Shanba, 01-noyabr, 2014 Toshkent vaqti: 15:17

Amerika

Internet-firibgarlikda ayblanayotgan Xitoy fuqarosi AQShda sudga tortiladi

Amerika Ovozi
AQShda ishlab chiqarilgan va jami 100 million dollarga teng kompyuter programmalarini noqonuniy sotganlikda ayblanayotgan Xitoy fuqarosi aybini bo’yniga oldi. AQSh rasmiylariga ko’ra, bu ish mualliflik huquqi poymol etilgan jinoiy ishlar orasida eng yirigi. 

AQSh rasmiylarining bildirishicha, Xitoyning Cnengdu shahrida yashovchi 36 yoshli Sian Li o’g’irlangan kompyuter programmalarini sotish uchun maxsus veb saytdan foydalangan.

Veb saytda (www.Crack99.com) minglab programmalar nomi va narxi ko’rsatilgan bo’lib, ular AQSh va yana 60 mamlakatdagi xaridorlarga pullangan.
 
“Bu uyushgan jinoyatchilikning yaxshi bir misoli. Xakerlar AQShda ishlab chiqarilgan programmalarni o’g’irlaydi, kod va parollarini buzadi, keyin Li kabi jinoyatchilarga sotadi. Bu jarayonda ish joylari, innovatsiya va nozik texnologiya borasida amerikaliklarga katta ziyon yetadi. Ya’ni, bu mamlakatimiz uchun jiddiy xavf,” – deydi AQSh Immigratsiya va bojxona agentligi direktori Jon Morton.
  
Rasmiylarning bildirishicha, Li kamida 500 ta programmani 325 nafar xaridorga bozor narxidan ancha arzonga sotgan.

O’g’irlangan dasturlar aslida 200 ta Amerika kompaniyasiga tegishli bo’lib, mudofaa sohasidan tortib muhandislik, fazo tadqiqotlari va ishlab chiqarish kabi sohalarda qo’llaniladi. Aksariyati - narxi 100 ming dollardan ko’p bo’lgan va iste’molchiga yaxshi tanish programmalar.

Ularning uchdan bir qismi AQShda noqonuniy yo’llar bilan sotib olingan. Xaridorlar – kichik biznes sohiblari, hukumat kontraktorlari, talabalar va muhandislar. Hatto ayrimlari - AQSh hukumati bilan yirik kontrakt tuzgan va hamkorlik qilgan shirkatlar.  

Masalan,  Kosburn Veddenburn ismli injener Lidan 1,2 million dollar evaziga programma sotib olgan va uni NASA fazo tadqiqotlari agentligiga qarashli Goddard fazo parvozlari markazida ishlatgan.
  
Veddenburn mualliflik huquqlarini buzganlik aybi bilan qo’lga olindi va aybiga iqror bo’ldi. Ish sudga oshirilgan.

“Murakkab texnologiya va programmalarni ishlab chiqarish mualliflar huquqlarini himoya qilish bilan bog’liq. Innovatsiya sohasida hamma qonunga bo’ysunishi kerak. Amerika kompaniyalari millionlab dollar sarflab, yangi mahsulot ishlab chiqsa-yu, boshqalar uni o’g’irlab, pullasa, bu nima degan gap?!” – deydi Immigratsiya va bojxona agentligi direktori Jon Morton.

AQSh qonunlarini buzgan chet ellik jinoyatchini javobgarlikka tortish ancha mushkul jarayon. Lini hibsga olish ham oson bo’lmagan.  

2010-2011-yillarda AQSh Ichki ishlar vazirligining maxfiy xodimi o’zini amerikalik tadbirkor deb tanishtirib, Liga qarashli veb saytdan noqonuniy programma sotib oladi.

2011-yilda Li Tinch okeanidagi Saypan oroliga borib, programmani “tadbirkor”ga topshirishga rozi bo’ladi. Orol AQShga tegishli bo’lgani sababli, AQSh huquq-tartibot organlari Lini u yerda hibsga oladi va mamlakat sharqidagi hibsxonaga olib keladi.

Avvalida Liga 40 ta jinoyat sodir etganlik ayblari qo’yilgan edi, so’ngra u mualliflik huquqlarini buzish va internet orqali firibgarlik ayblariga iqror bo’ldi.

Li 25 yilga ozodlikdan mahrum etiishi va 250 ming dollarlik jarimaga tortilishi mumkin. Sudning 3-may kuni hukm chiqarishi kutilmoqda.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI