joy yo'q.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Ukrainadan suratlar

Sharqdagi to'qnashuvlarda o'lganlar, jarohat olganlar bor.
Fotogalereya

Fotogalereya Boston fojiasini eslab

O'tgan yilning 15-aprelida 25 mingga yaqin kishini bir joyga to'plagan marafon paytida yuz bergan portlash uch kishini hayotdan olib ketgan va 260 dan ortiq odam jarohatlangan edi.
Fotogalereya

Fotogalereya Nigeriyada qonli kun

Fotogalereya

Fotogalereya Ukrainadan suratlar

Fotogalereya

Fotogalereya Vashingtonda olcha gulladi

Har yili aprel oyida Vashington shahri olcha gullari bilan burkanadi. Bir asr muqaddam Yaponiya tomonidan hadya qilingan ko’chatlar bugun Vashingtonning ramziy ko’rkiga aylangan. Olchaning gullash mavsumi har yili 10 kuncha davom etadi. Yilning bu davrida Vashington sayyohlar bilan to’ladi. Chunki ayni shu kunlarda poytaxt Olcha guli festivalini tashkil qiladi. Vashington bo’ylab yapon madaniyati kunlari o’tkaziladi. Musiqa va raqs, me’morchilik san’ati, urf-odatlar, kinolar namoyish etiladi. Yapon tili va adabiyoti ham targ’ib qilinadi. Yaponiyadan mehmonlar kelib, sahnada amerikaliklarni xushnud qiladi. Ikki xalq san’atini ifodalovchi asarlar namoyish etiladi.
Fotogalereya

Fotogalereya Janubiy Afrika Respublikasi notinch

BMT Xavfsizlik Kengashi tobora notinch Janubiy Afrika Respublikasiga keng ko’lamli tinchlikparvar qo’shin safarbar etadi. Salkam 12 ming kishilik missiya tinch aholini himoya qilib, insonparvarlik yordami qatnovini ta’minlaydi. Mamlakatda mazhablararo adovat va zo’ravonlik minglab odamlarni hayotdan olib ketdi. Afrikalik olti ming va fransiyalik ikki ming qo’shin tinchlikni saqlay oladi, deydi BMT rasmiylari. Xalqaro qo’shinlar 15-sentabrda ishga kirishadi. AQShning BMTdagi elchisi Samanta Pauer shu hafta Markaziy Afrika Respublikasida bo’ldi. Qo’shma Shtatlar Afrika ittifoqi qo’shinlarini qo’llab quvvatlaydi; jahon hamjamiyati bu davlatga dadilroq yordam berishi lozim, deydi elchi. BMT, xususan, Markaziy Afrika Respublikasida 19 ming musulmon hayoti jiddiy tahdid ostida va ular mamlakatning xavfsiz hududlariga yoki xorijiy davlatga ko’chirilishi kerak, deya ogohlantiradi. Nasroniy jangarilar musulmon aholiga qarshi qonli hujumlarni boshlagandan beri o’n minglab musulmon poytaxtni va g'arbiy viloyatlarni tark etgan. Ayrim mahalliy rasmiylarning aytishicha, aholini ko’chirish choralari ixtilofni yanada kuchaytirib, mamlakatni parchalab yuborishi mumkin.

Interaktiv

SAYTGA KIRISHNING XAVFSIZ YO’LI