Yakshanba, 20-aprel, 2014 Toshkent vaqti: 20:52

Madaniyat

Nyu-York markaziy vokzali 100 yoshda

Matn hajmi - +
Amerika Ovozi
Nyu-Yorkda “Grand Central” deya tanilgan markaziy vokzal qurilganiga 100 yil to’ldi. Shaharga kelgan mehmonlar vokzalni ko’rmay ketmaydi. Sayyohlarga dunyodagi eng ma’qul joylar ro’yxatida bu tarixiy obida oltinchi o’rinda turadi.

1913-yil fevralida qurib bitkazilgan bahaybat ohaktosh bino o’shandan buyon deyarli o’zgarmagan.

U sayyohlarni hayratga soladi. Zallardan kuniga 750 ming odam o’tadi. Kimdir do’konga kirmoqchi yoki shunchaki sayr qilib, bu yerlarni tomosha qilmoqchi bo’lsa, aksariyat vokzalga metro yoki poyezddan foydalanish uchun keladi.

"Grand Central" – dunyodagi eng katta vokzal. 44 ta platforma, 67 ta temir yo’l. Hammasi yer ostida.

Vokzalning asosiy zali, xususan derazalar, to’rtta soat va eskicha kassalar ko’pgina kinofilmlarda ko’rsatilgan. 

Masalan, “Baliqchi qirol” badiiy filmida yo’lovchilarning vokzalnig katta zalida vals tushayotgani tasvirlanadi.

“Grand Central" ibodatxonadek ajoyib bir joy, temir yo’l vositasining mo’jiza ekaniga isbot. 

“Xudoning puli bo’lganida, shunday joy qurardi deb hazillashaman men,” - deydi Den Braker. U "Grand Central" vokzali boshqarmasida 30 yildan beri ishlaydi. 

“XX asr boshiga xos arxitektura. Bu binoga kirib chiqayotganlar mana bu ajoyib shift aslida samoga o’xshashi, lekin xuddi ko’zgudek, ya’ni teskarisini aks ettirishini anglamasa kerak. Bir qarang. Xuddi osmonni ko’zguda ko’rgandek bo’lasiz”.

Tarixchi Jastin Ferate 30 yildan buyon vokzalda sayyohlarga gidlik qiladi.

“Sayohatdan orom olish kerak” degan bu binoni qurgan me’morlar, deydi u:

“Bir tasavvur qiling-a, sayohatga chiqdingiz, ajoyibu g’aroyib sarguzasht boshlandi. Nimani orzu qilsangiz, hammasi ushaladi. Istagan manzilga bir zumda yetasiz. Chunki kerakli poyezdni tezgina topasiz-da. Bino aynan shunday qurilgan,” - zavqlanib gapiradi Ferate. 
 
U vokzal binosining ayrim elementlari inson anatomiyasini inobatga olgan holda qurilganini aytadi:

“Vokzalida odamlar bir-biriga urilib ketmaydi. Negaligini bilasizmi? Chunki poldagi har bir blokning uzunligi inson oyog’idek keladi. Kengligi esa qo’lingiz bilan barobar. Har bir blokning rangi boshqa. Xuddi shaxmat doskasidek. Inson tanasiga moslashtirilgan”.

O’tgan asrning o’rtasida "Grand Central"ning ustida ofislardan iborat ulkan bino qurish rejasi ilgari surila boshlangan edi. Biroq ko’plar bunga qarshi chiqdi. O’n yil davom etgan tortishuv natijasida 1968-yilda zamonaviy me’morchilikni himoya qiluvchi harakat vujudga keldi.

Nyu-York markaziy vokzali/GRAND CENTRAL STATION NYCi
X
12.04.2013
Grand Central Station - Nyu-York shahrining markaziy vokzali. Qad ko'targaniga 100 yildan oshdi. Shaharga kelgan mehmonlar bu maskanni ko'rmay ketmaydi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
AQShda farzand boqib olgan o'zbekistonlik ona bilan suhbat- Boston, Massachussetts shtatii
X
19.04.2014
Boston va uning atrofida o'zbeklar boshqa katta shaharlarga qaraganda unchalik ko'p emas. Dunyoning bu qismlariga asosan talabalar kelib ketadi. Lekin bugun o'zbekistonlik oilalar yetib bormagan joy yo'q.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Ukrainadan suratlar

Sharqdagi to'qnashuvlarda o'lganlar, jarohat olganlar bor.
Fotogalereya

Fotogalereya Boston fojiasini eslab

O'tgan yilning 15-aprelida 25 mingga yaqin kishini bir joyga to'plagan marafon paytida yuz bergan portlash uch kishini hayotdan olib ketgan va 260 dan ortiq odam jarohatlangan edi.
Fotogalereya

Fotogalereya Nigeriyada qonli kun

Fotogalereya

Fotogalereya Ukrainadan suratlar

Fotogalereya

Fotogalereya Vashingtonda olcha gulladi

Har yili aprel oyida Vashington shahri olcha gullari bilan burkanadi. Bir asr muqaddam Yaponiya tomonidan hadya qilingan ko’chatlar bugun Vashingtonning ramziy ko’rkiga aylangan. Olchaning gullash mavsumi har yili 10 kuncha davom etadi. Yilning bu davrida Vashington sayyohlar bilan to’ladi. Chunki ayni shu kunlarda poytaxt Olcha guli festivalini tashkil qiladi. Vashington bo’ylab yapon madaniyati kunlari o’tkaziladi. Musiqa va raqs, me’morchilik san’ati, urf-odatlar, kinolar namoyish etiladi. Yapon tili va adabiyoti ham targ’ib qilinadi. Yaponiyadan mehmonlar kelib, sahnada amerikaliklarni xushnud qiladi. Ikki xalq san’atini ifodalovchi asarlar namoyish etiladi.
Fotogalereya

Fotogalereya Janubiy Afrika Respublikasi notinch

BMT Xavfsizlik Kengashi tobora notinch Janubiy Afrika Respublikasiga keng ko’lamli tinchlikparvar qo’shin safarbar etadi. Salkam 12 ming kishilik missiya tinch aholini himoya qilib, insonparvarlik yordami qatnovini ta’minlaydi. Mamlakatda mazhablararo adovat va zo’ravonlik minglab odamlarni hayotdan olib ketdi. Afrikalik olti ming va fransiyalik ikki ming qo’shin tinchlikni saqlay oladi, deydi BMT rasmiylari. Xalqaro qo’shinlar 15-sentabrda ishga kirishadi. AQShning BMTdagi elchisi Samanta Pauer shu hafta Markaziy Afrika Respublikasida bo’ldi. Qo’shma Shtatlar Afrika ittifoqi qo’shinlarini qo’llab quvvatlaydi; jahon hamjamiyati bu davlatga dadilroq yordam berishi lozim, deydi elchi. BMT, xususan, Markaziy Afrika Respublikasida 19 ming musulmon hayoti jiddiy tahdid ostida va ular mamlakatning xavfsiz hududlariga yoki xorijiy davlatga ko’chirilishi kerak, deya ogohlantiradi. Nasroniy jangarilar musulmon aholiga qarshi qonli hujumlarni boshlagandan beri o’n minglab musulmon poytaxtni va g'arbiy viloyatlarni tark etgan. Ayrim mahalliy rasmiylarning aytishicha, aholini ko’chirish choralari ixtilofni yanada kuchaytirib, mamlakatni parchalab yuborishi mumkin.

Interaktiv

SAYTGA KIRISHNING XAVFSIZ YO’LI