Shanba, 01-noyabr, 2014 Toshkent vaqti: 06:03

Markaziy Osiyo

Faollar: O’zbekiston oldida Germaniyaning tili qisiq

Multimedia

Audio
Germaniyaning O’zbekistondagi yangi elchisi Aristid Fenster Toshkentda ishonch yorlig’ini topshirgan. Tashqi ishlar vazirligida o’tgan qabul marosimida hamkorlikni rivojlantirish, ikki tomonlama aloqalarga doir boshqa masalalar muhokama qilingan.



Bu orada, inson huquqlariga oid vaziyat bilan tanishish uchun O’zbekistonga borishni rejalagan bir guruh nemis deputatlariga viza berilmagan. Nemis qonunchilari rasmiy Toshkentni muloqotga yon bermayotganlikda, Germaniya hukumatini esa Toshkentga nisbatan yumshoq siyosat olib borayotganlikda  ayblamoqda.

O’zbekiston Tashqi ishlar vazirligida elchi bilan o’tgan muloqotda viza mojarosi muhokama qilinganmi-yo’qmi, noma’lum. Vazirlik ishonch yorlig’i topshirilgani, hamkorlik istiqbollari haqidagi qisqa xabar bilan kifoyalanadi.

Germaniya tomoni ham bu uchrashuv tafsilotlariga to’xtalmagan.

O’zbekistonga kirishiga ruxsat berilmagan muxolifatdagi nemis deputatlari esa nafaqat rasmiy Toshkentni, balki Germaniya hukumatini ham tanqid ostiga olishmoqda.

Ularning bayonotida rasmiy Berlin Toshkentga nisbatan bosim o’tkazishga, o’z pozitsiyasini qat’iy bildirishga chaqiriladi.

Germaniya O’zbekistonning Yevropa Ittifoqidagi asosiy hamkoridir. Rasmiy Toshkentning nemis deputatlariga nisbatan munosabati esa hamorlik cheklangani haqida tasavvur beradi.

“Islom Karimov har qanday vaziyatda, hatto deputatlarga qo’rslik qilinganda ham buning aloqalarga ta’sir qilmasligiga ishonadi. Germaniyaning O’zbekistondagi harbiy bazasi buning kafolati. Afg’onistondagi urush, Termizdagi harbiy baza muhimligi Germaniyaning O’zbekistonga nisbatan siyosatida biror keskin o’zgarish kutilmasligidan darak beradi”, - deydi Germaniya-O’zbekiston forumi rahbari Umida Niyozova.

Unga ko’ra, Islom Karimov ma’muriyati vizaga topshirgan deputatlarning hukmron partiyadan emasligini ham inobatga olgan bo’lishi mumkin.

“Shunday bo’lgan taqdirda ham bu katta xatolik. Germaniya - bu parlament respublikasi. Deputatlarning jamoatchilikdagi o’rni juda baland, qolaversa Germaniyada saylovlar kutilayapti. Boshqaruvdagi partiya esa aynan bugungi muxolifat hisobiga tuzilishi ehtimoli yaqin. Shunday bo’lgan taqdirda bu keyingi aloqalarga jiddiy ta’sir ko’rsatishi mumkin ”, - deydi Niyozova. 

O’zbekistonga borolmagan Bundestag deputatlaridan biri Angelika Graf tarqatgan bayonotda aytilishicha, paxta terimi boshlangan, minglab bolalar noinsoniy sharoitda ishlatilayotgan bir paytda mamlakatga kirishga ruxsat bermaslik O’zbekistondagi inson huquqlariga oid ayanchli vaziyatdan darak beradi.

Qonunchilarni O’zbekiston birinchi bor bunday taqiq qo’ymayotgani, avval ham inson huququlariga oid vaziyatni o’rganmoqchi bo’lgan delegatsiya rad javobini olgani tashvishlantiradi.

“Deputatlar O’zbekistonga borishganda mahalliy huquq himoyachilari bilan uchrashishardi, mamlakatdagi vaziyat bilan bevosita tanishishardi. Toshkentdagi elchixona bilan bu haqda gaplashishardi, safar natijasida yig’gan ma’lumotlarini esa albatta Germaniya parlamentida ko’tarishardi. O’zbekiston esa yopiq qolishni istaydi, ma’lumot yo’qmi, demak muammo ham yo’q qabilasida ish ko’rilmoqda”, - deydi Niyozova.

O’zbekiston bilan aloqalarga Germaniya hukumati va muxolifatining munosabati farqli.

Birmuncha avval muxolifat talabi bilan hukumat O’zbekiston bilan aloqalarga doir hisobot chiqargan edi. Unda O’zbekiston Germaniyaning mintaqadagi muhim hamkori ekanligi, aloqalar turli sohalarda, jumladan inson huquqlari masalasida ham davom etayotgani ta’kidlanadi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI