Payshanba, 27-noyabr, 2014 Toshkent vaqti: 10:09

Amerika

Pentagon: Harbiy intizom har narsadan ustun

Pentagon, AQSh Mudofaa vazirligi joylashgan kompleks, Virjiniya shtati
Pentagon, AQSh Mudofaa vazirligi joylashgan kompleks, Virjiniya shtati
Amerika Ovozi
Amerikada xalq qahramoni deya ko’kka ko’tarilgan generallar axloqi savol ostida ekan, Mudofaa vaziri Leon Panetta etika talablarini qayta ko’rib chiqishni buyurdi.

“Intizom – sohamiz ustuni”, - deydi u. 

AQSh havo kuchlari treningdan o’tmoqda… Texas shtati, San Antonio-Leklend bazasi. Vashington bu yerdan juda uzoq, lekin baza mojaro o’choqlaridan biri. 2010-2011-yillarda kamida 48 zobit qiz bu maskanda murabbiylar tomonidan jinsiy tahqirlangan. Misli ko’rilmagan huquqbuzarlik. 25 dan ortiq ofitser va trenerlar javobgarlikka tutilib, jinoiy ayblovlar bilan yuzlashmoqda. 
 
O’tgan bir yil ichida AQSh armiyasida bunday holatlar ko’p kuzatildi. Tergovlar, ishdan olinishlar va ma’muriy jazolar. Jinsiy zo’ravonlik hollariga toqat qilinmaydi, deydi general Edvard Rays. Buni isbotlash Pentagonning asosiy burchi, deydi u.

“Bu biz uchun sinov. Jamiyatimizda ko’p uchraydigan muammo. Harbiylar, jumladan havo kuchlari uchun standartlar va talablar yuqori. Shunday bo’lishi shart. Shunday ekan, oramizda kimdir tartibni, huquq va qonunni buzsa, ko’z yumib o’tirish vijdonsizlikdan boshqa narsa emas, og’ir xato bu.
To’g’rilash kerak”.
 
Vashingtonda esa Afg’onistondagi qo’mondon, general Jon Allen ustidan tekshiruv davom etmoqda. Uning Florida shtatidagi bir ayol bilan ishqiy yozishmalalari ko’rib chiqilmoqda. 
 
Allenning xatlarini fosh etgan voqea Markaziy Razvedka Boshqarmasi direktori, general Deyvid Petreus va uning biografiyasini yozgan Pola Brodvell orasidagi nomaqbul aloqalarning oshkor qilinishidir. Petreus ishdan ketdi.
 
Oilali generallarning qilmishlarini texnologiya bir zumda ochib tashladi, deydi iste’fodagi polkovnik Chak Sammers.  
 
“Suratingizni olish uchun hozir sizdan hech kim ruxsat so’ramaydi. Kompyuter va smartfonlar orqali hamma narsa muhayyo. Texnologiya orqali axloqsizlik qilsangiz, shu texnologiyaning o’zi sizni darrov sotib qo’yadi",- deydi u.

Oilaga xiyonat – harbiy jinoyat. Yaqinda general Jeffri Sinkleyer bir necha ayolni zo’rlashda va oilasiga xiyonat qilganlikda ayblandi. Sud ishi ketmoqda. AQShning Afrikadagi sobiq qo’mondoni general Vilyam “Kip” Vord esa davlat pulini o’margani uchun ishdan olindi.  
 
Polkovnik Sammers bu voqealardan dahshatda. Sharmandalik, deydi u.
 
“Qo’mondonman degan kishi shuni unutmasligi kerakki, odamlar ularning buyruqlarini so’zsiz bajaradi. Generallar shunday qudratga ega. Buyruqni bajarsam, yuqori darajaga ko’tarilaman deb umid qilishadi. Intizom va hurmat harbiylar uchun har narsadan ulug’. Xato qilsam, tartibni buzsam, hech kim bilmaydi deb o’ylasangiz, adashasiz. Aybingiz baribir ayon bo’ladi. Vaqti kelib, sharmanda bo’lasiz”,- deydi u.  
 
Eng yuqori lavozimdagi harbiylarning axloqsizligi Amerika sha’niga katta dog’, deya tan oladi bu arboblar. Mudofaa va razvedka organlariga hurmat pasayadi, deydi ular.

Pentagon va AQSh armiyasidagi bugungi intizom/Navbahor Imamova
Pentagon va AQSh armiyasidagi bugungi intizom/Navbahor Imamovai
|| 0:00:00
...    
🔇
X

Amerika armiyasida intizom va mas'uliyat/US military conducti
X
27.11.2012 23:18
Amerikada xalq qahramoni deya ko'kka ko'tarilgan generallar axloqi savol ostida ekan, Mudofaa vaziri Leon Panetta etika talablarini qayta ko'rib chiqishni buyurdi. "Intizom - sohamiz ustuni", - deydi u.

AQSh Mudofaa vaziri Leon Panetta bilan suhbat/Panetta talks to VOAi
X
26.11.2012 23:23
AQSh Mudofaa vaziri Leon Panetta 2011-yilda bu lavozimga tayinlanishidan oldin Markaziy Razvedka Boshqarmasi direktori edi. Undan oldin esa Kongressda xizmat qilgan. 74 yoshli Panetta italyan muhojirlar farzandi. Kaliforniya shtatida oshpazlar oilasida katta bo'lgan. Bugun u Pentagondek yirik vazirlikni tebratmoqda. Mudofaa Amerika davlati eng ko'p mablag' ajratadigan soha. Uni boshqarish buyuk vazifa. Panetta katta islohotlar boshlagan, ammo Obamaning ikkinchi muddatida qolmoqchi emas. "Amerika Ovozi" u bilan muloqotda bo'ldi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Ebolaga qarshi kurash - US Troops/Ebolai
X
27.11.2014 01:25
AQSh Ebolaga qarshi kurashda yordamlashish uchun G'arbiy Afrikaga 2200 harbiy mutaxassis jo'natgan. Ularning qariyb yarmi Kentuki shtatidagi Fort Kembel bazasidan. Safarbar etilishdan oldin bu zobitlar maxsus tayyorgarlikdan o'tadi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Shukronalik kuni 17-asr boshidan beri bayram qilinadi
  • Kurka - Shukronalik kuni pishiriladigan asosiy taom
  • Bayram dasturxoni
  • Bayram oldidan va uning ketidan savdo qiziydi. Los-Anjeles.
  • Hamma oilasi bilan bo'lishga shoshadi. Vashington.
  • Hamma oilasi bilan bo'lishga shoshadi. Vashington.
  • Nyu-York vokzali
  • Nyu-York
  • Nyu-York
  • Bayramdan keyin savdo qiziydi. Los-Anjeles.
  • Bayram munosabati bilan uyga qaytayotgan harbiy. Mayami.
Fotogalereya

Fotogalereya Shukronalik kuni, Amerika - Thanksgiving holiday in America

Noyabrning oxirgi payshanbasi Shukronalik kuni. Yangi vatandagi noz-ne'matlardan shukur qilgan, hosilidan rozi bo'lgan odamlar shunday bayramga asos solgan. Keyinchalik tub aholiga qarshi qonli urushlar olib borgan yevropalik kelgindilar boshida ular bilan bir dasturxondan non yegan. Hindu qabilalar o'z ovqatlarini tanishtirgan bo'lsa, kelgindilar ham o'z taomlarini tortgan. Kurka Shukronalik kuni asosiy taom hisoblanadi. Chunki bu parranda Amerikada serob bo'lgan.
Fotogalereya

Fotogalereya Amerikada Shukronalik kuni

Har yili noyabr oyining so'nggi payshanbasida o'tadigan bu bayram ko'pchilik amerikaliklar uchun oilaviy yig'ilish va kurkali taom demakdir.

Interaktiv

SAYTGA KIRISHNING XAVFSIZ YO’LI