Seshanba, 23-sentyabr, 2014 Toshkent vaqti: 05:46

Yangiliklar

Ziyolilar: O’zbek-tojik prezidentlari arazni tashlasinlar

Tojikiston va O’zbekiston o’rtasidagi munosabatlar so’nggi oylarda keskinlashgan. Tahlilchilar mintaqa barqarorligiga salbiy ta’sir etayotgan ushbu vaziyat yanada murakkablashishidan xavotirda. Faollar Dushanbe-Toshkent aloqalarini yaxshilash zaruratiga urg’u bermoqda.

Asrlar davomida chegara bilmay yashab kelgan tojiku-o’zbek xalqi orasidagi ahillik va qarindosh-urug’chilik hali ham mavjud. Ammo davlat miqyosidagi rasmiy munosabatlar kun-sayin sovuqlashib bormoqda.

Hukumatga muxolif Demokratik partiya faoli, siyosiy tahlilchi Abdujabbor Yo’ldoshev Tojikiston-O’zbekiston o’rtasida yomonlashib borayotgan munosabatlar Markaziy Osiyo integratsiyasi uchun to’siq bo’lib kelmoqda, deydi.

“Meni fikrimcha, bu yerda qandaydir shubhali harakatlar bordek. Chunki Tojikistonning Rossiyadagi elchixonasi tarqatgan bayonot aslida diplomatiyadan yiroqroq narsa edi”.

Darhaqiqat, Tojikistonning Moskvadagi elchixonasi respublikada vujudga kelayotgan og’ir sharoitda O’zbekistonni ayblab bayonot tarqatgach, munosabatlar o’ta tarang vaziyatga yetdi.

Rossiya mustaqil ekspertlaridan birining aytishicha, oradagi sovuqlik hech qachon bu darajaga bormagan. Boshqa bir tojik iqtisodchisining fikricha, bu yerda Markaziy Osiyodagi geosiyosiy nayranglar nafasini tuyish mumkin.

Tojikiston gidroinshootlar qurayotgani O'zbekistonni g'azablantirib keladi
Tojikiston gidroinshootlar qurayotgani O'zbekistonni g'azablantirib keladi
“Turli-tuman cheklovlar, rasmiylarning bayonotlari, bularning hammasi asosiy maqsad yo’lidagi harakatlarning ko’rinishi xolos. Fikrimcha, kimlardir region birligiga qarshi puxta o’ylangan va uzoqqa mo’ljallangan reja asosida ish tutayotgandek ko’rinadi”, - deydi u.

Bunday holatdan tashvishga tushgan Tojikistondagi yetti partiya – Islom uyg’onish, Agrar, Kommunistik, Sotsialistik, Demokratik, Umummilliy sosial-demokratik va Iqtisodiy islohot partiyalarining So’g’d viloyat bo’limlari rahbariyati Birlashgan Millatlar Tashkiloti, Yevropada Xavfsizlik va Hamkorlik Tashkiloti va ikkala davlat prezidentlariga o’zaro kelishmovchilikka barham berishni istab murojaat bilan chiqqan edilar.

Murojaat mualliflaridan biri, Tojikiston Islom uyg’onish partiyasi Xo’jand shahar bo’limi raisi, fan nomzodi Dadajon Yoqubov ikki mamlakat o’rtasida hech qanday g’araz bo’lmasligi kerak, deydi.

“So’g’d viloyatini agar qarasangiz, Tojikistonda Konibodomdan boshlab Istravshangacha, to Shahristongacha ko’plab o’zbeklar yashaydi. So’g’d viloyati territoriyasidan chiqsangiz, O’zbekistonda Samarqandda, So’xda, Chustda tojiklar yashaydi. Bularni ajratish hech mumkin emas. Ana shuning uchun biz murojaat bilan chiqdik. Negaki, payg’ambarimiz Muhammad s.a.v aytganki, urush, arazlash musulmon uchun uch kungacha, uch kundan so’ng qaysi biri qo’l uzatsa, o’shanga ajri savob katta bo’ladi. Ana shuning uchun biz ikki prezidentdan so’ragan edikki, bu arazni tashlasinlar, o’rtada murosa bo’lsin, bordi-keldi bo’lsin”.

Ekspert Abdujabbor Yo’ldoshev fikricha, Tojikiston-O’zbekiston o’rtasidagi sovuqlik Markaziy Osiyoga juda katta zarar keltiradi va shu sabab katta fojea yuz berishi mumkin.

“Chunki bizlarni o’zaro nizoga solib qo’yuvchi kuchlar bor. Boshqa davlatlar bundan foydalanib, kelajakda mintaqada portlashlar uyushtirishi mumkin bo’ladi”, - deydi u.

“Biz o’zbeklar bilan yaqin do’st, etu-tirnoqmiz, qarindosh-urug’miz. Bu qarindoshlik uzilib qolishi mumkin. Bundan kim naf ko’radi? Agar mavjud sharoit va uning kelib chiqish sabablari chuqur tahlil qilinsa, ko’p narsalarga oydinlik kiritish mumkin. Nega shunday qilinmayotgani ham taajjubli emasmi?” – deb so’raydi u.

Dadajon Yoqubov qo’shnilar orasi salbiyligidan manfaatdor kuchlar mavjudligi ehtimolini rad etmaydi.

“Men ham o’ylaymanki, o’rtada aalbatta chet ellarda bu fitna, ig’vo soluvchi odamlar bo’lishi mumkin. Lekin sog’lom aql bunga hech qachon yo’l bermasin. Xoh o’zbek, xoh tojik, qirg’iz bo’lsin, bular barchasi musulmon. Qancha do’stlik bo’lsa fayzu-baraka shuncha ko’payadi. Shuning uchun yana bir bor ikki prezidentdan so’raymanki, kelinglar, birlashinglar, bir-biringizga yordamlashing. Agar birortangizdan gunoh o’tgan bo’lsa, ikkinchingiz o’ting gunohdan. Ginamiz bo’lsa, ginani olib tashlab, do’stlikni oldinga qo’yish kerak”, - deydi u.

Kuzatuvchilarga ko’ra, Tojikistonda yetti partiya rahbarlari emas, balki viloyat bo’limlari siyosiy murojaat bilan chiqqanining o’zidanoq bu nozik masalada rasmiy Dushanbe pozitsiyasini anglash mumkin. Chunki partiyalar murojaati hukmron Xalq demokratik partiyasi ishtirokisiz qabul qilingan edi.

Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Ebola epidemiyasiga qarshi kurash, yordam - US/Ebolai
X
22.09.2014 23:52
G’arbiy Afrika ebola virusi bilan olishar ekan, turli mamlakatlardan mutaxassislar yordamga bormoqda, shuningdek, dori-darmon yuborilayapti. Oddiy odamlar orasida ham ko’mak ko’rsatayotganlar ko’p.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya O'n minglab suriyaliklar Turkiyaga qochayapti

Suriyada "Islomiy davlat" jangari guruhining hamlasi ketidan o'n minglab kurdlar Turkiyaga qochayapti. Anqara qochqinlarni kiritish uchun 19-sentabrda Suriya bilan chegarani ochgan. Hozirning o'zida Turkiyada Suriyadagi urushdan bosh olib ketgan yuz minglab suriyalik jon saqlamoqda.
Fotogalereya

Fotogalereya Jalol-Obod, Arslonbob va O'zgan

Jalol-Obod viloyati bo'ylab sayohat... Shahardan Suzoq qishlog'i tomon boramiz. So'ngra Arslonbob to'glariga chiqamiz va sharsharalar tagida dam olamiz. Qishloqlarni kezamiz. Jamoatchilik bilan muloqotda bo'lamiz. Bozorlar, ko'chalar va hayot. Qirg'iziston janubida shu yilning avgustida olingan suratlarni tomosha qiling. Tafsilotlar mana bu blogda: http://blogs.voanews.com/uzbek/yoshlariston/2014/09/20/jalol-obod-arslonbob-va-ozgandagi-bebaho-lahzalar/
Fotogalereya

Fotogalereya "Islomiy davlat"ga qarshi kurash

Iroq va Suriyadagi "Islomiy davlat" jangarilariga qarshi xalqaro koalitsiya tuzish jarayoni davom etmoqda. Ko'plab davlatlar o'q-dori va qurollar yetkazish, shuningdek, Iroq va kurd askarlarini harbiy tayyorgarlikdan o'tkazish ishlarida yordam berishga va'da berdi.
Fotogalereya

Fotogalereya Shotlandiya kelajak uchun ovoz bermoqda

18-sentabr kuni Shotlandiyada Buyuk Britaniya va Shimoliy Irlandiya birlashgan qirolligi tarkibidan chiqish to'g'risida umumxalq referendumi bo'lib o'tadi. Agar unda aksariyat qatnashchilar qirollikdan ajrab chiqish uchun ovoz bersa, xaritada Shotlandiya deb ataluvchi yangi mustaqil davlat paydo bo'ladi. Besh milliondan oshiq aholiga ega o'lka.
Fotogalereya

Fotogalereya Sharqiy Ukrainaga kengroq avtonomiya berish haqida qonun qabul qilindi

Ukraina parlamenti sharqiy Ukrainaning Lugansk va Donetsk viloyatlariga kengroq avtonomiya berish haqida qonun qabul qildi. Rossiyaparast isyonchilar bilan davom etayotgan urushni to'xtatish maqsadida qabul qilingan ushbu qonun viloyatlarga bir qator siyosiy, madaniy va iqtisodiy erkinlik taqdim etib, ularning Rossiya bilan yaqin aloqa o'rnatishiga ruxsat beradi.
Fotogalereya

Fotogalereya Shanxay-6 Dushanbeda uchrashdi, tafsilotlar fotolarda

Xitoy, Rossiya, O'zbekiston, Qozog'iston, Qirg'iziston va Tojikiston a'zo Shanxay hamkorlik tashkiloti Dushanbeda 11-12 sentabr kunlari yillik sammitini o'tkazdi. Asosiy mavzu Ukraina bo'ldi va muhokama yopiq eshiklar ortida o'tdi. O'zbekiston rahbarining pozitsiyasi: Ukraina va Rossiya mojarosi bevosita, ikki tomonlama muzokara asosida hal etilishi kerak.
Fotogalereya

Fotogalereya Amerika 11-sentabr xurujlari va qurbonlarni xotirlamoqda

2001-yilning 11-sentabrida amalga oshirilgan terror hujumlari uch mingga yaqin odamni hayotdan olib ketgan.

Interaktiv

SAYTGA KIRISHNING XAVFSIZ YO’LI