Juma, 31-oktyabr, 2014 Toshkent vaqti: 11:54

Amerika

Obamaning terrorchilarni yo'q qilish uslublari tanqid ostida

Multimedia

Audio
Amerika Ovozi
Prezident Barak Obama AQShning aksilterror operatsiyalari, shu jumladan, terrorchilikda ayblanayotganlarni jismonan yo’q qilishga oid bahsli siyosatini yaqinda Kongress va Amerika xalqiga taqdim etishini ma’lum qildi. Ammo bu Obama tanqidchilarini tinchlantirishga kamlik qilmoqda. 

Obama terrorizmga qarshi kurash haqida gapirar ekan, bu borada qo’llanilayotgan usullar, xususan, uzoqdan turib boshqariladigan uchuvchisiz samolyotlardan foydalanish masalasini ehtiyotkorlik bilan tilga oldi.

Prezident nutqida uchuvchisiz samolyotlarni o’z nomi bilan atamay, balki ularni “turli uslublar” deyish bilan kifoyalandi. Gap shundaki, ko’pchilik, shu jumladan, bir qator Kongress a’zolari uchuvchisiz qiruvchi samolyotlarning ishlatilishiga qarshilik bildirib keladi. Obama ularga o’z qarashini shunday tushuntiradi:

“Bizning demokratik tizim shundayki, men “to’g’ri yo’l tutyapmiz” desam ham, qarorlarim savol ostiga qo’yiladi. Shuning uchun kelasi oylarda men Kongress a’zolari bilan birgalikda terrorchilarni izlash, qo’lga tushirish va jazolash yo’lida olib borayotgan harakatlarimiz qonunga xilof emasligini ko’rsatish niyatidaman. Ayni vaqtda bu ishlarimizdan Amerika xalqi va butun dunyo ham boxabar bo’lishi kerak”, - dedi u.
  
Obamaning aytishicha, aksilterror amaliyotlar uchun “har doim qonuniy va siyosiy asos” kerak.

Qonuniy asos haqdagi masala yaqinda Adliya vazirligining ichki hujjati jamoatchilikka oshkor bo’lganidan keyin ko’tarildi. Hujjatga ko’ra, “al-Qoida” yoki unga aloqador tashkilot saflarida xizmat qilayotgan amerikaliklar AQSh xavfsizligi uchun jiddiy tahdid deb topilsa, ularni o’ldirish haqidagi buyruqni AQSh hukumatining yuqori martabali rasmiysi qabul qila oladi.

Kapitoliy bu hujjatni keskin tanqid qildi. Qonunchilar, shu jumladan, Senatning Razvedka qo’mitasi raisi Dayan Finsteyn Oq uydan kim bunday buyruqlar berganini oshkor etishni talab qildi.

Inson huquqlari tashkilotlari ham Obama ma’muriyatidan oshkoralikni so’ramoqda.

“Xalqaro Amnistiya” inson huquqlari tashkilotining AQSh bo’yicha rahbarlaridan biri Zeke Jonson Obama o’zining xalqqa murojaatida bu talablardan ko’z yumganini aytadi.
  
“U qiruvchi samolyotlardan foydalanish, terrorchilikda ayblanayotganlarni hibsga olish va qiynoqqa solish masalalarida AQSh hukumati xalqaro inson huquqlari borasidagi majburiyatlarini buzmasligi haqida va’da berishi kerak edi. Xalqaro huquqqa ko’ra, AQSh hukumatining aniq majburiyatlari bor va prezident ularga rioya qilishi kerak”, - deydi huquq faoli.

Oq uy esa Kongress bilan huquqiy asos yuzasidan muloqotni davom ettirishini bildirdi.
  
Amerika fuqarolar erkinliklari ittifoqining Milliy xavfsizlik loyihasi direktori Xina Shamsiy 2001-yil 11-sentabrdan keyin qabul qilingan terrorchilar haqdagi qonunni tanqid qiladi.

“Juda mavhum iboralar bor. Hukumat ularni istaganicha talqin qilishi va Afg’onistondan uzoqda bo’lgan qurolli mojaroda nishonlarni yo’q qilish uchun qo’llashi mumkin. Men aytayotgan “Harbiy kuchlardan foydalanish haqidagi ruxsatnoma” hukumat harakatlarini oqlamaydi”, - deydi u.
 
Kongress Oq uydan maxfiy hujjatlarni qonunchilarga oshkor etishni talab qilar ekan, Senatning Razvedka qo’mitasi Markaziy razvedka boshqarmasi boshlig’i etib Jon Brennanni tayinlash haqdagi Obama taklifini hali tasdiqlaganicha yo’q. 
Brennan qo’mita oldidagi chiqishida uchuvchisiz samolyotlar yordamida o’ldirish “eng so’nggi chora” sifatida va faqat odamlar hayotini saqlab qolish uchun qo’llanilishini aytgan edi. U uchuvchisiz samolyotlardan foydalanish jarayoni Amerika xalqi va butun dunyo ahli uchun ochiq va oshkoro bo’lishi kerak deydi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Quyosh energiyasi - Solar poweri
X
30.10.2014 22:03
Amerikada muqobil energiya manbalaridan foydalanishga o'tayotganlar ko'p. Xususiy kompaniyalardan tortib universitetlargacha, qolaversa oddiy fuqarolar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Qizil ko'knor ko'rgazmasi, London

  • Amerika saylovlar arafasida

  • Afina, Gretsiya... Harbiy mashqlar

  • Turkiya-Suriya chegarasi

  • Filippin

  • Jamna daryosi bo'yida, Hindiston

  • Fransiya

  • Kanzas shahri, Missuri

  • Los Angeles, Kaliforniya

Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.

Interaktiv

SAYTGA KIRISHNING XAVFSIZ YO’LI