Shanba, 01-noyabr, 2014 Toshkent vaqti: 13:49

Ilm-fan

Amerika qachon Oyga qaytadi?

Oyga safar qilgan fazogirlar bilan suhbat/Apollo-17 i
X
13.12.2012 00:13
Amerika fazogirlari Yujin Kernan va Xarrison Shmit 1972-yil dekabrida "Apollon-17" missiyasi chog'ida Oyni oxirgi bor kezgan edi. Inson o'shandan beri bu sayyoraga qadam bosmagan. Chikagoda bu missiyaning 40 yilligi tantana qilinmoqda.
Amerika Ovozi
Amerika fazogirlari Yujin Kernan va Xarrison Shmit 1972-yil dekabrida “Apollon-17” missiyasi chog’ida Oyni oxirgi bor kezgan edi. Inson o’shandan beri bu sayyoraga qadam bosmagan. Chikagoda bu missiyaning 40 yilligi tantana qilinmoqda.

“Oyga qaytamiz hali. Marsga parvoz qilamiz hali. Qachon ekanini aniq ayta olmayman”,- deydi Kernan.
 
Iste’fodagi kosmonavt Yujin Kernan oyni aylangan sanoqli, omadli insonlardan biri.
 
Kernan qo’shni sayyorada oxirgi bor bo’lib qaytgan yagona inson.

“Oradan 40 yil o’tib hali ham oyda bo’lgan oxirgi kosmonavt ekanimni bilish, o’sha yo’lakdan boshqalar o’tmaganini bilish achinarli”,- deydi u.
 
Yujin Kernan va uning hamkasbi Xarrison Shmitt 1972-yilning dekabrigi tarixiy safarning 40 yilligini nishonlayapti. Marosim Chikagodagi Adler Planetariyida o’tmoqda.

O’sha olis sana, 19-dekabrda Yerga qaytar ekan, Shmitt va Kernan oradan yillar o’tib, mislsiz o’zgarishlar bo’ladi deya umid qilgan. Holbuki, oldinga siljish yo’q hisob.
 
“O’shandan keyin 40 yil, hatto 50, 60 yil o’tadi, Amerika esa Oyga qaytish-qaytmasligi gumon bo’lib qolaveradi, deb kim o’ylabdi? Xayolimga kelmagan edi bunaqasi”,- deydi Shmitt.
 
“Yarim asr oldin 250 ming mil masofani bosib o’tib, to’siqlarni yorib o’tdik. Lekin kelajak tomon olg’a qadam bosmadik. To’xtadik”,- deydi Kernan.
 
Prezident Jorj Bushning Oyga qaytish taklifi qog’ozda qolib ketdi. Undan keyin kelgan rahbar Barak Obama loyihani zarur ko’rmadi.
 
Byudjet kamomadi va iqtisodiy tanglik fonida Amerika qonunchilari fazoviy tadqiqotlarga ortiqcha mablag’ sarflamoqchi emas. Kosmonavt Kernan fikricha, bu izlanishlar AQSh byudjetidan ko’p talab qilmaydi.
 
“Byudjetimiz uchun bu sariq chaqa ham emas. Amerikaliklar to’lagan soliqning bir tomchisi”,- deydi Kernan.
 
Xarrison Shmitt – sobiq senator. Uning nazarida NASA ham irodasizlik qilmoqda.
 
“Moliyaviy jihatdan olib qarasak, NASA yutqazayapti. Oldiga aniq maqsadlarni belgilashni uddalay olmayapti. Qo’shma Shtatlar kosmik sohada yetakchi pozistiyasini qo’ldan boy berayapti”,- deydi Shmitt.

“Yarim asr oldin Sovet Ittifoqi bilan fazoviy tadqiqotlar bobida bellashib, qo’limiz baland kelgan edi. Bugun esa qilt etmay, boshqalarga qarab turishni afzal topayapmiz. Kosmosni kezishni eplolmay qoldik”,- deydi Kernan.
 
AQShga qarashli fazoviy kemalar eskirib, muzeyga topshirildi. Endi olimlar odamlarni ko’kka eltuvchi “Space X” nomli kema ustida mehnat qilish bilan band. Inson boshqaradigan vosita bir necha yildan keyin tayyor bo’ladi.
 
Lekin “Apollon” missiyasi faxriylari uchun buning o’zi yetarli emas.
 
NASA Oyga parvozni ustuvor vazifa qilib belgilashi kerak, deydi ular.
 
Oldinda esa qizil sayyora, Mars kutmoqda.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI