Shanba, 06-fevral, 2016 Toshkent vaqti: 12:02

AQSh-Markaziy Osiyo

Amerika-O'zbekiston aloqalarida xavfsizlik ustuvor mavzu

Amerika qonunchilari yaqinda Toshkentga safari chog’ida ham shu mavzuni ko’targan. Muloqot yakunida prezident Islom Karimov “aloqalarni rivojlantirish uchun uzoq muddatli hamkorlik dasturi tayyorlandi” degan. Kuzatuvchilar nazarida istiqbolda rishtalar, asosan, xavfsizlik bilan bog'liq bo'ladi.


2014-yilda AQSh va NATO qo'shinlari Afg’onistondan chiqishi kutilmoqda. Butun mintaqa xavfsizligi uchun nozik bu pallada O’zbekiston ham muhim siyosiy o’zgarishlardan o'tishi kutilayapti. Mamlakatda 2014-yil oxirida parlament, 2015-yil boshida prezident saylovlari rejalangan.

Amerika delegatsiyasi yaqinda Toshkentda rasmiylar bilan uchrashar ekan, mintaqadagi manfaatlar uyg’unligi, terrorizmga qarshi kurashda hamkorlikni davom ettirish zaruratini ta'kidlagan.

Qonunchilar inson huquqlari masalasida O’zbekistonda ijobiy o’zgarishlar mavjudligini ham qayd etgan.

O’zbekistonlik faollar so'zlariga ko’ra, region xavfsizligini ta’minlash muzokarlarda asosiy masalaga aylanmoqda.

“AQSh va NATO qo’shinlari Afg’onistondan chiqqach, mintaqada real xavf yuzaga keladi. Chunki Afg’oniston hali stabillashgani yo’q, muvozanatli bir boshqaruv tizimi shakllanmadi. Bu esa mintaqada radikalizm yoki boshqa beqarorlik bilan bog'liq muammolarni vujudga keltiradi. Shu sababli hozir AQShning nafaqat O’zbekiston, balki mintaqaning boshqa davlatlari bilan muzokarasida ham asosiy masala shu bo’lib qolmoqda. Prezident Karimov kongressmenlar bilan ham, asosan, xavfsizlik masalasida gaplashdi”, - deydi huquq himoyachisi Abdurahmon Tashanov.

Yaqinda O’zbekiston va AQSh o’rtasida diplomatik aloqalar o’rnatilganining 20 yilligi nishonlandi. Munosabatlar keskin bosqichlarni ham boshdan kechirdi. Ziddiyat, ayniqsa, inson huquqlariga taqaladi.

“AQSh Afg’oniston bois inson huquqlari masalasiga e'tiborni susaytirdi degan iddaolar bor. Lekin men bu qarashlarga yuz foiz qo’shilmayman. Agar AQSh hukumati chiqarayotgan hisobotlarni ko’rsak, bunga guvoh bo’lamiz. To’g’ri, ayrim hollarda fuqarolik jamiyati vakillari chetda qolmoqda. Lekin siyosatning ham o’z qoidalari bor. Umuman, AQSh inson huquqlari masalasiga to’liq ko’z yumayapti, deb bo’lmaydi, ehtimol biroz susaygandir. Biz huquq himoyachisi sifatida, tabiiyki, bunday e’tibor yanada kuchliroq bo’lishini istaymiz”, - deydi Tashanov.

Uzoq muddatli hamkorlik qanday bo’lishi haqida hali aniq rejalar e’lon qilinmagan.

Malik Mansur

Malik Mansur Toshkent Davlat Universitetini (hozirda O'zbekiston Milliy Universiteti) bitirgan. Professional jurnalist. Bu sohada 1990-yilardan beri ishlab keladi. O'zbekistonda qator nashrlarda faoliyat yuritgan. "Amerika Ovozi bilan 2002-yildan buyon hamkorlik qilib keladi. Vatandagi siyosat, iqtisod va ijtimoiy hayotni yoritadi. "Vatan Manzaralari" blogini yuritadi. Malik Mansur tanqidiy maqolalari uchun 2010-yilda davlat organlariga tuhmat qilganlik, haqoratlaganlik va jamoat xavfsizligiga tahdid solganlik aybi bilan Toshkentda sudga tortilgan. Jurnalist va uning reportajlarini efirga uzatgan "Amerika Ovozi" bu ayblovlarni asossiz deb hisoblab, sud ishini so'z va matbuot erkinligini cheklash uchun qilingan qadam deb atagan.
 

Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Saylov-2016: Osiyoliklar ovozi muhimi
X
06.02.2016 00:02
Kelasi chorak asrda Amerikada osiyolik elektorat kamida ikki karra oshadi. 2040-yilga borib, har 10 amerikalikdan biri osiyolik bo’ladi. Lekin siyosatchilar bu jamoaga ko’p ham xushomad qilmayapti. Chunki AQShdagi boshqa immigrant jamoalardan farqli bu guruh ko'ngliga yo'l topish qiyin.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Yaponiyada vulqon portladi
  • "WikiLeaks" asoschisi Julian Assanj Ekvadorning Londondagi elchixonasidan turib matbuot xodimlari bilan gaplashmoqda. BMT hay'ati nazarida uni hibsga olish uchun asos yo'q.
  • Nyu-Gempshir shtati
  • Ukraina
  • Shimoliy dengiz sohillarida, Britaniya
  • Filippinda Xitoyga qarshi chiqishlar
  • Suriya
  • Pokistonda "Kashmir birlashsin" degan talablar ostida namoyishlar
  • Vatikan
  • Singapurda yangi yil
  • Quddus
  • Belgiya
  • Turkiya

Interaktiv

SAYTGA KIRISHNING XAVFSIZ YO’LI