Juma, 31-oktyabr, 2014 Toshkent vaqti: 04:36

Amerika

Muhim voqealar fotogalereyasi

Amerika Ovozi
Yana bir yil tarixga aylandi. Yangi yil esa ostonada turibdi. O'tgan o'n ikki oy kim uchundir barakali, kim uchundir esa nadomatli fursat bo'ldi, deyish mumkin. Jahon siyosat sahnasida ham shunday: Qonli va shonli hodisalarga boy bir davr.

Barak Obama joriy yilda ikkinchi muddatga AQSh prezidenti etib saylandi. Vladimir Putin ham yana bir bor Rossiya davlat rahbari kursisini egalladi. Fransiyada esa prezident Nikolas Sarkozi ikkinchi muddat uchun o'tgan saylovda imkoniyatni boy berdi. Misr tarixida o'tgan ilk demokratik saylovlarda uzoq yillar tazyiq ostida yashirin ish olib borgan "Musulmon birodarlar" diniy guruhi yetakchisi Muhammad Mursiyning prezidentlikni qo'lga kiritgani ham yilning katta voqeasi bo'ldi. Suriyaning qonli fuqarolar urushi esa keyingi yilda ham davom etishi aniq bo'lib turibdi.

2012-yil sport olamida ham bir necha muhim voqealar ro'y berdi. London olimpiadasi sport solnomasini zarhal harflar bilan bezagan bo'lsa, "UEFA" kubogi uchun kechgan futbol musobaqalari ishqibozlar yuragini uzoq larzaga  soldi.

2012-yil 21-dekabr dunyoning so'nggi kuni bo'lishi haqidagi mish-mishlar ko'pchilikni bezovta qildi. Kimdir bundan mo'maygina daromad qilish yo'lini ham topdi.

Yil oxirida AQShdagi maktablardan birida sodir bo'lgan qonli fojeada 20 nafar bolakayning halok bo'lgani ham AQSh va dunyo tarixidagi eng dahshatli voqealardan biri sifatida hali uzoq eslanadi. Liviyada AQSh elchisi Kristofer Stivensning halok bo'lishi ham AQSh tarixidagi eng mash'um hodisalardan biriga aylandi.

Yilning muhim voqealarini sanab adog'iga yetish qiyin. Yaxshisi, yuqorigagi va boshqa bir qator yilning eng muhim voqealarini quyida suratlar orqali tomosha qilganimiz ma'qul.

Dunyo 2012-yilda


Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Quyosh energiyasi - Solar poweri
X
30.10.2014 22:03
Amerikada muqobil energiya manbalaridan foydalanishga o'tayotganlar ko'p. Xususiy kompaniyalardan tortib universitetlargacha, qolaversa oddiy fuqarolar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Kurd peshmerga jangchisi Kobaniga yo'l olish oldidan mahalliy aholi bilan xayrlashmoqda, Iroq, 29-oktabr, 2014-yil.

  • "Islomiy davlat" jangarilariga qarshi kurashish maqsadida Suriyaning Kobani shahriga yo'l olayotgan peshmerga jangchilarini qo'llab-quvvatlash uchun minglab mahally kurdlar ko'chalarga chiqdi, Iroq, 29-oktabr, 2014-yil.

  • Kobanida jangari manzillariga qarshi AQSh yetakchiligidagi xalqaro koalitsiya havodan zarba berishda davom etmoqda, Kobani, Suriya, 29-oktabr, 2014-yil.

  • Kobanida jangari manzillariga qarshi AQSh yetakchiligidagi xalqaro koalitsiya havodan zarba berishda davom etmoqda, Kobani, Suriya, 29-oktabr, 2014-yil.

  • Peshmerga kuchlari joylashgan harbiy mashinalar Shonli Urfa xalqaro aeroportidan Kobani sari yo'lga chiqmoqda, Turkiya, 29-oktabr, 2014-yil.

Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.

Interaktiv

SAYTGA KIRISHNING XAVFSIZ YO’LI