Shanba, 19-aprel, 2014 Toshkent vaqti: 11:59

Amerika

AQShning fazodagi maqsadlari nima?

Matn hajmi - +
Amerika Ovozi
AQShning fazo tadqiqotlari uchun ajratayotgan mablag’i kamayib borar ekan, soha taraqqiyotining kelajagi savol ostida turibdi. Samoga parvozlarni amalga oshirish uchun mablag’ yetarli emas, deyiladi dekabr va yanvar oyida chiqqan ikki hisobotda. 

AQSh raketalari fazoga uchgan davrda Xyustondagi Jonson Fazo Markazi gavjum joy edi. Endi esa raketalar muzeyda. Markaz yuzlab yuqori malakali mutaxassislarni ishdan bo’shatdi.

Jonson Fazo Markazi sobiq direktori, hozirda Rays Universutetida dars berayotgan Jorj Abbi buni uyat, deydi.

“Dasturlar yopildi, xodimlarimiz boshqa joylarda ishlayapti. Bularni qayta tiklash endi juda qiyin”, - deydi u.

Markazning yangi rahbari - sobiq astronavt Ellen Ochoa bunday dasturlarni davom ettirish tarafdori.

“Dasturlar kelib ketadigan narsa. Hamma narsa ham bizning xohishimizga bog’liq emas. Lekin o’z qo’limizda bo’lgan masala – hozirgi faoliyatimizda muvaffaqiyatga erishish. Shunisi muhim”, - deydi u.
  
AQShning NASA fazoviy tadqiqotlar agentligi yangi raketalar qurish va eski texnologiyalardan samarali foydalanish yo’llarini izlamoqda. Jonson Fazo Markazi esa Xalqaro fazo stansiyasi ishini boshqarishda davom etyapti.

“Byudjetimiz ilgarigidek katta emas. Shuning uchun har bir loyihadan unumli foydalanishimiz kerak”, - deydi Jonson Fazo markazi direktori Ochoa.

Yaqinda Rays Universitetidagi anjumanda qatnashgan ekspertlar AQSh fazoviy tadqiqotlariga siyosat salbiy ta’sir qilayotganini ta’kidladi.

AQSh Dengiz akademiyasi professori Joan Jonson-Friz fikricha, asteroidga uchish haqidagi 2010-yilgi loyiha quruq gapligicha qoldi. 

“Uch yil vaqt o’tdi axir. Agar shunday maqsad qo’yilgan bo’lsa, unga erishish uchun ilk qadamlarni qo’yish fursati kelmadimi?”, - deya so’raydi u.

Anjuman qatnashchilari, shuningdek, AQSh hukumat laboratoriyalari, NASA va Mudofaa vazirligi o’rtasida hamkorlikni kengaytirish lozimligini ta’kidladi.

Sobiq astronavt, Xalqaro fazo stansiyasi rahbari Leroy Chiao Rossiya bilan hamkorlikni misol keltiradi.

“Bunday hamkorlikni kengaytirib, Xitoy bilan ham birgalikda ishlashimiz kerak deb hisoblayman. Hozirda fazoga raketalar uchirishga qodir yagona boshqa davlat bu Xitoy”, - deydi u.

Ammo Xitoy bilan samodagi  sheriklikka Kongress qarshi. Qonunchilar byudjet masalasini uzil-kesil hal eta olmayotgani ham fazo tadqiqotlariga ta’sir qilmoqda.

Shunga qaramay, Ellen Ochoaning NASA kelajagidan umidi katta.

“Ilmiy izlanishlarimizda olg’a siljish uchun qo’limizdan kelganicha mehnat qilyapmiz”, deydi Ochoa.

AQSh xazinasining nimaga sarflanishini Kongress hal qiladi. Demak, NASA kelajagi uning qaroriga bog’liq. Qonunchilar oldida turgan eng dolzarb masala hozir  davlatning byudjet kamomadini kamaytirish.

AQShning fazodagi maqsadi nima? US Space Programsi
X
26.02.2013
AQShning fazo tadqiqotlari uchun ajratayotgan mablag'i kamayib borar ekan, soha taraqqiyotining kelajagi savol ostida. Samoga parvozlarni amalga oshirish uchun pul yo'q.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
AQShda farzand boqib olgan o'zbekistonlik ona bilan suhbat- Boston, Massachussetts shtatii
X
19.04.2014
Boston va uning atrofida o'zbeklar boshqa katta shaharlarga qaraganda unchalik ko'p emas. Dunyoning bu qismlariga asosan talabalar kelib ketadi. Lekin bugun o'zbekistonlik oilalar yetib bormagan joy yo'q.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Ukrainadan suratlar

Sharqdagi to'qnashuvlarda o'lganlar, jarohat olganlar bor.
Fotogalereya

Fotogalereya Boston fojiasini eslab

O'tgan yilning 15-aprelida 25 mingga yaqin kishini bir joyga to'plagan marafon paytida yuz bergan portlash uch kishini hayotdan olib ketgan va 260 dan ortiq odam jarohatlangan edi.
Fotogalereya

Fotogalereya Nigeriyada qonli kun

Fotogalereya

Fotogalereya Ukrainadan suratlar

Fotogalereya

Fotogalereya Vashingtonda olcha gulladi

Har yili aprel oyida Vashington shahri olcha gullari bilan burkanadi. Bir asr muqaddam Yaponiya tomonidan hadya qilingan ko’chatlar bugun Vashingtonning ramziy ko’rkiga aylangan. Olchaning gullash mavsumi har yili 10 kuncha davom etadi. Yilning bu davrida Vashington sayyohlar bilan to’ladi. Chunki ayni shu kunlarda poytaxt Olcha guli festivalini tashkil qiladi. Vashington bo’ylab yapon madaniyati kunlari o’tkaziladi. Musiqa va raqs, me’morchilik san’ati, urf-odatlar, kinolar namoyish etiladi. Yapon tili va adabiyoti ham targ’ib qilinadi. Yaponiyadan mehmonlar kelib, sahnada amerikaliklarni xushnud qiladi. Ikki xalq san’atini ifodalovchi asarlar namoyish etiladi.
Fotogalereya

Fotogalereya Janubiy Afrika Respublikasi notinch

BMT Xavfsizlik Kengashi tobora notinch Janubiy Afrika Respublikasiga keng ko’lamli tinchlikparvar qo’shin safarbar etadi. Salkam 12 ming kishilik missiya tinch aholini himoya qilib, insonparvarlik yordami qatnovini ta’minlaydi. Mamlakatda mazhablararo adovat va zo’ravonlik minglab odamlarni hayotdan olib ketdi. Afrikalik olti ming va fransiyalik ikki ming qo’shin tinchlikni saqlay oladi, deydi BMT rasmiylari. Xalqaro qo’shinlar 15-sentabrda ishga kirishadi. AQShning BMTdagi elchisi Samanta Pauer shu hafta Markaziy Afrika Respublikasida bo’ldi. Qo’shma Shtatlar Afrika ittifoqi qo’shinlarini qo’llab quvvatlaydi; jahon hamjamiyati bu davlatga dadilroq yordam berishi lozim, deydi elchi. BMT, xususan, Markaziy Afrika Respublikasida 19 ming musulmon hayoti jiddiy tahdid ostida va ular mamlakatning xavfsiz hududlariga yoki xorijiy davlatga ko’chirilishi kerak, deya ogohlantiradi. Nasroniy jangarilar musulmon aholiga qarshi qonli hujumlarni boshlagandan beri o’n minglab musulmon poytaxtni va g'arbiy viloyatlarni tark etgan. Ayrim mahalliy rasmiylarning aytishicha, aholini ko’chirish choralari ixtilofni yanada kuchaytirib, mamlakatni parchalab yuborishi mumkin.

Interaktiv

SAYTGA KIRISHNING XAVFSIZ YO’LI