Shanba, 01-noyabr, 2014 Toshkent vaqti: 14:35

Muhojirlar hayoti

Telereportaj: O'zbeklar Texasda. 3-qism

Amerikada tug'ilgan yosh o'zbek oila, Muxtor va Parvina, Xyuston, Texas.
Amerikada tug'ilgan yosh o'zbek oila, Muxtor va Parvina, Xyuston, Texas.
Texasdagi o’zbeklar turkumiga doir telelavhalarimizni davom ettirar ekanmiz, Xyustondagi ikki oila haqida hikoya qilib, Amerikada tanishish, oila qurish, farzand ko’rish, ularni voyaga yetkazish, tarbiyalash, o’z madaniyatini singdirish kabi mavzularda bu oilalar fikrlari bilan tanishasiz.

Xyuston Amerikaning to’rtinchi yirik shahri bo’lib, 50 ka yaqin o’zbek yashaydi. Ular o’qimishli, yaxshi kasb egalari. Orasida olimlar va sportchilar ham bor. Bir-biri bilan aloqada, bordi-keldi bor.

Ularning aytishicha, o’zbeklarni Xyustonga tortayotgan omillar bu o’qish va ish masalasi. Bu yerdagi oliygohlar yetakchilaridan hisoblanadi, o’qishdan so’ng ish topish ham boshqa shtatlarga qaraganda osonroq, narxlar Virjiniya, Kaliforniya yoki Nyu-Yorkka qiyoslaganda ancha past.

Xudoyor Ortiqov asli Samarqanddan. 1998-yili “Umid” jamg’armasi orqali Ayova shtatida, so’ng 2002-yili Chikagoda tahsil oldi. Londonda ham o’qidi. Ikki yil burun Amerikaga qaytib, Xyustonga joylashdi. Kollejda informatsion texnologiyalar bo’yicha mutaxassis bo’lib ishlaydi. Amerikada tug’ilgan ikki farzandning otasi. O’zbekiston muhitidan yiroqda bolalarni milliy ruhda tarbiyalash oson emas, deydi Xudoyor.

Xonadon o’zbekona bezalgan. Hovlida hatto so’ri bor. Amerikada odatda ovozi chiqmaydigan itlarning hurishi bir zumga O’zbekistonni eslatadi.

Sentabr oyida Xyustonda Xudoyorning ukasi uylandi. To’y o’zbek yoru-birodarlarning uchrashishiga yaxshi bahona bo’ldi.

Muxtor va Parvina Amerikadagi yosh oilalardan. Har ikkisi bu yerga 10 yil oldin kelgan. Muxtor Andijondan, Parvina esa qo’qonlik. Muxtor hisobchi, Parvina kadrlar bo’limida mutaxassis bo’lib ishlaydi. Ular ikki yil oldin Facebook orqali tanishgan. Amerikada oila qurmoqchi bo’lgan o’zbeklar uchun tanishishning eng qulay yo’li hozircha shu, deydi ular.

Qo’chqorovlar oilasi farzand kutyapti. Dekabrda o’g’il tug’iladi, deya umid qilishmoqda. Hozirdan bolaga o’zbekona tarbiya berish haqida o’ylashmoqda.

Parvinaning aytishicha, Amerikada bo’lg’usi ota-ona maxsus tayyorgarlikdan o’tadi.

Lavhaning video ko'rinishini to'liq holda quyida tomosha qilish mumkin.

Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI