Shanba, 05-sentyabr, 2015 Toshkent vaqti: 15:13

Amerika

AQSh tadbirkor ayollari zamon haqida nima deydi?

Barbara Ers, yuk tashuvchi yirik kompaniya asoschisi
Barbara Ers, yuk tashuvchi yirik kompaniya asoschisi

Multimedia

Audio
Amerika Ovozi
Amerikada kichik xususiy bizneslarning uchdan bir qismini ayollar boshqaradi. Iqtisodiy qiyinchiliklarga qaramay tadbirkor xotin-qizlar kun sayin ko’paymoqda.


Bundan bir necha yil avval mana bu yuk tashuvchi mashina ham, u tegishli kompaniya ham erkak biznesmenning mulki edi. Bugun esa uning sohibasi - Barbara Ers. Virjiniya shtati Frederiksburg shahrida joylashgan “Apple Transfer” kompaniyasi prezidenti. Kompaniya yuk tashiydi, xonadon va shirkatlarga ko’chishda yordam beradi.

Ers unga 1988-yilda asos solgan.    

“Ukam bilan boshlaganman. Bitta kichik yuk tashuvchi mashinamiz bor edi. Ukam yuk tashirdi, men hujjatlar bilan shug’ullanardim”.
 
Bugunga kelib Ersning ko’plab yuk tashuvchi mashinalari, omborxona va 100 ga yaqin xodimi bor.

AQSh Kichik biznes ma’muriyati rasmiysi Ana Xarvi tadbirkorlar ayollar ko’paymoqda, deydi:

"Masalan, 1979-yilni oladigan bo’lsak, xususiy biznesning bor-yo’g’i 5 foizi ayollar qo’lida bo’lgan. Bugun xususiy firmalarning 30 foiziga xotin-qizlar egalik qiladi va boshqaradi”.

1970-yillarda qabul qilingan yangi qonunlar ayollarga yo’l ochgan. 

“Bu qonunlarga ko’ra, xotin-qizlarning bankdan kredit olishi uchun erkak imzosi talab qilinmaydigan bo’ldi. Katta o’zgarish edi bu. Ayollar o’z biznesini ocha boshladi,” - deydi Xarvi.

Iqtisodiy inqiroz ham bu borada ijobiy rol o’ynadi.

“Krizis boshlangach, ko’plab ayollar ishini yo’qotdi. Ularning aksariyati “yaxshi ish topgunimcha o’zim yaxshi ko’rgan ish bilan shug’ullanib turaman” degan qabilda harakat qildi. Yangi sohalarga asos solishdi”.

Xarvining o’zi ham ilgari xususiy sektorda ishlagan, biznes yuritgan.  Hukumat ayollarni qo’llab-quvvatlaydi, deydi u.

“O’tgan yilda 160 ming ayolga biznes-plan tuzish, marketing, internetdan foydalanish, xususiy faoliyat yuritishda yordamlashdik.”

Davlat ko’magi tadbirkor ayollar uchun juda muhim, deydi Barbara Ers. 

“Masalan yuk tashish biznesida azaldan erkaklar ishlagan. Menga hamon hayron bo’lib qarashadi, qarshilik ham ko’rsatishadi. Erkaklarni yomon demayman, lekin ayol tadbirkorlarga salbiy munosabat bor”.

Zamon o’zgardi, tan olish kerak, deydi Ers.

“Ko’chada o’z kompaniyamga tegishli mashina ketayotganini ko’rsam, quvonib ketaman”.

Tadbirkor-ayollarning bari Ers kabi qilayotgan ishi va yutuqlari bilan faxrlanadi.

AQShning tadbirkor ayollari bilan suhbat/Women owned businessesi
X
22.11.2012 05:01
Bu yil yozda e'lon qilingan hisobotga ko'ra, ayollar AQShda ishchi kuchining qariyb 47 foizini tashkil etadi. Biznes sohasi egalarining 52 foizdan ortig'i xotin-qizlar. Eng yirik 500 kompaniyaning 14 foizdan ziyodini ayollar boshqaradi. Ularning ta'sis kengashlarida o'tirganlarning 17 foizga yaqini ham ayollar. Amerika iqtisodiyotida kichik xususiy bizneslarning ulushi katta. Ularning uchdan bir qismini ayollar boshqaradi. Iqtisodiy qiyinchiliklarga qaramay tadbirkor xotin-qizlar kun sayin ko'paymoqda.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Baltimorda yoshlar bilan yaqindan ishlaydigan tashkiloti
X
05.09.2015 00:21
Baltimor shahridagi bi notijoriy tashkilot o’n yildan oshibdiki, yoshlarga o’z orzulariga qanday erishish borasida yo’l-yo’riq ko’rsatib kelmoqda.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Hindiston sohillarida suriyalik qochqin bola xotirasiga bag'ishlangan manzara... Uch yoshli Alan Kurdi onasi va ukasi bilan O'rta dengizda halok bo'lgan. Ular vatandagi urushdan qochib Yevropaga ketayotgan edi. Jasadlar Turkiya sohillaridan topildi.
  • Britaniyada Ikkinchi jahon urushi qurbonlari xotirlanmoqda
  • Iroqda omma hukumatni oddiy xizmatlarni ham ko'rsata olmayotganlikda ayblab ko'chaga chiqqan
  • Livanda omma erta saylovlar talab qilmoqda. Hukumat ishdan chiqqan, deydi ular.
  • Bahrayn
  • Alp to'glaridagi ko'lda, Fransiya
  • Ruminiyadagi madaniy festivalda qatnashayotgan rus qizi
  • Gollivud yulduzi Jonni Depp shaydolari... Italiya 

Interaktiv

SAYTGA KIRISHNING XAVFSIZ YO’LI