Payshanba, 23-oktyabr, 2014 Toshkent vaqti: 05:35

Siyosat

Obama imzolagan qonun Rossiyani g'azabga keltirdi

Amerika Ovozi
AQSh prezidenti Barak Obama Rossiya bilan normal savdoni yo’lga qo’yish to’g’risidagi qonunga qo'l qo'ydi. Unda inson huquqlarini poymol etgan rasmiylarni jazolash haqida band ham bor.

Yaqinda Senat va Vakillar Palatasida ovozdan o’tgan bu rezolyutsiya Rossiya bilan tijoratga Sovuq urush davrida qo’yilgan cheklovlarni olib tashladi. Shuningdek, huquqbuzar deb ko'rilgan rossiyalik mansabdor shaxslarga sanksiya qo'yildi.

Ularga endi Amerika vizasi berilmaydi, bu mamlakatdagi hisob raqamlari muzlatiladi.

Obama imzolagan qonunga Sergey Magnitskiy nomi berilgan bo’lib, 37 yoshli rossiyalik bu advokat rasmiylarni byudjetdan 250 million dollar o’marganlikda ayblagach, qamoqqa tashlangan va 2009-yilda jon bergan edi.

AQSh sanksiyalari Magnitskiyning hibsga olinishi, qamoqda tahqirlanishi va o'limiga aloqador deb ko'rilgan mulozimlarga qaratilgan.

Kreml Amerikaning bu qaroridan g’azabda va prezident Vladimir Putin biz ham shunga yarasha javob beramiz, deb ogohlantirgan.

Ayni paytda Rossiya parlamenti o'xshash qonun loyihasini ko'rib chiqmoqda. Unda Rossiya fuqarolari huquqini toptagan amerikalik fuqarolarni mamlakatga kiritmaslik haqida so'z boradi. Xususan, Rossiyadan bola boqib olib, so'ngra ularni xo'rlagan oilalar va shaxslar tilga olinadi.

AQSh senatori Ben Kardin so’zlariga ko’ra, sanksiyalardan maqsad Rossiyada adolatsizlikka duchor bo’lganlar ruhini ko’tarishdir. 

“Huquqbuzar shaxslar Qo’shma Shtatlarga endi qadam qo’ya olmaydi, bu mamlakat banklaridan foydalana olmaydi. Umid qilamizki, bu qonunda belgilangan normalar hamma uchun ibrat bo’ladi”, - deydi qonunchi.

Taklifni olg’a surgan yana bir senator, respublikachi Jon Makkeyn Kremlga qarata shunday dedi:

“Vladimir Putin va rus kleptokratsiyasi bilsinki, AQSh inson huquqlari buzilishiga chidab o’tirmaydi. Biz qabul qilgan qonun Rossiyaga qarshi qaratilmagan. Aksincha, rus xalqiga xayrixohmiz, ular yaxshiroq hukumatga loyiq”.

Muxolifat lideri Vladimir Rijkovning aytishicha, prezident Vladimir Putindan farqli o’laroq, aksar rossiyaliklar Magnitskiy Aktini qo’llab-quvvatlaydi. Ommaviy so’rovlar buni tasdiqlagan, deydi u.

Rijkovga ko’ra, yulg’ich mansabdor shaxslar pulini, mol-mulkini chet elda saqlashi hech kimga sir emas.

Boshqa tarafdan, savdo cheklovlari olib tashlanganidan Kreml mamnun. Shu yoz Jahon savdo tashkilotiga qo’shilgan Rossiya va AQSh o’rtasida savdo-sotiq oshishi kutilyapti.

Iqtisodchilar hisobicha, kelasi besh yilda Amerikaning bu davlatga eksporti ikki karra oshadi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Misrdagi vaziyat - US/Egypti
X
22.10.2014 23:59
Amerika "Islomiy davlat" terror tizimiga qarshi kurashda Misr bilan hamkorlik qilishga bel bog'lagan. "Isroil-Falastin mojarosiga yechim izlashda ham bir yoqadan bosh chiqaramiz", deydi Davlat kotibi Jon Kerri. Biroq Vashington Misrdagi bugungi vaziyatdan xavotirda.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Ottava

  • Ottava

  • Ottava

  • Ottava

  • Ottava

  • Ottava

  • Ottava

  • Ottava

  • Ottava

  • Ottava

Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.
Fotogalereya

Fotogalereya Shimoliy Koreya rahbari ommaga ko'rindi

Ikki oydan beri jamoatchilikka ko'rinmagan Kim Chen Unning yangi suratlari paydo bo'ldi. Ularni Shimoliy Koreya Markaziy Axborot Agentligi tarqatmoqda.

Interaktiv

SAYTGA KIRISHNING XAVFSIZ YO’LI