Juma, 31-oktyabr, 2014 Toshkent vaqti: 22:03

Huquq va qonun

Obidxon qoriga hujum yuzasidan ikki o’zbekistonlikka rasman ayblov qo’yildi

Shvetsiyada Obidxon qori Nazarovga uyushtirilgan suiqasd bo’yicha ushlangan shaxslarga rasman ayblov qo’yilgan. Prokuratura buning ortida siyosiy sabablar borligini taxmin qiladi.


Yollanma qotilga yordam berganligi gumon qilinayotgan ikki o’zbekistonlik aybdor topilsa, uzoq yilga ozodlikdan mahrum qilinadi. Nazarovga bevosita hujum qilgan odam esa, taxminlarga ko’ra, ayni paytda Rossiyada.

Hibsga olinganlar - Bahodir Po’latov va Nodira Aminova Obidxon Nazarovni otgan shaxsga yaqindan ko’mak ko’rsatgani gumon qilinadi. Voqea shved matbuotida muntazam yoritib kelinmoqda. Bu davlatda yashovchi o’zbek jurnalisti To’lqin Qorayev so’zlariga ko’ra, prokuratura suiqasdning siyosiy buyurtma ekaniga ishonch hosil qilmoqda.

“Bugungi ma’lumotga ko’ra, bu ishni yuritayotgan bosh prokuror Kristor Piterson suiqasd motivlari siyosiy bo’lishi mumkinligini aytgan. Faqat siyosiy motiv deyildi, demak, bu qotillik ortida O’zbekiston hukumati turgan bo’lishi mumkin. Qo’lga olingan er-xotin ustidan ham jarayon boshlanadi, ular hozirgacha ayblarini tan olishmagan”, - deydi jurnalist.

O’zbekistonliklar ustidan sud keyingi hafta boshlanishi kutilmoqda. Nazarovni o’qqa tutib, so’ng darhol Shvetsiyani tark etishga ulgurgan shaxs O’zbekiston fuqarosi ekani aniqlangan. Biroq tergovchilar uning ismini hozircha ma’lum qilmayapti. Matbuotda bu odamning turli video-kameralarda olingan suratini ko’rish mumkin.

“Qoriga o’q uzgan odam Daniyaga o’tgan va Moskvaga uchib ketgan. Er-xotinlar esa shu vaqt unga yordam bergan. Shved matbuoti ularning turli ma’lumot to’plash bilan shug’ullangani haqida ham yozmoqda ”, - deydi Qorayev.
Qoriga o’q uzgan odam Daniyaga o’tgan va Moskvaga uchib ketgan. Er-xotinlar esa shu vaqt unga yordam bergan.


Qori shu yilning fevralida Shvetsiya shimolida uyi oldida otib ketilgan edi. Og’ir jarohat natijasida komaga tushib, hamon o’ziga kelmagan.

Toshkentdagi taniqli imomlardan sanalmish Nazarov hukumat siquvidan so’ng mamlakatdan chiqib ketgan edi. Rahbariyatning keskin tanqidchilaridan bo’lgan qori 2006-yilda Shvetsiyadan siyosiy boshpana oldi.

Rasmiy Toshkent uni diniy ekstremistik guruhlarga yetakchilik qilishda ayblab keladi.
Mazkur forum yopiq.
Izohlarni tartiblashtirish
Izohlar
     
Fikr bildiruvchi: Ibrohim EL Khoshimiy E-mail adresingiz: USA
07.07.2012 20:42
Assalamu alaykum baurlar!
Karimov, Amerika bilan Yevropaga qanday javob berishni biladi. Qo'lga tushib qolganda - "kichkina demang bizni, ko'tarib uramiz sizni", yoki "nimaga o'zlaring Ben Ladenni o'ldirdinglar", va yana "qizlarim Yevropada bemalol yurolmay qoldi, ayb o'zlaringda". Bizning diktatorlar anoyi emas. Meyli baurlarim, Assalamu alaykum va rohmatullahi va barakatuh!

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Urush faxriylari uchun maxsus uylar - Houses for war veteransi
X
31.10.2014 10:03
Iroq va Afg'onistondan 300 mingga yaqin askar majruhlanib qaytgan. AQSh Mudofaa vazirligi yirik bir kompaniya bilan hamkorlikda ularga qulay uylar qurib berishga kirishgan. Ruhan va jismonan nogiron insonlar uchun maxsus imoratlar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI