Juma, 21-noyabr, 2014 Toshkent vaqti: 09:14

Amerika

AQSh yovvoyi hayvonlar himoyasini kuchaytirmoqda

Multimedia

Audio
Amerika Ovozi
AQSh yovvoyi hayvonlarga qarshi noqonuniy ov va savdoga chek qo’yishga qaratilgan harakatlarni jadallashtirdi. Bu ishga mas’ul agentlik jinoyatchilarni ozodlikdan mahrum etish va boyligini musodara qilish orqali yo’qolib ketish arafasida turgan karkidonlarni saqlab qolishga harakat qilyapti.

Yovvoyi hayvonlar kontrabandasi yiliga sakkiz milliard dollarlik zarar keltiradi. Bu biznes noqonuniy qurol va narkotiklar savdosidan keyin uchinchi o’rinda turadi.

AQSh Baliqchilik va yovvoyi tabiat boshqarmasi xodimi Edvard Greysning aytishicha, qurol-yarog’ va giyohvand moddalar savdosi bilan shug’ullanuvchi jinoiy guruhlar karkidon kabi yovvoyi hayvonlarning yo’qolib ketishida asosiy rol o’ynaydi.   

“Jinoyatchilar biladiki, bu biznes qurol yoki narkotik savdosi kabi u qadar xatarli emas, ammo foydasi ulkan. Masalan, bir kilogram geroinni chegaradan olib o’tish umrbod qamoq jazosini anglatadi. Bir kilogram karkidon shoxi geroin yoki oltindan ko’p turadi. jazosi esa bir-ikki yil”.
     
Karkidonning beshta turi bo’lib, ikkitasi Afrikada, yana uchtasi Osiyoda uchrar edi. Tabobat uchun ishlatilgan shoxini deb bu bahaybat hayvonlar azaldan ovchilar o’ljasi bo’lgan. Natijada 2010-yilga kelib Vyetnam hududida karkidonning javan turi yo’qolib ketdi. Sumatra karkidonining bor-yo’g’i 200 donasi qoldi. Karkidon ovi man etilgan, lekin noqonuniy ov va savdo davom etmoqda. Yaqinda AQSh bunga qarshi maxsus kurash boshladi va bu maqsadda 200 agent ajratdi.

“Uyushgan jinoiy guruhlar yovvoyi hayvonlar savdosiga aralashaman desa, buning uchun yetarli mablag’i ham, boshqa imkoniyatlari ham bor. Biz mana shunday guruhlarga qarshi kurashamiz, ular qisqa muddat ichida katta zarar yetkazishi mumkin,” - deydi Greys.
 
Operatsiyaning birinchi natijalari ham bor. Vyetnamda karkidon kontrabandasiga aralashgan aka-uka qo’lga olindi.

Jimmi va Feliks Xa karkidon shoxi savdosi barobarida soliqlarni to’lamaganlik va boshqa ayblovlar bilan sud qilinmoqda. Ularning har biri 20 yilga ozodlikdan mahrum etilishi mumkin, deydi AQSh bosh prokurorining Kaliforniyadagi vakili Jozef Jons.

“Bunday jinoyatga qo’l urgan har bir shaxsga qarshi kurashni davom ettiramiz. Kelasi yili yana hibs va sudlar bo’ladi, deb o’ylayman. Bundan ham kattaroq jinoyatchilarni qo’lga tushiramiz,” - deydi u.

Aka-uka Xalar barobarida jinoiy guruhning boshqa a’zolari, Xitoyda yovvoyi hayvonlar savdosi bilan shug’ullangan bir odam, amerikalik kovboy va antikvariat bo’yicha mutaxassis ham hibsga olingan.

“Maqsadimiz nafaqat hayvonlar qotillarini jazolash, balki jinoyat zanjirining har bir halqasida turgan va foyda ko’rayotgan odamlarni ham jazolash. Bo’lajak avlod uchun bu hayvonlarni saqlab qolishning yo’li shu,” – deydi Jons.

Jinoyat xalqaro ko’lamga ega ekan, Interpol tashkiloti va xorijiy davlatlar hukumatlari bilan hamkorlik qilamiz. Kontrabandaga qarshi hamkorlikda kurashib, hayvonlarni saqlab qolish mumkin, deydi agent Greys.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Uysizlar uchun mobil hammom - Homeless Shower Busi
X
20.11.2014 10:57
Kaliforniya shtatining San-Fransisko shahrida bir avtobus haftasiga uch marta g’ayrioddiy xizmatlar ko’rsatadi. Uysiz odamlar unga kirib, cho’milib chiqishi mumkin. Bu mobil dushxonalarni xayriya tashkiloti yo’lga qo’ygan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • NATO harbiy samolyotlari Litva osmonida
  • Ukraina osmonidan urib tushirilgan Malayziya samolyoti qoldiqlari
  • Donetsk bozorida
  • Indoneziyada yonilg'i narxi oshganidan norozi omma ko'chada... Bir yigit portlovchi modda ishlatganida o'z yonib ketgan.
  • Indoneziyada toshqinlar
  • Vinoda cho'milayotgan yaponlar
  • Satguru Rampalji Maharaj - o'zini xudo deb e'lon qilgan hind - qamoqqa olindi
  • Nyu-York shtatida bir yarim metr qor yog'di
  • Londonda tirnog'ini ko'z-ko'z qilayotgan xonim
  • Robotlar ko'rgazmasida, Ispaniya
  • Germaniyada ishlangan yangicha velosiped
  • Braziliya
Fotogalereya

Fotogalereya Sterilizatsiya hind ayollarini o'ldirdi

Hindistonda tug'ishning oldini olish uchun o'tkazilgan jarrohlik amaliyotidan so'ng 13 ayol jon bergan. Aholi sonini nazorat qilishga urinayotgan hukumat sterilizatsiyaga zo'r bermoqda. Hibsga olingan jarrohning aytishicha, ayollarning o'limiga amaliyotdan keyin berilgan dorilar sabab bo'lgan.
Fotogalereya

Fotogalereya Vashingtonda global festival

Poytaxtdagi Vashington markazida (The Washington Center) Global fuqaro kuni bayram qilinib, o'nlab davlatdan talabalar madaniyati, taomlari, kuy-qo'shiqlarini namoyish qildi.
Fotogalereya

Fotogalereya Nigeriyada portlash, o'lganlarning ko'pi o'quvchilar

Nigeriya shimoli-sharqidagi Potiskum shahrida suiqasd xurujida kamida 48 odam o'lgan, aksariyati o'quvchilar. Voqea o'rta maktabda sodir bo'lgan. Bomba bolalar bir joyga to'planganda portlagan. Xabarlarga qaraganda, kamida 79 odam jarohat olgan, aksariyati og'ir ahvolda. Guvohlarning aytishicha, xudkush bombachi o'quvchi kiyimida bo'lgan. Xuruj kimning ishi ekani ma'lum emas, ammo mamlakatda Boko Haram jangari guruhi faol. Boko Haram bir hafta oldin Potiskumdagi bir xurujni uyushtirgan edi. O'shanda diniy marosim paytida 20 dan ziyod odam o'lgan.

Interaktiv

SAYTGA KIRISHNING XAVFSIZ YO’LI