Juma, 28-noyabr, 2014 Toshkent vaqti: 09:02

Amerika

Amerika motamda, qatliom yuzasidan tergov avjida

Motam va xotira marosimlari
Motam va xotira marosimlari
Amerika Ovozi

Maktabdagi fojia


Amerikaliklar kecha Konnektikut shtatidagi boshlang’ich maktabda yuz bergan qatliomdan dahshatda.
 
Qurollangan yigit sinfma-sinf yurib, 26 kishini o’ldirgan. 20 nafari 6-7 yoshdagi bolalar, qolgani muallimlar, ular orasida maktab direktori ham bor.


Qotil 20 yoshli Adam Lanza ekani aniq, deydi politsiya. Lanza shuncha odamni o’ldirgach o’z joniga ham qasd qilgan. Uning o’qdan teshilgan jasadi maktab koridoridan topilgan, yonida uch qurol, bir avtomat va ikki to'pponcha, bilan. 
 
Yigitning onasi shu maktabda ishlagani ma’lum. Adam Lanza avval onasini o’qqa tutgan, keyin uning mashinasida maktabga yo’l olgan, deydi tergovchilar. Uning akasi Rayan Larza so’roq qilinmoqda va oiladagi mashmashalar nima uchun bunday jinoyatga yetaklagani tez orada fosh etilishi kerak.
 
Kuzatuvchilar Adam Lanza esini yo’qotgan, doimiy depressiyada yashayotgan yoshlardan biri ekani aniq deydi.
 
Nyuton degan shaharchadagi maktab qo’shni Nyu-York va Nyu-Jersi shtatlaridan uzoq emas. 

Motam va xotira marosimlari

 
Konnektikut shtati gubernatori Dannel Malloy ibodatxonada so’zlar ekan, “biz tomonlarga shayton kelib ketdi” deydi.
 
Halok bo’lgan bolalarning ota-onalari anduhini yer yuzidagi jamiki inson tushunadi, deydi prezident Barak Obama.
 
Kecha u Oq Uydan turib bu borada xalqqa murojaat qilar ekan, Obama ko’zidan yoshlarini tuta olmadi.
 
Amerika bunday jinoyatlardan to’ydi, deydi u. Jamiyat bunday talofatlarning oldini olish uchun jiddiy choralar ko’rishi lozim. Muammoga javobni o’zimizdan qidiraylik, deydi prezident.
 
AQShda qurolga egalik qilish huquqi konstitutsiya tomonidan kafolatlangan, ammo ko’plab shtatlar ko’pchilik ovoz bilan bu huquqni cheklaydi. Ular nazarida fuqarolarning erkin qurol ko’tarib yurishi jamiyat uchun xavf. Konnektikut shunday shtatlardan biri.

Kechagi xuruj qurol yuzasidan tinmaydigan bahs-munozaralarni yanada alanga oldirib yubordi.
 
Demokratik partiya qattiq nazorat tarafdori. Respublikachilar esa qurolga egalik uzviy huquq deb keladi.
 
Oq Uy pozitsiyasi shuki, hozir bu borada tortishadigan payt emas.
 
Har shanba prezident xalqqa murojaat qilganidan keyin muxolifat, respublikachilar, ham o’z munosabatini bildiradi. Bugun bu partiya faqat Barak Obama so’zlasin degan. Xalqimiz bir jon, bir tan, deydi arboblar.

Tirik guvohlar


Qatliomga guvoh bo’lgan o’qituvchilardan biri Keytlin Rogning “Amerika Ovozi”ga aytishicha, bolalar hayotini asrash asosiy vazifa edi:

“Qo’rqinchdan qaltirab turgan norasida go’daklarga qarab, o’zimni tutishga ahd qildim. Eng muhimi, qotildan ularni yashirish dedim. O’q ovozlari ostida berkinishga harakat qildik. Lekin o’lishimiz ehtimoli ham yuqori ekanini anglab, o’quvchilarimni bag’rimga oldimda, sizlarni yaxshi ko’raman, bolajonlarim, dedim”. 
 
Har yili AQShda 10 mingdan oshiq odam qurolli hujum qurboni bo’ladi.
 
Adam Lanza, jinoyatni amalga oshirgan shaxs, uch qurolga ega bo’lgan, hammasi uning onasi Nensi Lanza nomi ostida.
 
“Mahallalarimiz, farzandlarimiz… Ularning xavfsizligi - ustuvor masala. Siyosat o’z yo’liga, ammo tinchlik eng zarur talab ekan, hammamiz bir yoqadan bosh chiqarib, atrofga qarab, nima bo’layotganini anglashimiz kerak”,- deydi Barak Obama.
 
Nyu-York shahar meri Maykl Blumberg fikricha hukumat qurolni cheklash haqida allaqachon aniq bir qarorga kelishi kerak edi.
 
Vashingtonda hamma gapga usta, bu orada qancha qancha jinoyatlar, nega shu damgacha biror konkret chora ko’rilmadi, deya so’raydi u.
 
AQSh Qurol Uyushmasi – mamlakatda bu sohada eng yirik lobbichi.
 
Tashkilot Kongressning ko’plab a’zolarini quvvatlab keladi, ya’ni ularning qayta saylanishida moliyaviy yordam beradi. 
 
Har bir fuqaro istasa qurol sotib olishi va o’z xavfsizligi va ov maqsadlarida qo’llashi mumkin, deya bildiradi bu uyushma.

Butun dunyo Amerikaga hamdardlik bildirmoqda


Avstraliya Bosh vazirasi Julia Gillard deydiki, bu tushunib bo’lmaydigan qabihlik. 
 
“Mening xalqim siz bilan. Biz ham anduhdamiz”,  - deydi Gillard.
 
Fransiya rahbari Fransua Olland bu xabar haqida bilganida shokka tushganini aytadi. Nahotki, nima uchun degan savollar qiynaydi odamni, deydi u.
 
Yevropa Ittifoqi bosh diplomati Ketrin Eshton va Yevropa Komissiyasi raisi Joze Manuel Barroso voqea haqida gapirar ekan, bu qadar noinsoniy ishlar hammani birdek dahshatga soladi, deydi.
 
Britaniya qirolichasi Elizaveta va Afg'oniston prezidenti Hamid Karzay Barak Obamaga hamdardlik nomalari yo’llagan.

  • Nyuton, Konnektikut shtati, 14-dekabr, 2012
  • Nyuton, Konnektikut shtati, 14-dekabr, 2012
  • Nyuton, Konnektikut shtati, 14-dekabr, 2012
  • Nyuton, Konnektikut shtati, 14-dekabr, 2012
  • Nyuton, Konnektikut shtati, 14-dekabr, 2012
  • Nyuton, Konnektikut shtati, 14-dekabr, 2012
  • Nyuton, Konnektikut shtati, 14-dekabr, 2012
  • Prezident Obama ko'zida yosh bilan ota-onalarga hamdardlik bildirdi. Adolat va'da qildi. Vashington, 14-dekabr, 2012
  • Bayroqlar tushirilgan
  • Oq Uy oldida odamlar to'planib, o'lganlar xotirlanmoqda
  • Oq Uy oldida odamlar to'planib, o'lganlar xotirlanmoqda
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Yangi zamon batareyalari - Argonne Batteryi
X
28.11.2014 01:09
2012-yilda AQSh Energetika vazirligi yangi avlod batareyalarini yaratish maqsadida 120 million dollar grant ajratgan edi. Chikago shahridagi Argon laboratoriyasi bu mablag’ bilan eng sara olim va muhandislarni jalb etib, energiya sohasida kashfiyot qilmoqchi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Shukronalik kuni 17-asr boshidan beri bayram qilinadi
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Kurka - Shukronalik kuni pishiriladigan asosiy taom
  • Bayram dasturxoni
  • Bayram oldidan va uning ketidan savdo qiziydi. Los-Anjeles.
  • Hamma oilasi bilan bo'lishga shoshadi. Vashington.
  • Hamma oilasi bilan bo'lishga shoshadi. Vashington.
  • Nyu-York vokzali
  • Nyu-York
  • Nyu-York
  • Bayramdan keyin savdo qiziydi. Los-Anjeles.
  • Bayram munosabati bilan uyga qaytayotgan harbiy. Mayami.
Fotogalereya

Fotogalereya Shukronalik kuni, Amerika - Thanksgiving Day in America

Noyabrning oxirgi payshanbasi Shukronalik kuni. Yangi vatandagi noz-ne'matlardan shukur qilgan, hosilidan rozi bo'lgan odamlar shunday bayramga asos solgan. Keyinchalik tub aholiga qarshi qonli urushlar olib borgan yevropalik kelgindilar boshida ular bilan bir dasturxondan non yegan. Hindu qabilalar o'z ovqatlarini tanishtirgan bo'lsa, kelgindilar ham o'z taomlarini tortgan. Kurka Shukronalik kuni asosiy taom hisoblanadi. Chunki bu parranda Amerikada serob bo'lgan.
Fotogalereya

Fotogalereya Amerikada Shukronalik kuni

Har yili noyabr oyining so'nggi payshanbasida o'tadigan bu bayram ko'pchilik amerikaliklar uchun oilaviy yig'ilish va kurkali taom demakdir.
Fotogalereya

Fotogalereya Bugungi dunyo, suratlarda

Jahonning turli burchaklaridan olingan antiqa fotolar - 26-noyabr, 2014

Interaktiv

SAYTGA KIRISHNING XAVFSIZ YO’LI