Juma, 19-sentyabr, 2014 Toshkent vaqti: 02:44

Amerika

Toshkentdan Londongacha: Olimpiyachi hikoyasi

Varvara chapaqay. Bosim, shiddat bilan o’ynaydi. Raqibning siquviga qaramasdan xayolini bir joyga to’plab, chalg’imasdan maqsad sari harakat qiladi.
Varvara chapaqay. Bosim, shiddat bilan o’ynaydi. Raqibning siquviga qaramasdan xayolini bir joyga to’plab, chalg’imasdan maqsad sari harakat qiladi.
Londonda yozgi Olimpiya o’yinlari boshlandi.  10 mingdan ziyod sportchi birinchilik uchun bellashmoqda. 

26 yo’nalish bo’yicha bellashuvlar 12-avgustga qadar davom etadi. AQSh Tennis jamoasi safida Vinus va Serena Vilyams kabi gigantlar qatorida bu yil O’zbekistonda tug’ilib o’sgan Varvara Lepchenko ham bor.


Olimpiya musobaqalarining ochilish marosimidan uch soat oldin 26 yoshli Varvara Lepchenko bilan suhbatda bo’ldik.

U 1986-yilda Toshkentning Yunusobod tumanida tug’ilgan. Tennis ixlosmandi, otasi – uning ilhom manbai.

"15 yoshimda oilam bilan Amerikaga ko’chib ketganmiz. Hozir faqat buvim bilan bobom O’zbekistonda. Bari men uchun hayajonda. Odam yaqin kishisini o’ylab, xavotirlanishi tabiiy”.

Varvara chapaqay. Bosim, shiddat bilan o’ynaydi. Raqibning siquviga qaramasdan xayolini bir joyga to’plab, chalg’imasdan maqsad sari harakat qiladi.

“Londonda shunaqa bir ajoyib shodlik shukuhi kezmoqda. Olimpiya o’yinlari sababli hammaning yuzida tabassum. Sportchilar bir-biriga juda mehribon, do’stona munosabatda. Hamma xursand”, - deydi u.

“Bilasizmi, Toshkentda yashab yurganimda bir kun kelib Amerikaga boraman, bu davlat sharafini himoya qilaman deb o’ylamagan edim. Kelajakda Serena va Vinus Vilyams kabi yulduzlar bilan bir jamoada mashq qilib, birga vaqt o’tkazaman, deb xayolimga keltirmagan edim. Lekin vaqt o’tgani sari o’rganib borasiz, bir jamoa bo’lib ishlashga o’rganasiz”, - deydi Varvara Lepchenko.

Uning komandasida, shuningdek, Kristina Makxeyl, Lizel Xuber, Liza Rymond, Vinus va Serena Vilyamslar bor.

Varvara o’tgan yili Amerika fuqaroligini oldi. Oxirgi bir yilda AQSh va Fransiyadagi yirik musobaqalarda muvaffaqiyat qozonib, tanildi.

“Toshkentda sharoit og’ir. Chunki bizda turnirlar ko’p emas, tennis kortlarida shug’ullanish imkoni cheklangan, moliya ham muammo. Amerikada esa bular har yerda bor. Homiylarsiz ham, oddiy do’stlar qo’llab-quvvatlovida shug’ullanish mumkin. Ijara haqini to’lash uchun otam avvaliga bolalarga dars berib yurdi. Keyin shaharma-shahar bir o’zim yurmasligim uchun musobaqalarga men bilan qatnay boshladi. Mashinada qolib, tunash kerak bo’lgan kunlar bo’ldi".

"Kichik turnirlardan boshlagan paytlarimda oddiy oilalar bizga eshiklarini ochib berdi, yegulik, tunash haqida o’ylashimiz kerak emasdi. Musobaqalarda nonushta, tushlik va kechki ovqat ta’minlab berilgani katta yordam edi. Yillar o’tgan sari ahvolimiz yaxshilanib, mana bu yil nihoyat omad kulib boqdi”, - deydi Varvara.

Fuqarolik masalasiga kelganda u har bir odam o’zi uchun, to’kis hayot uchun kurashadi, deydi.

O’zbekiston fuqaroligidan kechibdi, bu xoinlik emasmi, degan tanqidlarga javoban u:


"O’zbekistonda qulay, mukammal sharoit yo’q edi. Oylik kam. O’shanda Tennis federatsiyasi ham bizga yordam bergisi kelmadi, o’sishimga imkon bermadi. Amerikada esa odamlar meni qo’llab-quvvatlab, shu qadar yordam berdiki, ularning oldida qarzdorman, bu mamlakat nomini himoya qilib chiqishni burch deb bilaman”, - deydi sportchi.

Tennischi Varvara Lepchenko bilan suhbat, Nasiba Tohir lavhasi
Tennischi Varvara Lepchenko bilan suhbat, Nasiba Tohir lavhasii
|| 0:00:00
...
 
🔇
X


U orzuga ishonish kerak deydi.

“Biror bir maqsadga erishishni astoydil xohlasa, odam unga yetaklovchi yo’llarni topadi. Necha yil, qancha mashaqqat, mehnat talab qilishidan qat’iy nazar ishonishda davom eting. Maqsadga olib boruvchi yo’llarni qidirib, qattiq ishlang”.

Yozni, dam olishni qanday o’tkazasiz, degan savolga suhbatdosh:

“Juda ko’p ishlayman. Dam olish kunlarim yo’q hisob. Har kuni bir necha soatlab mashq qilish kerak. Uydaligimda ertalab 9 yarimdan kechki 6 yarimgacha trenirovkadaman. Keyin esa turnirlarga jo’nayman. Hozir hayotimda shunday bir pallaki, juda qattiq ishlashim kerak. Katta musobaqalarda erishayotgan natijalarim, yutuqlarimdan juda xursandman”, - deydi Varvara.

“O’zbekistonda kim tinglayotgan bo’lsa, hammaga London va Amerikadan salom! Hammaga omad!”
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Pro bono nima? Bepul huquqiy xizmati
X
18.09.2014 03:47
Mijozlarga bepul xizmat ko’rsatuvchi huquqshunoslar, odatda, pro-bono advokatlar deb ataladi. So’nggi yillarda Amerikada bepul huquqiy maslahat beruvchi firmalar soni oshib bormoqda.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Mustaqillik tarafdori bo'lgan fuqarolar "BBC" mahalliy idorasi yaqinida namoyish o'tkazmoqda, Glazgo, Shotlandiya, 14-sentabr, 2014-yil.
  • Britaniya Bosh vaziri Deyvid Kameron

  • Referendumda beriladigan ovozlarni ifodalovchi "Ha" va "Yo'q" yozuvlari tushirilgan plakatlar, Shotlandiya, 14-sentabr, 2014-yil.
  • Shotlandiya Birinchi vaziri Aleks Salmond mustaqillikni yoqlab ovoz berishga chaqiruvchi tadbirga atab chiqarilgan futbolkani ko'rsatmoqda, 14-sentabr, 2014-yil.
  • Shotlandiyaning Britaniya tarkibida qolishi uchun kurashayotgan kampaniya yetakchisi Alisteyr Darling, Edinburg, Shotlandiya, 14-sentabr, 2014-yil.
  • Britaniya tarkibida qolish tarafdori bo'lgan fuqarolar o'tkazgan namoyishdan, Edinburg, Shotlandiya, 14-sentabr, 2014-yil.
  • Mustaqillik tarafdori bo'lgan fuqarolar "BBC" mahalliy idorasi yaqinida namoyish o'tkazmoqda, Glazgo, Shotlandiya, 14-sentabr, 2014-yil.
  • Ovoz berish byulliteni pochta orqali jo'natilmoqda, Shotlandiya, 14-sentabr, 2014-yil.
  • Britain Scotland
Fotogalereya

Fotogalereya Shotlandiya kelajak uchun ovoz bermoqda

18-sentabr kuni Shotlandiyada Buyuk Britaniya va Shimoliy Irlandiya birlashgan qirolligi tarkibidan chiqish to'g'risida umumxalq referendumi bo'lib o'tadi. Agar unda aksariyat qatnashchilar qirollikdan ajrab chiqish uchun ovoz bersa, xaritada Shotlandiya deb ataluvchi yangi mustaqil davlat paydo bo'ladi. Besh milliondan oshiq aholiga ega o'lka.
Fotogalereya

Fotogalereya Sharqiy Ukrainaga kengroq avtonomiya berish haqida qonun qabul qilindi

Ukraina parlamenti sharqiy Ukrainaning Lugansk va Donetsk viloyatlariga kengroq avtonomiya berish haqida qonun qabul qildi. Rossiyaparast isyonchilar bilan davom etayotgan urushni to'xtatish maqsadida qabul qilingan ushbu qonun viloyatlarga bir qator siyosiy, madaniy va iqtisodiy erkinlik taqdim etib, ularning Rossiya bilan yaqin aloqa o'rnatishiga ruxsat beradi.
Fotogalereya

Fotogalereya Shanxay-6 Dushanbeda uchrashdi, tafsilotlar fotolarda

Xitoy, Rossiya, O'zbekiston, Qozog'iston, Qirg'iziston va Tojikiston a'zo Shanxay hamkorlik tashkiloti Dushanbeda 11-12 sentabr kunlari yillik sammitini o'tkazdi. Asosiy mavzu Ukraina bo'ldi va muhokama yopiq eshiklar ortida o'tdi. O'zbekiston rahbarining pozitsiyasi: Ukraina va Rossiya mojarosi bevosita, ikki tomonlama muzokara asosida hal etilishi kerak.
Fotogalereya

Fotogalereya Amerika 11-sentabr xurujlari va qurbonlarni xotirlamoqda

2001-yilning 11-sentabrida amalga oshirilgan terror hujumlari uch mingga yaqin odamni hayotdan olib ketgan.
Fotogalereya

Fotogalereya O'zbekistonning Vashingtondagi elchixonasida Mustaqillik kuniga bag'ishlangan qabul marosimi

9-sentabr kuni Vashingtondagi O'zbekiston elchixonasida Mustaqillik kuniga bag'ishlangan tadbir bo'lib o'tdi.
Fotogalereya

Fotogalereya AQSh Davlat kotibi Jon Kerri Iroqqa keldi

AQSh Davlat kotibi Jon Kerri Yaqin Sharqqa uyushtirgan safari doirasida Iroqqa ham tashrif buyurdi. Uchrashuvlarda "Islomiy davlat" jangari guruhiga qarshi olib borilayotgan kurash asosiy mavzu bo'ldi. Kerri Iroqning yangi Bosh vaziri Haydar al-Abadiy bilan uchrashayotgan yuqori martabali ilk AQSh rasmiysidir.
Fotogalereya

Fotogalereya Iroq parlamenti yangi bosh vazirni tanladi

Davlat kotibi Jon Kerri Iroq parlamentining yangi hukumat tarkibini ma'qullash qaroridan mamnun. Jangarilarga qarshi kurash yo'lida ham bu muhim qaror, deydi diplomat.
Fotogalereya

Fotogalereya Sharqiy Ukrainada zo'ravonlik tinmagan, ammo tinchlik sulhi hanuz amalda

Sharqiy Ukrainada zo'ravonlik holatlari uchrashda davom etmoqda. Shunga qaramay, rasmiy Kiyev va isyonchilar o'rtasida kelishilgan tinchlik sulhi hanuz amalda.

Interaktiv

SAYTGA KIRISHNING XAVFSIZ YO’LI