Seshanba, 03-mart, 2015 Toshkent vaqti: 16:07

Amerika

Pentagon va maxfiy xizmatda yangi rahbarlar kutilmoqda

Amerika Ovozi
Dushanba kuni prezident Barak Obama respublikachi sobiq senator Chak Xeyglni mudofaa vaziri, aksil-terror bo’yicha maslahatchisi Jon Brennanni esa Markaziy razvedka boshqarmasiga rahbar etib tayinladi.


Prezidentlikning ikkinchi muddatiga kirishish oldidan Obama davlat xavfsizligi uchun mas’ul yangi komandasini taxt qilib qo’ymoqchi. AQSh rahbari Senatni nomzodlarni tezda ma’qullashga undamoqda.

Chak Xeygl - Vyetnam urushi qatnashchisi, iste’fodagi harbiy. Mudofaa vaziri Amerikada no-harbiy arbob. Pentagon ustidan demokratik nazoratni ta'minlash uchun odatda bu lavozimga harbiylar tayinlanmaydi. Lekin Obama nazarida Xeygl Kongressga saylanib, xalq ishonchini qozongan va uning xizmatida bo'lgan lider.

“Xeygl urush nimaligini biladi”, - deydi prezident. “Askarlar haqida qayg’uradi. Nebraska shtatidan Senatga ikki bor saylangan Xeygl muhim masalalar yuzasidan o’z partiyadoshlariga qarshi chiqishdan cho’chimaydigan siyosatchi”.

Oq Uyda prezident Obama bilan yonma-yon turib so'zlar ekan, Xeygl amaldagi Mudofaa vaziri Leon Panetta ishini hamda AQSh armiyasi qudratini yuqori baholadi.

"Butun insoniyat hayotini yaxshilashga intilar ekanmiz, mamlakatimiz va hamkorlarimiz qudratini kuchaytirish, yer yuzida erkinlik, ezgulik va insonparvarlikni himoya qilish imkoni menga berilganidan minnatdorman”, - deydi Xeygl.

Obama Jon Brennanni Markaziy razvedka boshqarmasi rahbari lavozimiga ko’rsatar ekan, al-Qoidaga qarshi kurashda jonbozlik ko’rsatgan, Amerika qadriyatlariga sodiq arbob, deya maqtadi.

“2001-yil, 11-sentabr fojeasidan keyingi raqamlarni olaylik. Jon Brennan tashabbusi bois, al-Qoidaning aloqa, odam yollash, jangarilarni mashqdan o’tkazish imkoniyatlari keskin cheklandi”, - deydi Obama. “Bu esa Amerikaga hamlalar ehtimoli kamaydi, degani”.

Xeygl va Brennanning nomzodini Senat tasdiqlashi kerak, biroq qonunchilar orasida e’tirozlar yo’q emas. Ayrim respublikachilar Xeyglni Isroilni yetarlicha qo’llamaganlikda, Eron borasida qattiqqo’l emaslikda ayblab, tanqid qiladi.

Bundan tashqari, Chak Xeygl Afg’onistonga doir pozitsiyasi bois dakki eshitgan damlar ham bo’lgan. Uningcha, Amerika afg’on urushiga haddan ziyod ko’p kuch va mablag’ sarflab xato qilgan.

2007-yilda Xeygl Iroqda qo’shinlar sonini oshirishga qarshi chiqib tanqidga qolgan edi.

“Iroqqa ko’proq askar jo’natib, Vyetnam urushidan beri eng xatarli xatoga yo’l qo’yyapmiz”, - degan edi Xeygl.

Senatda ozchilik respublikachilar sardori Mitch Makkonnellning aytishicha, Chak Xeygl nomzodi xolis tarzda ko’rib chiqiladi. Vazifamiz - arbob bu muhim kasbiga loyiqmi-yo’qmi aniqlash, deydi u.

“Mudofaa vaziri kursisiga da’vogar inson AQShning yaqin ittifoqchisi Isroil bilan rishtalar zaruratini, Eron tahdidini, qurolli kuchlarni muntazam o’tkirlab borish zaruratini teran anglashi kerak”, - deydi Makkonnell.

Oq Uy matbuot kotibi Jey Karni deydiki, Xeygl o’z faoliyati davomida Isroil va Isroil-Amerika o’rtasidagi munosabatlarni, AQShning Isroilga harbiy yordamini qat’iyat bilan qo’llab-quvvatlab kelgan.

Markaziy razvedka boshqarmasi direktori lavozimiga nomzod Jon Brennanga nisbatan qarshilik kuchli emas, ammo u ham Senatda Oq Uydagi faoliyati va siyosiy pozitsiyasi yuzasidan javob beradi.

Brennan terrorchilarga qarshi kurashda uchuvchisiz qiruvchi samolyotlardan foydalanishni olg'a surib, bu strategiyani “qonuniy, to’g’ri va nihoyatda samarali chora" deb keladi. Huquq himoyachilari esa Brennanni prezident Jorj Bush davrida razvedkadagi xizmati, qiynoqlar amaliyoti yuzasidan savolga tutmoqda.

“Markaziy razvedka boshqarmasi mamlakatimiz xavfsizligini ta’minlashda beqiyos rol o'ynaydi. Uning faoliyatini takomillashtirishga, ozodlik, erkinlik kabi qadriyatlarni himoya qilishga bel bog'laganman”, - deydi Brennan.

Noyabr oyigacha bu lavozimda general Deyvid Petreus o'tirgan edi. Ammo ishqiy mojarolar ketidan u ishdan bo'shadi.

Urush va siyosat/Kerry, Hagel and Vietnami
X
12.02.2013 05:59
Prezident Barak Obama ikkinchi muddatga kirishishi bilan vazirlar almashyapti. Davlat kotibi etib demokrat qonunchi Jon Kerri tayinlandi. Mudofaa vaziri lavozimiga esa sobiq senator Chak Xeygl tanlangan. Har ikkala arbob o’tgan asr o’rtalarida Vyetnamda xizmat qilgan, urush dahshatini o’z ko’zi bilan ko’rgan.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Bruklin: "Islomiy davlat" va o'zbeklari
X
03.03.2015 05:21
AQShda uch o’zbek “Islomiy davlat” terror guruhini quvvatlaganlikda ayblanib, hibsga olingan. Ikkisi O’zbekistondan, biri Qozog’istondan. Ular “Islomiy davlat” safiga qo’shila olmasa, Amerikada qonli xurujlar qilish niyatida bo'lgan va buni isbotlovchi dalillar yetarli, deydi federal agentlar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • An American Robin perches on a tree branch enjoying snowflakes in freezing weather in Virginia, Feb. 26, 2015. (Diaa Bekheet/VOA)
  • Iraqi government forces and allied militias fire weaponry from a position in the northern part of Diyala province, bordering Salaheddin province, as they take part in an assault to retake the city of Tikrit from jihadists of the Islamic State (IS) group.
  • Student protesters shout inside a monastery compound after police surrounded the monastery apparently to prevent them from proceeding with a protest march against an academic law to Yangon from Letpadan, north of Yangon, Myanmar, to protest against an academic law.
  • Performers spray molten iron against a concrete wall to celebrate the upcoming Lantern Festival in Nuanquan town of Yuxian County, Hebei province, China, March 1, 2015.
  • A woman holds a sign reading "I am not afraid" during a march in Moscow, Russia, in memory of opposition leader Boris Nemtsov who was shot and killed near the Kremlin on Feb. 27, 2015. (Photo taken by Vladimir Zablitsky from Moscow on March 1, 2015)
  • A harbor light on Lake Michiganis at the 31st Street Harbor in Chicago, Illinois, is covered by snow and ice, March 1, 2015.
  • A woman looks at Hina dolls and thousands of hanging decorations marking Girls' Day at a hotel in Tokyo, Japan. March 3 is celebrated as Girls' Day to pray for the vigorous growth of girls in the family.
  • Expedition 42 Flight Engineer Terry Virts and Commander Barry "Butch" Wilmore venture outside the International Space Station for their third spacewalk in eight days. Virts and Wilmore completed installing 400 feet of cable and several antennas associated with the Common Communications for Visiting Vehicles system known as C2V2.
  • The beautiful tones of the morning sunrise over lower Manhattan as reflected in the icy waters of the Hudson river made waiting outside in the frosty 7° C air all worth it! (Photo taken by Daniel Leavey of Jersey City in New Jersey on Feb. 21, 2015)
  • A farmer pulls an old fishing net over a rice field to protect it from birds in Cilacap, Central Java, Indonesia.
  • A participant in the Chicago Polar Plunge is engulfed by the partially frozen waters of Lake Michigan in Chicago, Illinois, March 1, 2015.
  • A man shields himself from women playfully beating him with sticks as part of Holi celebrations at Gokul village in Mathura district in the northern Indian state of Uttar Pradesh.
  • Children react with their faces covered in cream from a 450-meter-long cake that was prepared as part of celebrations to mark the 450th anniversary of the city of Rio de Janeiro, Brazil, March 1, 2015.
  • A woman uses Samsung Gear vr during the Mobile World Congress, the world's largest mobile phone trade show in Barcelona, Spain, Monday, March 2, 2015. (AP Photo/Manu Fernandez)
  • Grumpy Cat attends the World Premiere of Cinderella in Los AngelesMarch 1, 2015.

Interaktiv

SAYTGA KIRISHNING XAVFSIZ YO’LI