Payshanba, 02-oktyabr, 2014 Toshkent vaqti: 19:28

Huquq va qonun

Dehqonlar: O’zbekistonda fermerlar siyosiy kuchga aylanishi kerak

Multimedia

Audio
Ko'plab fuqarolar nazarida O’zbekistonda fermerlar mustaqil siyosiy kuch sifatida shakllanmas ekan, dehqon manfaati toptalishda davom etaveradi.


Prezident Islom Karimov yaqinda fermerlar uyushmasini kengashga aylantirish to’g’risida farmon imzoladi. Maqsad, deydi rasmiylar, dehqon manfaati va huquqi himoyasini kuchaytirish.

Lekin dehqonlar deydiki, hukumat tashabbusi ularga erkinlik berish emas, balki nazoratni kuchaytirishga xizmat qilishi mumkin.

O’zbekiston qishloq xo’jaligi asosini tashkil etuvchi fermer xo’jaliklari rasman mustaqil hisoblansa-da, amalda hokimiyatlar boshqaruvida va keskin nazorat qilinadi.

Ro’yxatga olingan qariyb 70 ming xo’jalik yagona uyushma atrofida birlashgan edi.

Karimov fermerlikni tashkil qilishni yanada takomillashtirish va rivojlantirish chora-tadbirlari borasida imzolagan farmonga ko’ra, uyushma tugatilib, o’rnida kengash tuziladi.

Fermerlar ta'biricha, bugun ularning manfaatini hukumat tuzgan tashkilot emas, dehqonlarning o’zi birlashib himoya qilishi kerak.

“Fermerlar alohida siyosiy kuch bo’lib chiqishi kerak. “O’zing uchun o’l yetim” degan gap bor. Shunday ekan faqat fermerlarning o’zi harakat qilishi kerak”, - deydi dehqon Sami Abdurasulov.

Prezident farmonida ham fermerlar siyosiy-ijtimoiy kuchga aylanayotgani e’tirof etiladi.

Uyushmani kengashga aylantirish ortidagi sabablar ham shular: dehqonlarning imkoniyatidan kengroq foydalanish, mustaqilligini ta’minlash, qishloq xo’jalgini rivojlantirish, aholi farovonligini oshirishda fermerlar mas’uliyatini oshirish.

Fermer xo’jaliklari tashkil etilganidan buyon hokimiyat tomonidan boshqarib kelinadi. Hukumat tuzgan uyushma hozirgacha dehqon manfaati uchun biror ish qilmadi, kengashdan ham buni kutish qiyin, deydi suhbatdosh.

“Bu yerda faqat so’z o’yini ketayotganga o’xshaydi. Uyushma ham, kengash ham aslida fermerlarni birlashishni nazarda tutadi. Lekin uyushma yurmagan joyda, qanday qilib kengash yuradi? Bu masalaning qonuniy tomonlariga e’tibor qaratish kerak. Masalan, kengah rahbari qanday tanlanadi, qanaqa qonuniy asoslarga tayaniladi? Bu savollarga javob topilmas ekan, bu kengashdan ham natija kutish qiyin. Aksincha, hozir arang o’zini ushlab turgan fermerlarni sindirishga xizmat qilishi mumkin, chunki u yerga saylangan rahbarning ahamiyati oshadi. Hokimliklarga istagan fermerni sindirish imkoniyatini yaratib beradi”, - deydi Sami Abdurasulov.

Mamlakatda dehqonlarni siyosiy kuchga birlashtirish ehtiyoji allaqachon shakllangan.

“Bu davlatga zarar qilmaydi, aksincha, agrar xo’jalik rivoji aholi boyishi uchun katta foyda keltiradi. Buni siyosiy doiradagilar ham yaxshi tushunadi, faqat bizda fermerlarning kuchga to’lishini xohlashmaydi. Bundan qo’rqishadi, xuddi boshqa muqobil siyosiy kuchlar shakllanishini ham istashmagandek”, - deydi Abdurasulov.

O’zbekistonda to’rt rasmiy partiya mavjud. Biroq ular mustaqil emas, hukumat tashabbusida tuzilgan.

O’z siyosiy faoliyatida fermerlar manfaatiga tayanishini bildirgan muxolif “Ozod dehqonlar” partiyasi esa keskin tazyiq ostida. Mamlakatda ish yuritmaydi hisob.

Faollar deydiki, Karimovning yangi farmoni mustaqil siyosiy kuchga aylanishi mumkin bo’lgan bu qatlam ustidan nazoratni mustahkamlashni nazarda tutadi, fermerlarga erkinlik berishni emas.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
AQSh: oziq-ovqat va tirikchilik US/Food Aidi
X
01.10.2014 21:37
AQSh Qishloq xo’jaligi vazirligining xulosa qilishicha, otgan yili 17 million odam, ya’ni har yetti amerikalikdan biri to’yib ovqat yemagan. 2008-yildan buyon bu raqam o’zgarmay keladi. Moliyaviy inqiroz tugab, iqtisodiy o’sish kuzatilayotganiga qaramay, Amerikada kambag’allar kamaymayapti.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Qutqaruvchilar va rossiyaparast isyonchilar otishmada halok bo'lgan odamning jasadini olib ketmoqda, Donetsk, sharqiy Ukraina, 1-oktabr, 2014-yil.

  • Snaryad kelib tushgan maktab sinfxonasining ko'rinishi, Donetsk, sharqiy Ukraina, 1-oktabr, 2014-yil.

  • Otishmada halok bo'lgan biologiya o'qituvchisining jasadi maktab zalida yotibdi, Donetsk, sharqiy Ukraina, 1-oktabr, 2014-yil.

  • Donetskdagi isyonchilar rahbari Aleksandr Zaxarchenko (markazda) shikastlangan maktab binosini ko'zdan kechirmoqda, 1-oktabr, 2014-yil.

  • O'quvchi va ota-onalar otishma payti maktab yerto'lasida jon saqlamoqda, 1-oktabr, 2014-yil.

  • Otishma yuz bergan hududdan quyuq tutun chiqmoqda, Donetsk, sharqiy Ukraina, 1-oktabr, 2014-yil.

  • Ukrainalik o'quvchilar yangi o'quv yili boshganlanini nishonlamoqda, Makivka, sharqiy Ukraina, 1-oktabr, 2014-yil.

Fotogalereya

Fotogalereya Ukraina inqirozi kengayishda davom etmoqda

Sharqiy Ukrainada isyonchilar va hukumat kuchlari o'rtasida otishma davom etmoqda. Donetskda yuz bergan so'nggi to'qnashuvda maktab binosiga snaryad kelib tushib, to'rt kishi, jumladan, ikki o'qituvchi va ota-onalardan biri halok bo'lgan.
Fotogalereya

Fotogalereya Ashraf G'ani - Afg'onistonning yangi prezidenti

Uzoq davom etgan saylov mashmashasidan so'ng Ashraf G'ani Afg'onistonning yangi prezidenti deb e'lon qilindi. Saylovda unga qarshi kurash olib borgan Abdulla Abdulla, o'zaro siyosiy kelishuvdan so'ng, yangi hukumatning bosh vaziri etib tayinlandi. Yangi hukumat ishga tushishi bilan Hamid Karzay davrida AQSh bilan tuzilgan xavfsizlik bitimini imzoladi.
Fotogalereya

Fotogalereya Gonkongda norozilik namoyishlari

Gonkong politsiyasi ko'zdan yosh oqizuvchi gaz qo'llab, namoyishchilarni tarqatishga urinishiga qaramay, aholi ko'chalarni tark etmayapti. Ular Pekinning siyosiy islohotni cheklashga qaratilgan choralaridan norozi.
Fotogalereya

Fotogalereya Ebola epidemiyasi suratlarda

Ebola epidemiyasi kengayishda davom etmoqda. BMT Bosh Assambleyasi yig'inida ham shu mavzuga alohida e'tibor qaratildi.
Fotogalereya

Fotogalereya Varshava, Polsha: O'zbekistonda inson huquqlari va siyosiy mahbuslar

Nyu-Yorkda asoslangan xalqaro tashkilot, inson huquqlari bo'yicha "Human Rights Watch" (HRW) o'zining 121 betlik yangi hisobotida tahlil qilishicha, O’zbekiston inson huquqlari keng ko’lamda poymol etiladigan davlat; so'z va fikr erkinligi faqat qog'ozda; bu huquqlarni amalda qo'llash - qamoq va qiynoq tomon yo'l. Tahlilnoma Varshavada e'lon qilindi. Yevropada Xavfsizlik va Hamkorlik Tashkiloti u yerda inson huquqlari bo'yicha yillik majlisini o'tkazmoqda. Unda O'zbekistonning taniqli huquq himoyachilari Vasila Inoyatova va Mo'tabar Tojiboyeva singari faollar so'zga chiqqan va qamoqxonalardagi vaziyat haqida tanqidiy hisobotlar bergan. Konferensiya doirasida siyosiy mahbuslarning ozod etilishiga chaqiruvchi namoyishlar ham o'tmoqda.
Fotogalereya

Fotogalereya Minglab odamlar iqlim himoyasiga otlandi

Yakshanba kuni minglab odamlar namoyishga chiqib, siyosat ahlini iqlimdagi salbiy o'zgarishlarga qarshi dadilroq harakat qilishga chaqirdi.
Fotogalereya

Fotogalereya O'n minglab suriyaliklar Turkiyaga qochayapti

Suriyada "Islomiy davlat" jangari guruhining hamlasi ketidan o'n minglab kurdlar Turkiyaga qochayapti. Anqara qochqinlarni kiritish uchun 19-sentabrda Suriya bilan chegarani ochgan. Hozirning o'zida Turkiyada Suriyadagi urushdan bosh olib ketgan yuz minglab suriyalik jon saqlamoqda.
Fotogalereya

Fotogalereya Jalol-Obod, Arslonbob va O'zgan

Jalol-Obod viloyati bo'ylab sayohat... Shahardan Suzoq qishlog'i tomon boramiz. So'ngra Arslonbob to'glariga chiqamiz va sharsharalar tagida dam olamiz. Qishloqlarni kezamiz. Jamoatchilik bilan muloqotda bo'lamiz. Bozorlar, ko'chalar va hayot. Qirg'iziston janubida shu yilning avgustida olingan suratlarni tomosha qiling. Tafsilotlar mana bu blogda: http://blogs.voanews.com/uzbek/yoshlariston/2014/09/20/jalol-obod-arslonbob-va-ozgandagi-bebaho-lahzalar/
Fotogalereya

Fotogalereya "Islomiy davlat"ga qarshi kurash

Iroq va Suriyadagi "Islomiy davlat" jangarilariga qarshi xalqaro koalitsiya tuzish jarayoni davom etmoqda. Ko'plab davlatlar o'q-dori va qurollar yetkazish, shuningdek, Iroq va kurd askarlarini harbiy tayyorgarlikdan o'tkazish ishlarida yordam berishga va'da berdi.

Interaktiv

SAYTGA KIRISHNING XAVFSIZ YO’LI