Shanba, 01-noyabr, 2014 Toshkent vaqti: 18:10

Amerika

Saylov - 2012: AQShdagi o'zbeklar qanday fikrda?

Chikagodagi o'zbek muhojirlar
Chikagodagi o'zbek muhojirlar
AQShda istiqomat qiluvchi minglab o’zbeklar orasida 20-asrning birinchi yarmida Sovet tuzumidan qochgan o'rta osiyoliklarning avlodlari ham bor. O'zbekistonliklar ularni  “eski o’zbeklar” deb atashadi, ularning o'zlari esa “turkistonlikmiz” deyishadi. Bugun ular AQSh fuqarolari sifatida jamiyat hayotining turli jabhalarida faol ishtirok etmoqda. Xususan, mamlakatdagi siyosiy jarayonlarga ham befarq emas.


Saylov uchastkalari navbatdagi prezident uchun ovoz berayotgan fuqarolar bilan gavjum bir pallada biz amerikalik o'zbeklarning saylov va nomzodlar haqidagi fikrlari bilan qiziqdik. AQShda markaziy osiyolik muhojirlarning siyosiy faolligi qanday? Ular uchun prezidentlikka munosib nomzod kim?

Shu kabi savollarga javob topish maqsadida Nyu-Jersi shtatida joylashgan “Turkiston-Amerika” jamiyati prezidenti Abdulla Xo’ja va Chikagodagi O’zbek-Amerika Assotsiatsiyasi raisi Sirojiddin Nasafiyni suhbatga tortdik.
 
Asli O’zbekistonning Qashqadaryo viloyatidan bo’lgan Sirojiddin aka 40 yildan buyon AQShda istiqomat qiladi. Chikago shahri atrofidagi o’zbek muhojirlari jamiyatiga rahbarlik qiladigan ushbu ziyoli inson o’zining demokrat ekanini faxr bilan tilga oladi.
 
Chikagodagi O'zbek-Amerika Uyushmasi raisi Sirojiddin Nasafiy va jamoa farzandlariChikagodagi O'zbek-Amerika Uyushmasi raisi Sirojiddin Nasafiy va jamoa farzandlari
x
Chikagodagi O'zbek-Amerika Uyushmasi raisi Sirojiddin Nasafiy va jamoa farzandlari
Chikagodagi O'zbek-Amerika Uyushmasi raisi Sirojiddin Nasafiy va jamoa farzandlari
“Shaxsan men demokratman, - deydi Nasafiy. - Bu yerda 40 yildan beri yashayman. Har doim saylovda demokratlarga ovoz beraman. Chunki ular kambag’allarga ko’proq qaraydi ”.
 
Respublikachi Mitt Romni Obamani so’nggi to’rt yilda iqtisodiyotni yaxshilay olmaganlikda ayblaydi. Sirojiddin Nasafiy nazarida esa prezident Obamaning iqtisodiy ko’rsatkichlari yomon emas. Hayot ilgarigiday to’la izga tushishi uchun vaqt kerak, deydi u.
 
“Obama juda yaxshi harakat qildi, - deya amaldagi prezidentni himoya qiladi o’zbeklar yetakchisi. - U ishga tushgan paytda Amerika burni yerga yopishib qolgan edi. Nihoyat darajada ahvoli yomon edi. Pastga qarab ketayotgan edi. Ming ofarinki, Obama ancha ishlarni amalga oshirib, iqtidosiyotni asrab qoldi”.
 
AQShdagi nufuzli “Turkiston-Amerika” jamiyati prezidenti Abdulla Xo’ja esa Obamaning to’rt yillik faoliyatidan mamnun emas. U o’zi bergan va’dalarni bajara olmadi, deydi u.
 
“2008-yilgi saylovda jamiyatimizning ko’pchiligi Obamaga ovoz bergan edi, - deydi Abdulla Xo’ja. – Lekin u ko’p va’dalarini bajarmadi. Bu safar unga ovoz berganlar ham bo’ladi, bermaganlar ham bo’ladi”.
 
2008-yil Obamani tanlagan “Turkiston-Amerika” jamiyati raisi bu safar Romni uchun ovoz bermoqchi ekanini aytadi. Biznesni rivojlantirish uchun Romni munosibroq nomzod, deydi u.

“Ikkalasi ham mukammal emas, kamchiliklari bor. Lekin biznes tajribasi borligi uchun iqtisodiyotni rivojlantirishga Romni yaxshiroq”, - deydi “Turkiston-Amerika” jamiyati rahbari.
 
Mitt Romni prezidentlikka saylansa, to’rt yil ichida 12 million yangi ish o’rni yaratishga va’da bergan edi. Buni demokratlar saylov oldidagi quruq va’da deb hisoblaydi. Romni saylanganda, vaziyat bundan ham battar bo’lishi mumkin edi, deydi demokrat Nasafiy.
 
“Qarshi tomondagi respublikachilar, tabiiyki, propaganda qiladi. Lekin ko’p gaplari haqiqat emas, - deydi Nasafiy. – Agar Romni saylansa, bundan ham yomonroq bo’ladi”.

Abdulla Xo’ja bu borada Nasafiy bilan hamfikr emas. Obama haddan ziyod liberal bo’lgani uchun qarashlari bizga to’g’ri kelmaydi, deydi u. Romni dindor bo’lgani uchun fikrlari urf-odatlarimizga ham mos, deydi “Turkiston-Amerika” jamiyati raisi.
 
"Turkiston-Amerika" jamiyati raisi Abdulloh Xo'ja"Turkiston-Amerika" jamiyati raisi Abdulloh Xo'ja
x
"Turkiston-Amerika" jamiyati raisi Abdulloh Xo'ja
"Turkiston-Amerika" jamiyati raisi Abdulloh Xo'ja
“Obama axloqiy jihatdan bizning urf-odatlarga to’g’ri kelmaydigan qarorlar berdi. Avlodlarimiz uchun odob-axloq, madaniyatni saqlash masalasida ham Romnining qarashlariga qo’shilaman”, - deydi o’zbeklar jamiyati yetakchisi Abdulla Xo’ja.
 
Sirojiddin Nasafiy ham, Abdulla Xo’ja ham AQShdagi vatandoshlarini siyosiy faol bo’lishga chaqiradi. Qanchalik faol bo’lsak, jamiyatda shunchalik ta’sirga, o’z ovozimizga ega bo’lamiz, deydi ular.

“Vatandoshlarimiz bunday siyosiy jarayonlarda faol bo’lishi kerak. O’zimizni tanitib hukumatdan haq olishimiz lozim. Faol bo’lmasak, yuz ming emas, 50 million kishi bo’lsak ham hech kim bizni tanimaydi”, - deydi chikagolik Sirojiddin Nasafiy.
 
“Vakillarimizga saylovda qatnashinglar, deb doim aytamiz. Kelajakda o’z vakillarimizni biz ham Kongressga, Senatga saylashimiz kerak. Siyosiy hayotda faol qatnashish muhim”, - deya ta’kidlaydi Abdulla Xo’ja.
 
Ammo o’zbekistonliklarning AQSh siyosiy hayotidagi ishtiroki ancha sust. Har ikki o’zbek yetakchisi ham buni tan oladi.
 
“Hammasi siyosatga juda qiziqadi. Ammo bizning bitta kamchiligimiz shuki, amal qilishga kelganda hech narsa yo’q”, - deydi Sirojiddin Nasafiy.

“Biznikilar, afsuski, bunday ishlarda faol emas,- deya Nasafiy fikrlariga qo’shiladi Abdulla Xo’ja. – Pasportni olib, ishlatsam deyishadi, ammo aksariyati saylovlarda qatnashmaydi”.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI