Amerikaning bir necha shtatlari qalin qor ostida
AQSh shimoli-sharqi qalin qor ostida
Qo’shma Shtatlar shimoli-sharqi, Nyu-York shtatidan tortib, Konnektikut, Roud- Ayland, Massachusetts va Meyn, qalin qor ostida.
Soatiga 100 kilometr tezlikda esgan dovul tingan. Ayrim joylarda 75 santimetrgacha qor yoqqan.
Minglab xonadonlar va bizneslar elektr tokisiz qolgan. Minglab reyslar bekor qilingan. Temir yo’l harakati ham to’xtagan.
Oxirgi marta bu mintaqada shuncha qorni 1978-yilda ko’rgan edik, deydi mutaxassislar.
Mahalliy hokimiyatlar jamoatchilikni ehtiyot bo’lishga, iloji bo’lsa ko’chaga chiqmaslikka, mashina haydamaslikka undamoqda. Ba'zi shaharlarda yo'l harakati man etilgan.
“Dam olish kunlari uyingizda o’tiring… 2-3 kun qiynalamiz, ammo turmushimiz izga tushib ketadi," - deya ishonch bildirmoqda Nyu-York meri Maykl Blumberg.
Bu shaharda 30 santimetr qor yoqqani kuzatildi. O’tgan yilning oktabr oyida bu hududlar kuchli to’fon ostida qolgan edi.
"Amerika Ovozi" xabarlari, 9-fevral, 2013