Juma, 31-oktyabr, 2014 Toshkent vaqti: 22:33

Amerika

Amerika xotin-qizlari frontga kirishga ruxsat oldi

Amerika Ovozi
AQSh mudofaa vaziri lavozimida xizmat muddati tugayotgan Leon Panetta frontda ayol askarlarga qo’yilgan cheklovlarni bekor qildi. Bu bilan shu yilning mayidan xotin-qizlar uchun armiyada yuz minglab yangi ish o’rinlari ochiladi.


Leon Panetta yurtning eng tajribali generallari maslahatiga amal qilib, yangi qoidani joriy etdi va Pentagonda ko’plarni hayron qoldirdi:
 
“Harbiy ayollar frontda mardlarcha jang qilishga, safdoshlarni himoya qilish uchun jonini fido qilishga tayyor ekanini isbotladi”.
 
Qaror jang maydonida xotin-qizlar rolini cheklovchi 1994-yilgi buyruqni bekor qildi. Qurolli kuchlar safida ikkilanganlar yo’q emas. Front kuchli jismoniy tayyorgarlikni talab qiladi.

Ayol jangchilar huquqini himoya qiluvchi tashkilotlar nazarida Pentagon ancha oldin ayni yo’lni tutishi kerak edi. Iroq va Afg’onistonda xotin-qizlar allaqachon eng og’ir ishlarni qoyilmaqom qilib bajarmoqda, lekin bu hech yerda rasman qayd etilayotgani yo’q, deydi ular.
 
Iste’fodagi general Vilma Vot Amerika Memorial jamg’armasi qoshidagi Jangchi askarlar tashkiloti prezidenti.

“1990-1991-yillarda, esimda, urushda hamma qatori kurashar edik. U yer xavfsiz, bu yer xatarli deb ajratib o’tirish yo’q edi. Ayollar frontning faol qatnashchilari, ishonchli himoyachilar edi”, - deydi u.
 
Lekin boshqa faxriylar yangi qarordan rozi emas. Iste’fodagi general Jerri Boykin fikricha, endi qo’mondonlarga qiyin bo’ladi. Urushda muvaffaqiyat qozonish, askarlarga qulay sharoit yaratish uchun generallar bosh qotirishi, og’ir vaziyatdan chiqish yo’lini topishi kerak.
 
“Erkak askarlar uchun alohida, ayol jangchilar uchun alohida xilvat joylar bo’lishi kerak. Frontda shu haqda ham o’ylash ortiqcha boshog’riq emasmi? Qo’mondonlar urush haqida o’ylasinmi yoki boshqa?” - deydi Boykin.
 
Pentagon mutaxassislarining aytishicha, qonunchilar va faollar tenglikni o’ylab shunday qilmoqda.
 
Xotin-qizlar huquqlarini himoya qiluvchi tashkilotlar avval Pentagonni sudga berib, jang maydonida kamsitish hollaridan shikoyat qilgan. General Votning aytishicha, askarning xizmat pog’onasidan ko’tarilishi uchun front tajribasi kerak:
 
“Urushning olovli nuqtalarida bo’lmagani uchun askar ayolning karyerasi siljimagan hollar bor”.

Endi esa qurolli kuchlarda tez orada ayollar uchun yuz minglab yangi ish o’rinlari ochiladi.

Bu esa AQSh qurolli kuchlari safida ayollar uchun 230 mingdan ziyod yangi o’rin ochiladi, degani.

AQSh armiyasida 1,4 million kishi xizmat qilayotgan bo’lsa, shulardan 14 foizi xotin-qizlar.
 
2001-yildan beri Iroq va Afg’onistonda 280 mingdan ziyod ayol mudofaaga hissa qo’shgan. 152 nafari jangda halok bo’lgan.

Ayollar frontga ruxsat oldi/US Military Womeni
X
02.02.2013 07:43
AQSh Mudofaa vaziri, xizmat muddati tugayotgan Leon Panetta frontda ayol jangchilarga qo'yilgan cheklovlarni bekor qildi. Bu bilan xotin-qizlar uchun armiyada yuz minglab yangi ish o'rinlari ochiladi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Urush faxriylari uchun maxsus uylar - Houses for war veteransi
X
31.10.2014 10:03
Iroq va Afg'onistondan 300 mingga yaqin askar majruhlanib qaytgan. AQSh Mudofaa vazirligi yirik bir kompaniya bilan hamkorlikda ularga qulay uylar qurib berishga kirishgan. Ruhan va jismonan nogiron insonlar uchun maxsus imoratlar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI