Shanba, 25-oktyabr, 2014 Toshkent vaqti: 12:45

Xalqaro

AQSh Fransiyaga Malida ekstremistlarga qarshi urushda yordam beradi

Amerika Ovozi
Fransiya Mali shimolida jangarilarga zarba berar ekan, Vashington bu harakatlarni qo’llab-quvvatlamoqda.


Qo’shma Shtatlar harbiy yordam uzatishi, transport va razvedka borasida ko’maklashishi haqida ma’lum qilmoqda. Biroq Obama ma’muriyati nazarida Afrikadagi bu davlatda ziddiyatni hal qilishning siyosiy yo’li ham bo’lishi kerak.

Departament matbuot kotibasi Viktoriya Nuland so’zlariga ko’ra, Fransiya Malida al-Qoida bo’linmalariga qarshi amaliyot uchun yordam so’ragan va Vashington iltimosni ko’rib chiqmoqda.
 
Uning aytishicha, Obama ma’muriyati shu hafta Afrikaga harbiy trenerlarni jo’natib, Maliga qo’shni davlatlar askarlari malakasini oshirishi mumkin. Qo’shnilar poytaxt Bamakodagi muvaqqat hukumatni tirab yuborish maqsadida birgalashib bir necha ming askar yuborishi rejada.
 
BMT Xavfsizlik Kengashi va G’arbiy Afrika iqtisodiy hamjamiyati mana bir necha oydirki masalani muhokama qilib keladi. Lekin kim qancha zobit jo’natadi, qancha vaqtga, xarajatni kim ko’taradi qabilidagi savollar bois muzokaralar sust kechayotgan edi. Xalqaro hamjamiyat sentabrda qo’shin jo’natishni chamalab turgan, biroq jangarilar shimoldan janubga ham o’ta boshlagach, ortiq kutish mumkin emas edi.
 
“Isyonchilar janub tomon siljiy boshlaganida hamma hushyor tortdi”, - deydi Davlat departamenti so’zlovchisi Viktoriya Nuland. “Mali hukumati chetdan madad so’rashga majbur bo’ldimi, endi nafaqat Fransiya, balki qo’shnilar ham javob berishi kerak. Hozir diqqat ana shunda. Bilishimizcha, g’arbiy Afrika davlatlari yengini shimarib, yechim izlashga kirishgan”, - deydi Nuland.
 
G’arb shikoyati shundan iboratki, Malidagi al-Qoida bo’linmalari bu yerdan turib Afrikadagi boshqa davlatlar va Yevropada terror xurujlarini amalga oshirib keladi. O’tgan yilning boshida hukumatning shimoldagi isyonchilarga qarshi sust siyosatidan norozi armiya bosh ko’targan, oradan ko’p o’tmay muvaqqat hukumat tayinlangan edi. Beqarorlikdan foydalangan jangarilar kengroq hududlarni egallashga muvaffaq bo’lgan. Bu yurt shimolida kattaligi Afg’onistonday keladigan hudud hozir ektremistlar qo’lida va shariat qonunlari keskin tarzda joriy etilgan.
 
Fransiya sobiq mustamlakasi bo’lmish Malida isyonchilarni havodan nishonga olib, ancha chekinishga majbur qilgan, lekin kecha qo’zg’olonchilar Diabali shahrini egalladi. Bu manzil poytaxtdan 400 kilometr uzoqda.
 
Nuland so’zlariga ko’ra, Malidagi mojaroga faqat harbiy yo’l bilan yondashish to’g’ri emas.
 
“Xavfsizlik choralarini yoqlagan holda Malidagi kuchlarni ommaviy saylovlarga hozirlik ko’rishga chorlayapmiz. Saylov shu yilning aprelida o’tishi, xolislik, tenglik, oshkoralik kabi tamoyillarga amal qilinishi kerak”, - deydi Viktoriya Nuland.
 
Demokratik jamiyat qurish, shimoldagi yo’qsil jamoalarning dardiga quloq tutib, talablarini qondirish, isyonchilarni terrorizmdan yuz o’girishga ko’ndirish kabi vazifalar yechimini kutayapti, deydi u.
 
“Isyonchilar safida faqat zo’ravonlik yo’lini tanlagan ajnabiylar, jamiyatdagi kambag’allikdan to’yib, qurol ko’targan insonlar, hukumatdan norozi bo’lib, boshqa chora topolmasdan ektremistlar tomoniga o’tgan odamlar bor”.
 
Ixtilof natijasida yuz minglab fuqarolar uyini tashlab qochishga majbur bo’lmoqda.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Sonora sahrosi - AQSh-Meksika chegarasida - Water for Migrantsi
X
24.10.2014 23:59
Sonora dashti Shimoliy Amerikadagi eng issiq joylardan. Shunga qaramay Meksikadan chegarani kesib o’tmoqchi bo’lganlar ko’p hollarda aynan shu yerni tanlaydi. Safarga chiqqanlar orasida chanqoqlikdan nobud bo’lganlar kam emas. Bir mahalliy tashkilot suv ulasha boshlagan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Kobani

  • Kobani

  • Turkiya-Suriya chegarasida

  • Bag'dod

  • Kanadalik askarlar Iroqqa yo'l olayapti.

Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.

Interaktiv

SAYTGA KIRISHNING XAVFSIZ YO’LI