Shanba, 25-oktyabr, 2014 Toshkent vaqti: 06:26

Amerika

AQShda qurol nazorati: Huquq, siyosat va lobbichilar

Amerika Ovozi
AQShning Konnektikut shtatida yosh bolalar va o’qituvchilarni hayotdan olib ketgan fojia qurol nazoratiga doir bahs-munozarani avj oldirib yubordi.


Yangi qonunlar qabul qilish maqsadida prezident ko’rsatmasi bilan tuzilgan ishchi guruh Vashingtonda ilk majlisini o’tkazdi. Federal agentliklar hamda mahalliy huquq-tartibot idoralari rahbarlaridan iborat bu komissiya qurol savdosini qattiqroq nazorat qilishga doir konkret taklif-tavsiyalar bilan chiqishi kerak.

Ammo mamlakatdagi eng kuchli lobbichi tashkilotlardan biri – Qurol uyushmasi bunga nima deydi?

AQSh Qurol uyushmasining Vashingtondagi idorasi qarshisida norozilik namoyishi… Sendi Xuk maktabida birinchi sinf o’quvchilari otib o’ldirilgani ommani oyoqqa turg’azdi. Qurolga egalik huquqini targ’ib etuvchi uyushma kuchli tanqid ostida.

Otishmalar har kuni 34 odamni hayotdan olib ketadi, deydi Nyu-York meri Maykl Blumberg. 

“Sharmandalik emasmi? Bir-birimizni o’ldiryapmiz, rivojlangan davlatlar orasida shu ahvolga kelib qolgan yagona mamlakatmiz”,  - deydi Blumberg.  

AQSh Qurol uyushmasi nimaga qodir ekani tillarda doston. Uning to’rt million a’zosi konstitutsiyaga kiritilgan ikkinchi o’zgartirish, ya’ni qurol sotib olishni fundamental huquq deb biladi. 

Hukumatni ochiqlikka undaydigan tashkilot xodimasi Keti Kili so’zlariga ko’ra, Vashingtonda Qurol uyushmasini tilga olsangiz siyosatchilar dahshatga tushadi. Chunki uyushma saylov kampaniyalarining yirik homiysi, unga qarshi chiqish qiyin.

Konservativ sharhlovchi Jon Fand fikricha, gap qonunlarda emas. Qatliomlar ruhan kasal odamlar tomonidan sodir etiladi, deya ta’kidlaydi u.

Biroq so’nggi fojia hech kimni befarq qoldirmadi.

Hatto Qurol uyushmasining faxriy a’zosi, virjiniyalik senator Mark Vorner ham yetar demoqda. Muayyan cheklovlar joriy etish vaqti yetgan.

Kongressda, qurolga egalik huquqining ashaddiy tarafdorlari orasida ham bu fikrga qo’shiladiganlar topilyapti. 

Qurol uyushmasi o’zi siyosiy jihatdan nimaga qodir deb so’rasangiz, yaqin tarixni yodga olish kifoya. 1994-yilda avtomatik qurollar sotuvi man etilgach, uyushma moliyaviy quvvatini ishga solib, Kongressda respublikachilar g’alabasini ta’minlagan. 

Afsuski, bugun taqiq muddati tugagan. Barak Obama uni qayta joriy etishga chaqirmoqda.

“Qurol bilan bog’liq zo’ravonlikning dahshatli oqibatlarini ko’rib turibmiz. Uni to’xtatish uchun har birimiz mas’ulmiz”, - deydi prezident.

Qurol uyushmasi Konnektikutdagi qatliomni “vahshiylik” deya ta’riflab, bunday voqealar takrorlanmasligi uchun yordamga tayyor ekanini bildirmoqda.

Keti Kilining aytishicha esa Kongressga yangi saylanganlarning yarmidan ko’pi uyushmadan pul olgan.

“Saylovchilar o’z vakiliga yozib-niqtab talab qilsa, o’zgarish bo’ladi. Aks holda, mulla jiring hamma narsadan ustun”, - deydi nohukumat tashkilot vakili.

Konnektikut qatliomi qurol nazoratiga doir keskin bahslarga xotima yasadimi-yo’qmi, yaqin orada ma’lum bo’ladi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Sonora sahrosi - AQSh-Meksika chegarasida - Water for Migrantsi
X
24.10.2014 23:59
Sonora dashti Shimoliy Amerikadagi eng issiq joylardan. Shunga qaramay Meksikadan chegarani kesib o’tmoqchi bo’lganlar ko’p hollarda aynan shu yerni tanlaydi. Safarga chiqqanlar orasida chanqoqlikdan nobud bo’lganlar kam emas. Bir mahalliy tashkilot suv ulasha boshlagan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Kobani

  • Kobani

  • Turkiya-Suriya chegarasida

  • Bag'dod

  • Kanadalik askarlar Iroqqa yo'l olayapti.

Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.

Interaktiv

SAYTGA KIRISHNING XAVFSIZ YO’LI