Shanba, 01-noyabr, 2014 Toshkent vaqti: 00:11

Matbuot

O'zbekistonda matbuotning bugungi kuni - gap sonda emas, sifatda

Multimedia

Audio
Mustaqil jurnalistlar va huquq himoyachilariga ko'ra, so’z erkinligi keskin ta’qib ostida qolayotgan O’zbekistonda matbuot soni oshgani bilan, sifat juda past. So’nggi yillarda bir necha gazeta faoliyati to’xtatilgan.


Yangi ish boshlayotgan nashrlar faqat oldi-qochdi, sayoz mavzularga qo’l urmoqda. Faollarga ko’ra, bunga sabab so’z erkinligining yo’qligidir.

O’zbekiston matbuot va axborot agentligi tarqatgan xabarga ko’ra, 2012-yilning dekabr holatiga ko’ra, mamlakatda OAVlar soni 1300dan oshgan.

Dunyoda so’z erkinligi dushmani sifatida tanilgan O’zbekistonda bosma va elektron nashrlar, radio va televideniye sonining o’sib borayotgani mustaqil jurnalistlar tomonidan tashvishli tendensiya sifatida baholanadi.

Ijtimoiy-siyosiy mavzularni yorituvchi bir guruh gazetalar hukumat siyosatini qo’llab kelayotgan bo’lsa, nashrlarning qolgan katta qismi o’z sahifalarini turli oldi-qochdi, sayoz mavzudagi materiallar bilan to’ldiradi. Bu esa o’z navbatida mamlakatdagi  ko’plab jurnalistlarni sariq matbuot vakillariga aylantirmoqda.

Huquq faoli, jurnalistika sohasida ilmga ega Bahodir Eliboyev fikricha, malakali kadrlarni tayyorlash haqida ko’p gapiruvchi hukumat avvalo imkoniyat yaratib berish lozimligini esdan chiqarmoqda.

“Gap malakali jurnalistlarni tayyorlashda emas, balki senzuraning mavjudligidadir. Kadrlarni professional ravishda tayyorlaymiz, deyishyapti. Lekin jurnalist bo’lish uchun mavjud fakultetlarda tahsil olishning o’zi ham  yetarli. Lekin gap bunda emas. Yaxshi maqola yozgan bilan, bu maqola dunyo yuzini ko’rmasa, professional jurnalist bo’lishdan nima foyda”, - deydi u.

O’zbekiston matbuot va axborot agentligi ma'lumotiga ko’ra, mavjud ommaviy axborot vositalarining 1000ga yaqinini gazeta-jurnallar, 200 tasini internet nashrlari, 100ga yaqinini radio-televideniye tashkil etadi. Mamlakat matbuotining yarmidan ko’pi nodavlat nashrlardan iborat.

“Matbuot sonining 1300dan oshishi hech narsani anglatmaydi. Bu nashrlarning aksariyati faqat internetdan turli tarjimalar berib, o’z auditoriyasini aldash bilan shu’gullanib kelyapti, xolos. Siyosiy tuzum shu ahvolda ekan, matbuot soni 10 mingga yetganda ham hech narsa o’zgarmaydi”, - deydi Bahodir Eliboyev.

O’zbekistonda jurnalistika fakultetlaridan tashqari, jurnalistlar uchun oliy o’quv kurslari ham tashkil etilgan. Jurnalistlar Oliy kursi mutaxassislik malakasini yanada mukammallashtirishni maqsad qiladi. Hozirgacha jurnalistika Oliy kursini yuzlab qalam sohiblari bitirib chiqqan. Ammo bu bitiruvchilarning o’zbek matbuotida biror jiddiy maqola bilan chiqish qilib yangilik yaratgani ko’zga tashlanmaydi.

“Avvalgi mavjud gazetalar, deylik “Hurriyat”, “Mohiyat”,  “Mustaqil gazeta” kabi nashrlarning birinchi sonlari bilan hozirgi matbuotni qiyoslaydigan bo’lsak, bugungi kunda jiddiy tahlilning  o’zi yo’qligini ko’ramiz. Aytmoqchimanki, bir necha yillar avval ozgina tanqidiy chiqish bilan tanilgan gazetalarga bugun muqobil bo’ladigan nashrlarning o’zi qolmagan”, - deydi Eliboyev.

Kuzatuvchilar nazarida, matbuot faolligi bo’yicha 80-yillar oxiri va 90-yillar boshida mintaqada yetakchi o’rinda bo’lgan O’zbekiston so’nggi o’n yillikda mustaqil jurnalistlarni ta’qib ostiga olish, qamash va so’z erkinligini bo’g’ish bo’yicha regionning  birinchi raqamli davlatiga aylangan.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Urush faxriylari uchun maxsus uylar - Houses for war veteransi
X
31.10.2014 10:03
Iroq va Afg'onistondan 300 mingga yaqin askar majruhlanib qaytgan. AQSh Mudofaa vazirligi yirik bir kompaniya bilan hamkorlikda ularga qulay uylar qurib berishga kirishgan. Ruhan va jismonan nogiron insonlar uchun maxsus imoratlar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI