Seshanba, 23-dekabr, 2014 Toshkent vaqti: 06:30

Xalqaro

Tahlilchilar: AQSh-Rossiya munosabatlari salbiylashgan

Rossiya va AQSh prezidentlari Vladimir Putin va Barak Obama
Rossiya va AQSh prezidentlari Vladimir Putin va Barak Obama

Multimedia

Audio
Amerika Ovozi
Prezident Barak Obamaning tashqi siyosatidagi muhim yo’nalishlardan biri Rossiya bilan munosabatlarni yaxshilash bo’lishiga qaramay, haqiqat shuki, so’nggi oylarda ikki davlat aloqalari pastga qarab ketmoqda.

Sobiq prezident Jorj Bush ma’muriyatining so’nggi yillarida eng quyi nuqtaga tushgan Vashington-Moskva aloqalarini tiklash Barak Obama prezidentligining birinchi muddati davomidagi ustuvor vazifalardan biri bo’ldi.

To’rt yillik harakat samarasiz kechmadi. Strategik qurollarni nazorat qilishga qaratilgan eski bitim yangilandi, AQSh harbiylariga Rossiya hududi orqali Afg’onistonga o’tish va yuk tashishga ruxsat berildi, Rossiya Birlashgan Millatlar Tashkilotida Eronga sanksiyalarni kuchaytirishga ovoz berib, Qo’shma Shtatlar olqishiga sazovor bo’ldi.

Biroq tahlilchilar nazarida, ikki tomonlama munosabatlar yana yomonlashib bormoqda.

Rossiya bo’yicha amerikalik ekspert Stiven Jounsning aytishicha, bunga Putinning uchinchi muddatga kelishi sabab.

Vladimir Putin o’tgan yil may oyida prezidentlikka qaytib, sobiq prezident Dmitriy Medvedev uning bosh vazirlik kursisini egallagan.

Inson huquqlari bilan shug’ullanuvchi “Human Rights Watch” tashkiloti vakili Reychel Denber Putinni tanqidchilarini siquvga olganlikda ayblaydi.

"Rossiyada inson huquqlari bilan bog’liq ahvolni 21 yildan beri kuzatib borayotgan bo’lsam, fuqarolik jamiyati hali bu qadar uyushgan tarzda ta’qibga olinmagan", - deydi Denber.

Ekspert nazarida, Putinga xayrixoh “Birlashgan Rossiya” partiyasi deputatlari hukmron parlament inson huquqlarini cheklovchi qator qonunlar qabul qildi. Xususan, deydi Reychel Denber, namoyishlar soni cheklandi, xoinlikning ta’rifi kengaytirildi, internet senzuraga uchrab, nodavlat tashkilotlar faoliyati ustidan nazorat kuchaytirildi.

Kreml, shuningdek, fuqarolik jamiyatlariga grantlar ajratib kelgan AQSh Xalqaro taraqqiyot agentligini Rossiyadan haydadi. Saylovlarda ovozlarni mustaqil ravishda hisoblaydigan “Golos” guruhi va inson huquqlari muammolari bilan shug’ullanuvchi “Memorial” tashkilotlari agentlikning moliyaviy yordami hisobiga ishlar edi.

Qo’shma Shtatlarda esa o’z navbatida Kongress Magnitskiy qonunini qabul qildi. 2009-yilda Rossiya qamog’ida vafot etgan huquqshunos nomiga qo’yilgan hujjat inson huquqlarini buzganlikda gumon qilingan rossiyalik mansabdor shaxslarning Amerikadagi moliyaviy faoliyatini cheklab, ularning bu mamlakatga kirishini man etishni ko’zda tutadi.

AQSh nazarida, Magnitskiy soliq tovlamachiligiga guvoh bo’lib, uni fosh etmoqchi bo’lgani uchun qamoqda qiynoqqa solingan. Ammo Rossiya adliyasi Magnitskiyni jinoyatga sherik deb hisoblaydi.

Kolumbiya universiteti professori Robert Legvoldning aytishicha, Moskva qarshi chora ko’rishga majbur bo’ldi.

Kreml nazarida, Qo’shma Shtatlar Rossiya fuqarolarini sudsiz aybdor topib, Rossiya ichki ishlariga aralashmoqda. Bunga javoban, deydi Legvold, parlament ko’pchilik ovoz bilan qonun qabul qilib, amerikaliklarga Rossiyadan bola boqib olishni taqiqlab qo’ydi.

Shundan so’ng Kreml AQSh bilan narkotiklar savdosi va jinoyatchilikka qarshi 10 yillik hamkorlikka chek qo’ydi. Qo’shma Shtatlar esa fuqarolik jamiyati masalalari bo’yicha ish yurituvchi qo’shma ishchi guruhdan chiqdi.

Legvold kabi ayrim tahlilchilar nazarida, Putinning fuqarolik jamiyatiga changal solishi ikki davlat munosabatlariga salbiy ta’sir ko’rsatmoqda.

"Sanab o’tilgan hech bir choralarning, ya’ni yadro qurollari tarqalishiga yo’l qo’ymaslik, Eron yadro dasturi, arab bahori, afg’on urushining asosiy mavzularga zarracha ahamiyati yo’q", - deydi olim.

Bunday sharoitda, deydi Legvold, ikki tomonlama munosabatlar rivojini bashorat qilish qiyin.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Qiynoqlar uchun kim javob beradi?i
X
22.12.2014 23:06
Markaziy razvedka agentligi vatan xizmatida ekanini eslatib, qiynoqlar haqida Senat chiqargan hisobot noxolis deya o’zini himoya qilmoqda. Lekin AQSh va xalqaro maydonda javobgarlar sudlansin degan talablar yangramoqda.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Nyu-Yorkning Bruklin mahallasida otib ketilgan politsiyachilarni hamkasblar xotirlayapti. Ismayyil Brinsli ismli shaxs ofitserlar Rafael Ramos va Venjian Lyuni otib, so'ng o'zini o'ldirgan.
  • Indoneziya harbiy dengiz kuchlari Papua Yangi Gvineyada ro'yxatga olingan baliqchi kemalarini portlatayapti. Baliqchilik qilishga ruxsati bo'lmagani aytiladi bu kemalarning.
  • Malayziyaning Kuala Lumpur shahri Mustaqillik maydonida 1600 dona o'yinchoq panda tomoshaga qo'yildi.
  • Boliviyada kuchuklar orasida Rojdestvo liboslari tanlovi.
  • Tokioda taniqli pop musiqa guruhining konsertiga kelgan muxlislar.
  • Idlib viloyatilik shaxs Suriya rahbari Bashar al-Assad qo'shinlaridan qolgan qurol-aslahani terib olayapti.
  • Rim papasi Fransisk Vatikanda bolalar bilan qo'l berib ko'rishayapti.
  • Ukraina shahrida Ikkinchi jahon urushida halok bo'lgan askarlarga qo'yilgan haykal yer bilan yakson qilingan.
  • Pekinda chang'ichilar musobaqasida qatnashayotgan amerikalik Mak Bohonnon.

Interaktiv

SAYTGA KIRISHNING XAVFSIZ YO’LI