Payshanba, 27-noyabr, 2014 Toshkent vaqti: 15:28

Amerika

Amerika siyosiy tizimi darz ketyaptimi?

Kongress
Kongress
Amerika Ovozi
AQShda byudjet yuzasidan kechgan murosasiz muzokaralar bu mamlakatda siyosiy bo’linish kuchli ekanini hamda boshqaruv tizimida jiddiy nuqsonlar mavjudligini namoyish etdi. Ayrimlar nazarida bunday sharoitda Amerika demokratik tizimi normal faoliyat yurita olmaydi.

Vashingtonga tashrif buyurgan ayrim odamlar Kapitoliyni demokratiya timsoli deb biladi, ammo devorlari ichidagi siyosiy tortishuvlarga salbiy qaraydi.
 
"Kongressda markaz tomon og’uvchi fraksiya bo’lsayu, deputatlar partiya yetakchilariga qaramay, birlashsa", - deydi merilendlik Deyvid Stark.

Kongress va prezident Barak Obama uzoq tortishuvlardan so’ng so’nggi pallada byudjet bo’yicha murosa qilib, “moliyaviy jarlik”ning oldini ola bildi. Aks holda xarajatlar keskin qisqarib, soliqlar oshishi mumkin edi. Bu hol siyosatchilarning hamkorlikda ishlashga layoqati yo’qligini namoyon qildi.

Demokrat prezident Obama va respublikachi spiker Jon Beyner o’rtasidagi dastlabki muzokaralar natija bermadi. Ikkala partiyaning Senatdagi sardorlari ham bir to’xtamga kela olmagan edi.

Kongress ishini o’rganuvchi olim Tomas Manning aytishicha, muammo siyosiy tizimda, partiyalarning davlat idoralari bilan hamkorlik qilishga to’sqinlik qiluvchi siyosatida.

"Amerika asoschilari tomonidan tilga olinmagan va konstitutsiyada bitilmagan siyosiy partiyalarimiz boshqaruv tizimimizga to’g’ri kelmaydigan darajada o’zgardi", - deydi tahlilchi.

Uzoq tortishuvlardan so’ng demokrat vitse-prezident Jo Bayden va respublikachilarning Senatdagi sardori Mitch Makkonnel o’rtasidagi do’stona munosabatlar tufayli byudjet masalasiga yechim topildi. Qonun loyihasi Kongressning Yangi yil kuni maxsus chaqirilgan sessiyasida imzolandi. Endi qonunchilar kundan-kunga o’sib borayotgan federal kamomad bilan shug’ullanishi kerak.

"Muhimi, “moliyaviy jarlik”ka tushmadik. Kelishuvni Senatda ko’pchilik yoqladi. Aksariyat respublikachi qonunchilar qarshiligiga qaramay, loyiha Vakillar Palatasida ham ovozga qo’yildi. Murosaga kelingani yaxshi bo’ldi", - deydi mutaxassis.

Vashingtondagi Amerika universitetida tarix bo’yicha professor Allan Lixtman yangi Kongress kelajakda byudjet yuzasidan ko’p talashishiga to’g’ri keladi, deydi.

"Millionerlar solig’ini 35 foizdan 39 foizga oshirish xususida ko’p qayg’urar ekanmiz, bu mamlakat yuzlashayotgan eng katta muammolar chetda qolib ketmoqda", - deydi professor.

Lixtmanning xavotir olishicha, byudjet bo’yicha qizg’in munozaralarga kirishgan Kongress favqulodda yordam, iqlim o’zgarishi oqibatlarini kamaytirish kabi mavzularga diqqat qilmay qo’yadi.

AQSha siyosiy bo'linish/US Political Polarizationi
X
16.01.2013 20:24
AQShda siyosiy bo'linish kuchayganda kuchaygan. Boshqaruv tizimida jiddiy nuqsonlar mavjud ekani hammaga oydek ravshan. Ayrimlar nazarida bunday sharoitda Amerika demokratiyasi xavf ostida.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Ateistlar va cherkov - Atheist Church?i
X
27.11.2014 09:09
Odatda, xudoga ishonmaydigan odamlar dahriy deyiladi. Demak, ularning ibodatxonalarga borishini tasavvur qilish qiyin. Ammo ikki yil muqaddam britaniyalik ikki qiziqchi ateist uchun cherkov ochishga qaror qildi. Londonda boshlangan bu harakat hozir boshqa mamlakatlarga yoyilgan, xususan Amerikaga.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Shukronalik kuni 17-asr boshidan beri bayram qilinadi
  • Kurka - Shukronalik kuni pishiriladigan asosiy taom
  • Bayram dasturxoni
  • Bayram oldidan va uning ketidan savdo qiziydi. Los-Anjeles.
  • Hamma oilasi bilan bo'lishga shoshadi. Vashington.
  • Hamma oilasi bilan bo'lishga shoshadi. Vashington.
  • Nyu-York vokzali
  • Nyu-York
  • Nyu-York
  • Bayramdan keyin savdo qiziydi. Los-Anjeles.
  • Bayram munosabati bilan uyga qaytayotgan harbiy. Mayami.
Fotogalereya

Fotogalereya Shukronalik kuni, Amerika - Thanksgiving holiday in America

Noyabrning oxirgi payshanbasi Shukronalik kuni. Yangi vatandagi noz-ne'matlardan shukur qilgan, hosilidan rozi bo'lgan odamlar shunday bayramga asos solgan. Keyinchalik tub aholiga qarshi qonli urushlar olib borgan yevropalik kelgindilar boshida ular bilan bir dasturxondan non yegan. Hindu qabilalar o'z ovqatlarini tanishtirgan bo'lsa, kelgindilar ham o'z taomlarini tortgan. Kurka Shukronalik kuni asosiy taom hisoblanadi. Chunki bu parranda Amerikada serob bo'lgan.
Fotogalereya

Fotogalereya Amerikada Shukronalik kuni

Har yili noyabr oyining so'nggi payshanbasida o'tadigan bu bayram ko'pchilik amerikaliklar uchun oilaviy yig'ilish va kurkali taom demakdir.

Interaktiv

SAYTGA KIRISHNING XAVFSIZ YO’LI