Shanba, 19-aprel, 2014 Toshkent vaqti: 09:44

Amerika

Mafkuraviy tafovutlar va murosaga undovchi omillar

Matn hajmi - +
Amerika Ovozi
AQShda saylov davomida respublikachi va demokratlar orasidagi tafovut naqadar chuqur ekani ayon bo’ldi. Lekin Kanadada o’tkazilgan bir tadqiqotga ko’ra, turfa ideologiyaga mansub arboblar orasida ham o’xshash qarashlarni topish qiyin emas. Masalan, adolat va insoniyat uchun qayg’urish masalalarida.

Kanadaning Vinnipeg universiteti professori Jeremi Fraymer so’zlariga ko’ra, liberal va konservativ qarashdagi siyosatchilar ma’naviyat va axloq masalalarida bir-biriga yaqin fikr yuritadi.

Fraymer siyosiy qarashlari turlicha bo’lgan taniqli va qudratli siyosatchilarni o’rgandi. Tadqiqotning 400 nafar ishtirokchisiga dunyoning mashhur siyosatdonlari ro’yxati berildi. Qatnashchilar bu shaxslar ma’naviyatiga qanday baho berasiz, degan savolga javob berishdi.

“Biz “Time” jurnalida chiqqan XX-asrning eng qudratli va salohiyatli shaxslari ro’yxatini oldik. Bu ro’yxatda Gitler ham, Gandi ham bor. Maqsadimiz ularning qarashlari va faoliyati yaxshi yoki yomonligini tekshirish emas, balki bu shaxslarning ma’naviy salohiyati va atrofdagilarga ta’sirini o’rganish edi”, - deydi tadqiqotchi.

Boshqalarga nisbatan adolatli va g’amxo’r sifatida tanilgan siyosatchiga ma’naviy jihatdan yaxshi baho berildi.

“Gandi bo’ladimi, Martin Lyuter Kingmi, ishtirokchlarning barchasi ularni ma’naviy jihatdan komil va g’amxo’r insonlar deb atadi”, - deydi professor.

Tadqiqot paytida odamlardan e’tiborni siyosiy arboblar qarashlaridagi tafovutga emas, balki ular o’z faoliyatida qanchalik adolatli bo’lganiga qaratish so’ralgan. Shunda umumiy jihatlarni aniqlash, demak siyosatdonlar o’rtasida murosaga kelish imkoniyatlarini topish mumkin bo’ladi, deydi Fraymer. Olim nazarida, ayni shu masalada liberallar ham, konservativlar ham yakdil.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
AQShda farzand boqib olgan o'zbekistonlik ona bilan suhbat- Boston, Massachussetts shtatii
X
19.04.2014
Boston va uning atrofida o'zbeklar boshqa katta shaharlarga qaraganda unchalik ko'p emas. Dunyoning bu qismlariga asosan talabalar kelib ketadi. Lekin bugun o'zbekistonlik oilalar yetib bormagan joy yo'q.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Ukrainadan suratlar

Sharqdagi to'qnashuvlarda o'lganlar, jarohat olganlar bor.
Fotogalereya

Fotogalereya Boston fojiasini eslab

O'tgan yilning 15-aprelida 25 mingga yaqin kishini bir joyga to'plagan marafon paytida yuz bergan portlash uch kishini hayotdan olib ketgan va 260 dan ortiq odam jarohatlangan edi.
Fotogalereya

Fotogalereya Nigeriyada qonli kun

Fotogalereya

Fotogalereya Ukrainadan suratlar

Fotogalereya

Fotogalereya Vashingtonda olcha gulladi

Har yili aprel oyida Vashington shahri olcha gullari bilan burkanadi. Bir asr muqaddam Yaponiya tomonidan hadya qilingan ko’chatlar bugun Vashingtonning ramziy ko’rkiga aylangan. Olchaning gullash mavsumi har yili 10 kuncha davom etadi. Yilning bu davrida Vashington sayyohlar bilan to’ladi. Chunki ayni shu kunlarda poytaxt Olcha guli festivalini tashkil qiladi. Vashington bo’ylab yapon madaniyati kunlari o’tkaziladi. Musiqa va raqs, me’morchilik san’ati, urf-odatlar, kinolar namoyish etiladi. Yapon tili va adabiyoti ham targ’ib qilinadi. Yaponiyadan mehmonlar kelib, sahnada amerikaliklarni xushnud qiladi. Ikki xalq san’atini ifodalovchi asarlar namoyish etiladi.
Fotogalereya

Fotogalereya Janubiy Afrika Respublikasi notinch

BMT Xavfsizlik Kengashi tobora notinch Janubiy Afrika Respublikasiga keng ko’lamli tinchlikparvar qo’shin safarbar etadi. Salkam 12 ming kishilik missiya tinch aholini himoya qilib, insonparvarlik yordami qatnovini ta’minlaydi. Mamlakatda mazhablararo adovat va zo’ravonlik minglab odamlarni hayotdan olib ketdi. Afrikalik olti ming va fransiyalik ikki ming qo’shin tinchlikni saqlay oladi, deydi BMT rasmiylari. Xalqaro qo’shinlar 15-sentabrda ishga kirishadi. AQShning BMTdagi elchisi Samanta Pauer shu hafta Markaziy Afrika Respublikasida bo’ldi. Qo’shma Shtatlar Afrika ittifoqi qo’shinlarini qo’llab quvvatlaydi; jahon hamjamiyati bu davlatga dadilroq yordam berishi lozim, deydi elchi. BMT, xususan, Markaziy Afrika Respublikasida 19 ming musulmon hayoti jiddiy tahdid ostida va ular mamlakatning xavfsiz hududlariga yoki xorijiy davlatga ko’chirilishi kerak, deya ogohlantiradi. Nasroniy jangarilar musulmon aholiga qarshi qonli hujumlarni boshlagandan beri o’n minglab musulmon poytaxtni va g'arbiy viloyatlarni tark etgan. Ayrim mahalliy rasmiylarning aytishicha, aholini ko’chirish choralari ixtilofni yanada kuchaytirib, mamlakatni parchalab yuborishi mumkin.

Interaktiv

SAYTGA KIRISHNING XAVFSIZ YO’LI