Juma, 31-oktyabr, 2014 Toshkent vaqti: 22:45

Xalqaro

Dunyo bo'ylab oziq-ovqatning yarmi isrof qilinadi

Multimedia

Audio
Amerika Ovozi
Dunyo bo’ylab ishlab chiqariladigan oziq-ovqat mahsulotlarining deyarli yarmi axlatga tashlanadi. Britaniyadagi Mexanika muhandisligi institutining yangi hisobotiga ko’ra, isrofgarchilikni kamaytirish orqali och-nahor yurganlar qornini bemalol to’ydirish va hatto kelajakdagi ehtiyojlarni ham qondirish mumkin. 


Dunyo bo’ylab yiliga to’rt milliard tonna oziq-ovqat ishlab chiqariladi. Uning uchdan bir qismi, ba’zi yillarda esa yarmi axlatga tashlanadi. Bu Mexanika muhandisligi institutining yangi tahlilnomasida keltirilgan raqamlar.

Izlanish mualliflaridan biri Kolin Braunning bildirishicha, bugun oziq-ovqat qayerda yetishtiriladi, qayerga olib borib iste’mol qilinadi, buni aniqlash qiyin emas.
  
“Yegulik tez buziladi, shuning uchun uni quruq va sovuq joyda saqlash kerak. Bir joydan boshqa joyga iloji boricha tezroq olib borish zarur. Infratuzilma, ya’ni temir yo’llari yoki kemalar bo’lmasa, mahsulot isrof bo’lishi aniq”, - deydi olim.

Rivojlangan mamlakatlar, xususan Yevropa va Qo’shma Shtatlarda fermerlik xo’jaliklari samarali ishlaydi. Yetishtirilgan mahsulotning xaridorga imkon qadar tezroq yetkazilishi ta’minlangan. Shunga qaramay millionlab tonna oziq-ovqat iste’mol qilish muddatigacha sotilmay, axlatga tashlanadi, ayrim hollarda hatto do’kon rastalariga yetib bormaydi.

“Supermarketda sotilishi uchun mahsulot juda yuqori talablarga javob berishi kerak. Uning ko’rinishi, ta’mi va foydasidan ham muhimroq. Eng asosiy mezon shu desak mubolag’a bo’lmaydi. Ko’rimsiz mahsulot ko’pincha tashlab yuboriladi”, - deydi izlanish muallifi.

Bunda do’konlarning aybi yo’q, deya qo’shadi Britaniya chakana savdo uyushmasidan Richard Dodd:

“Aslida Yevropa Ittifoqida qabul qilingan marketing qoidalari shunaqa. Chakana savdo sohasi vakillari talablar yumshatilishini so’rab keladi. Biz bunga qisman erishdik ham. Masalan, 2009-yilda 26 mahsulot turi ro’yxatdan olib tashlandi”, - deydi Dodd. 

Tahlil xulosalari ko’plarga ma’qul keldi, xususan rivojlanayotgan mamlakatlarga yordam ajratuvchi tashkilotlarga. Axir hujjatda e’tibor millionlab odamlar ocharchilikda yashayotgan bir paytda oziq-ovqatning uvol bo’lishiga qaratilgan.   

“Bolalarni asrang” xalqaro tashkilotiga ko’ra, aslida har bir bola qornini to’yg’azish uchun yegulik yetarli. Lekin yiliga 2,3 million yosh bola ochlikdan o’ladi.

“O’zim ovqat yesammikan, bolamga yedirsammikan, deb kun ko’radigan oilalar ko’p. Hech kim bunday yashamasligi kerak,” - deydi tashkilot rahbari Brendan Koks.

Oziq-ovqat mahsulotlarini yetishtirish uchun katta miqdorda yer, energiya va o’g’it talab qilinadi. Hisobotda bunga ham e’tibor qaratilgan.

Ijobiy xulosalardan biri shuki, deydi hisobot mualliflari, hozirda shu qadar ko’p oziq-ovqat isrof bo’layaptiki, u bilan butun dunyo ahli qornini bemalol to’ydirish mumkin, hatto aholi ko’payishini inobatga olganda ham. Demak, o’rmon va daraxtlarni kesib, qo’shimcha ekin ekishga hojat yo’q.
  
2075-yilga borib sayyoramiz aholisi 9,5 milliardga yetadi. Insoniyatning tobora oshib borayotgan ehtiyojlarini qondirishning oddiy bir yo’li –isrofgarchilikka chek qo’yishdir.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Urush faxriylari uchun maxsus uylar - Houses for war veteransi
X
31.10.2014 10:03
Iroq va Afg'onistondan 300 mingga yaqin askar majruhlanib qaytgan. AQSh Mudofaa vazirligi yirik bir kompaniya bilan hamkorlikda ularga qulay uylar qurib berishga kirishgan. Ruhan va jismonan nogiron insonlar uchun maxsus imoratlar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI