Shanba, 23-may, 2015 Toshkent vaqti: 04:40

Markaziy Osiyo

AQSh O'zbekiston Islomiy Harakati homiysiga sanksiya qo'ydi

Vaziristondagi jangarilar, 2011-yilda olingan surat.
Vaziristondagi jangarilar, 2011-yilda olingan surat.

Multimedia

Audio
Amerika Ovozi

Vashington Pokistonda asoslangan uch shaxsni nishonga olmoqda: Mavlaviy Odam Xon Achikzay, Amir Ali Choudriy va Qori Ayyub Bashir.

Ular Tolibon, Tahrik-e Tolibon va O'zbekiston Islomiy Harakatini moliyaviy jihatdan quvvatlab kelayotgan terroristlar, deyiladi AQSh Moliya vazirligi chiqargan bayonotda.


Ekstremist guruhlar va ularga mablag' qayerdan borishi masalasi bilan Amerika hukumatida aynan Moliya vazirligi shug'ullanadi.

Vazirlikning bildirishicha, yuqorida nomi qayd etilgan shaxslar terror tashkilotlarini moddiy, moliyaviy va texnik jihatdan qo'llab keladi.

Odam Xon va Choudriy qo'lbola portlovchi vositalar ishlab chiqarishni yo'lga qo'ygan.

Bashir esa O'zbekiston Islomiy Harakatining Afg'oniston va Pokistondagi faoliyati uchun mablag' uzatib turadi.

AQSh Moliya vazirining Terrorizm va Moliyaviy razvedka masalalari bo'yicha muovini Deyvid Koen deydiki, sanksiya qo'yishdan maqsad - bu shaxslar faoliyatiga nuqta qo'yish va terror tizimlarini moliyadan ayirish.

Odam Xon, Choudriy va Bashir Amerika moliya organlari va ular bilan hamkorlik qiladigan boshqa xorijiy muassasalar hamda fuqarolar bilan aloqa qila olmaydi.

Razvedka ma'lumotlari shundan darak beradiki, Odam Xon va Choudriy 2010-212 yillarda Afg'oniston va Pokistonda amalga oshirilgan terror xurujlarida qo'lbola portlovchi moddalar yetkazib bergan.

Mavlaviy Odam Xon Achikzay 1972-yilda Afg'onistonning Qandahor viloyatida tug'ilgan. Ayni damda Pokiston fuqarosi va rasmiy manzili Baluchiston viloyati.

Amir Ali Choudriy 1986-yilda Pokistonda tug'ilgan, shu davlat fuqarosi va ayni damda Afg'oniston bilan chegaradosh hududda yashiringan.

Qori Ayyub Bashir 1966-yilda Afg'onistonda dunyoga kelgan va shu davlat pasportiga ega. Asli o'zbek. Hozirgi kunda Pokiston shimoli-g'arbida ekani taxmin qilinadi.  

Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Ayol siyosatchilari
X
21.05.2015 23:15
AQSh Kongressida shu paytgacha bunchalik ko’p ayol a’zo bo’lmagan. Lekin ular ko’p emas, qonunchilarning atigi 20 foizi. Amerika aholisining yarmidan ko’pi xotin-qizlar. Umuman olganda siyosatda ayollar muhim rol o’ynaydi, saylovchi va fuqaro sifatida. Biroq qudratli lavozimlarda ular ozchilik.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Urugvay ahli 1973-1985 yillarda hukmronlik qilgan harbiy tuzum paytida daraksiz ketgan insonlarni eslamoqda
  • Janubiy Koreya
  • Bostonda xotira kuni, AQSh
  • Ispaniya
  • Janubiy Koreya
  • Nyu-Yorkdagi yangi osmono'par binoda
  • Xitoy
  • Suriya
  • Assam shtati, Hindiston
  • Germaniya ko'chalarida
  • Tinch okeani sohillarida... Neft quvuridagi muammo sabab sizib chiqqan neft suvni bulg'amoqda

Interaktiv

SAYTGA KIRISHNING XAVFSIZ YO’LI