Dushanba, 20-oktyabr, 2014 Toshkent vaqti: 16:16

Xalqaro

AQSh Somali bilan diplomatik aloqani tikladi

Amerika Ovozi
AQSh 20 yillik tanaffusdan keyin Somali hukumatini tan olib, bu davlat bilan diplomatik aloqani tiklamoqda. Bu degani, Somali al-Qoida bilan kurashish uchun endi Amerikadan ko’mak oladi.

Afrika tinchlikparvar kuchlari poytaxt Mogadishu ko’chalarini qo’riqlaydi. Somalining yangi hukumati mamlakatni o’nlab yil davom etgan urush va alg’ov-dalg’ovdan olib chiqish harakatida. 

Bu davlat prezidenti Hasan Shayx Mahmud ayni paytda Vashingtonda mehmon. Oq uyda Barak Obama, so’ngra Davlat departamentida bo’lib, Tashqi ishlar vazirasi Xillari Klinton bilan muloqot qildi. 

“Somali mashaqqatli davrni boshidan o’tkazdi. Beqarorlik, ekstremizm va qaroqchilikka chek qo’yib, endi tinchlik va taraqqiyot tomon yurayapmiz”, - deydi Shayx Mahmud.

Obama ma’muriyati Somali hukumati siyosat va xavfsizlik bobida erishgan yutuqlarni tahsinga sazovor deya ta’riflaydi. Ikki davlat diplomatik munosabatlarni qayta yo’lga qo’ymoqda.

“Somali xalqi va rahbarlari uchun bu yutuqlarga erishish oson kechgani yo’q, oldinda ham ishlar ko’p. Lekin yangi, porloq kelajak poydevori qurilayotganiga guvoh bo’lib turibmiz”, - dedi Xillari Klinton, diplomatik notalarni qabul qilish marosimida.

Afrika sharqida joylashgan Somali boshqaruvi ishdan chiqqan davlatlar sirasiga kiradi. 1991-yilda islomiy jangarilar hukumatni ag’dardanidan so’ng urush avj oldi. BMT vositachiligidagi harakatlar natijasida va nihoyat o’tgan yili yangi hukumat tuzildi.

1993-yilda jangarilar poytaxt Mogadishuda AQShning ikki vertolyotini urib tushirib, askarlar jasadini shahar ko’chalari bo’ylab sudragani butun dunyoni larzaga solgan edi.

Bugun ta’lim va sog’liqni saqlash tizimlari tiklanar ekan, qochqinlar qo’shni mamlakatlardan sekin-asta vatanga qayta boshlagan. 

Shu bilan birga, al-Qoidaga aloqador al-Shabab terror guruhiga qarshi kurash davom etyapti. Somali hukumati Afrika tinchlikparvar qo’shinlari yordamisiz bu vazifani uddalashi qiyin.  

Xillari Klintonning aytishicha, xalqaro hamjamiyat ham o’z yordamini ayamaydi.

“Terroristlar tinim bilmaydi, so’nggi kunlarda Afrika qit’asida ro’y bergan voqealar bunga dalil. Ulardan kelayotgan tahdidga ochiq ko’z bilan qaraymiz”, - deydi u.

Xalqaro tadqiqotlar markazi olimasi Jennifer Kuk Somalidagi ahvolni quyidagicha ta’riflaydi:
Somali prezidenti Hasan Shayx Mahmud Barak Obama bilan muloqotdaSomali prezidenti Hasan Shayx Mahmud Barak Obama bilan muloqotda
x
Somali prezidenti Hasan Shayx Mahmud Barak Obama bilan muloqotda
Somali prezidenti Hasan Shayx Mahmud Barak Obama bilan muloqotda

“Prezident Hasan Shayx Mahmud ma’muriyati o’ta xavfli va qaltis bir sharoitda faoliyat olib borayapti. Islomiy jangarilar katta hududlardan siqib chiqarilgani rost, lekin ular poytaxtni yana qo’lga olishi hech gapmas”.

Korrupsiya, klanchilik va qabilaviy munosabatlar ham bu jamiyatning ajralmas qismi.  

“Davlat rahbari o’sha siyosiy muhitni jilovlashga harakat qilayotgan bir shaxs xolos. Yangi hukumat xalq ishonchiga loyiq ekanini namoyish etish uchun imkoniyat bor, lekin vaqt oz”, - deydi olima.

Diplomatik aloqalar tiklanishi Somali uchun AQSh Xalqaro taraqqiyot agentligi va boshqa moliyaviy tashkilotlar bilan hamkorlikka yo’l ochadi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Amerika Manzaralari/Exploring America, October 20, 2014i
X
20.10.2014 10:40
Har dushanba Toshkent vaqti bilan 15:30 da sun'iy yo'ldosh orqali uzatiladigan 30 daqiqali ko'rsatuv Amerikadagi siyosiy, iqtisodiy va ijtimoiy manzara bilan tanishtiradi. Qolaversa, Qo'shma Shtatlar - Markaziy Osiyo davlatlari orasidagi aloqalarni tahlil qiladi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.
Fotogalereya

Fotogalereya Shimoliy Koreya rahbari ommaga ko'rindi

Ikki oydan beri jamoatchilikka ko'rinmagan Kim Chen Unning yangi suratlari paydo bo'ldi. Ularni Shimoliy Koreya Markaziy Axborot Agentligi tarqatmoqda.
Fotogalereya

Fotogalereya Ebola balosi... Afrika g'arbidagi bugungi manzara

Kasallik 4000 dan oshiq odamni hayotdan olib ketdi. Bir necha davlat vahima va qo'rquvda. Yordam berilmoqda, ammo kasallik hozircha bedavo.
Fotogalereya

Fotogalereya Suriyaning Kobani shahri hayot uchun kurashmoqda

Hozirda, mahalliy manbalarga ko'ra, shaharning 40 foizi "Islomiy davlat" qolida. Kobanida kamida 700 fuqaro bor va terror tizimi ularni qatl etishi turgan gap, deya bildirmoqda BMT.

Interaktiv

SAYTGA KIRISHNING XAVFSIZ YO’LI