Juma, 28-noyabr, 2014 Toshkent vaqti: 17:03

Xalqaro

BMT jurnalistlarni himoya qilish maqsadida yangi dastur boshlaydi

Jurnalistlar fransuz fotomuxbir Remi Oshli tobuti Damashq kasalxonasidan olib chiqilayotgan damda. 2012-yil mart. Suriya.
Jurnalistlar fransuz fotomuxbir Remi Oshli tobuti Damashq kasalxonasidan olib chiqilayotgan damda. 2012-yil mart. Suriya.

Multimedia

Audio
Amerika Ovozi
2012-yil matbuot uchun og’ir kechdi. Dunyo bo’ylab 100 dan ziyod muxbir ishini bajarayotib halok bo’ldi. Birlashgan Millatlar Tashkiloti jurnalistlarni himoya qilish uchun maxsus dastur boshlamoqda.
 
2012-yil fevralida Suriyaning Hims shahridagi otishmada “Sunday Times” gazetasining taniqli muxbiri Mari Kolvin va fransuz jurnalisti Remi Oshli halok bo’ldi. Fotomuxbir Pol Konroy jarohatlandi. U bu haqda shunday xabar bergan edi: 
 
“Biz qattiq hujumga duch keldik. Men oyog’imdan yaralandim. Hamkasbim Mari Kolvin halok bo’ldi, Remi ham nobud bo’ldi”.
 
O’sha hodisa 2012-yilning eng dahshatlilaridan biri edi. Lekin yagonasi emas. Dunyoning boshqa mamlakatlarida ham ko’plab jurnalistlarga hujumlar bo’ldi.
  
Britaniyaning Sheffild universiteti qoshidagi Matbuot erkinligi markazi xodimi Uilyam Xorslining aytishicha, jinoyatlar, korrupsiya va hokimiyatni suiiste’mol qilish hollari haqida xabar berayotgan jurnalistlarni yo’q qilishga qaratilgan qotilliklar soni yildan yilga ko’paymoqda. So’nggi ikki yilda esa Afrika shimoli, xususan Somali va Suriyadagi urushda jurnalistlar halok bo’ldi, deydi u.
  
BMT ma’lumotiga ko’ra, 2012-yilda 100 dan ziyod muxbir jurnalistik faoliyatini deb nobud bo’ldi. O’tgan yili Venadagi xalqaro anjumanda BMT jurnalistlar xavfsizligini ta’minlash va qotillarni javobgarlikka tortishga doir ish rejasini qabul qildi. 
 
“Dunyo ahli shuni yaxshi anglashi lozimki, jurnalistlarni o’ldirish qonun ustuvorligini yemirish, jamiyatlarda barqarorlikni izdan chiqarish bilan tengdir,” -  deydi Xorsli.
 
Oktabr oyida Bi-Bi-Sining Jurnalistika kollejida muxbirlarga qilinayotgan hujumlar mavzusida xalqaro simpozium o’tkazildi.
 
O’tgan yilning o’zida Somalida 20 muxbir o’ldirildi. Mamlakat jurnalistlari uyushmasi vakili Umar Farrux Usmon ayrim qotilliklar ayniqsa shafqatsiz bo’lganini aytadi.
    
“Ba’zi jurnalistlar o’q yeb halok bo’lgan. Boshqalarining jasadi esa kallasi kesilgan holda topilgan. Ilgari bunday hollar hech uchramasdi”.
   
Pokistonda matbuot toliblarga qarshi chiqib, jangarilarga nisbatan fikr bildirgan va buning uchun boshidan o’q yegan maktab o’quvchisi Malala Yusufzay yonini oldi. Endi esa bizga do’q-po’pisalar qilinyapti, deydi Geo TV televideniyesi muxbiri Hamid Mir.

“Tolibon Pokiston matbuotiga qarshi ochiq urush e’lon qildi. Chunki biz yosh qiz Malala Yusufzayni qo’llab-quvvatlayapmiz”.
   
Londonda chiqadigan “Sunday Times” gazetasi muharriri Bob Tayrer matbuotni himoya qiluvchi mukammal qonunlar kerak, deydi.
  
“Jurnalistni o’ldirish insoniyatga qarshi jinoyat bilan barobar bo’lishi kerak”.
 
Suriyada ishlayotgan amerikalik muxbir Jeyms Folini noyabr oyida qurollangan shaxslar o’g’irlab ketgan edi. Shundan beri uning dom-daragi yo’q. Bu esa jurnalistlarga tahdidlar jiddiylashayotganidan yana bir darak.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Gaz eksporti - Amerikaning bir shahrida - Natural Gas Exporti
X
28.11.2014 05:09
Qo’shma Shtatlarda so’nggi yillarda tabiiy gaz ishlab chiqarish hajmi bir necha karra oshdi. Bunga asosan yangi texnologiyalar turtki bermoqda. Mahalliy kompaniyalar ortiqcha gazni xorijga eksport qilishni istaydi, lekin reja aholi orasida qarshilikka uchramoqda.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Shukronalik kuni 17-asr boshidan beri bayram qilinadi
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Kurka - Shukronalik kuni pishiriladigan asosiy taom
  • Bayram dasturxoni
  • Bayram oldidan va uning ketidan savdo qiziydi. Los-Anjeles.
  • Hamma oilasi bilan bo'lishga shoshadi. Vashington.
  • Hamma oilasi bilan bo'lishga shoshadi. Vashington.
  • Nyu-York vokzali
  • Nyu-York
  • Nyu-York
  • Bayramdan keyin savdo qiziydi. Los-Anjeles.
  • Bayram munosabati bilan uyga qaytayotgan harbiy. Mayami.
Fotogalereya

Fotogalereya Shukronalik kuni, Amerika - Thanksgiving Day in America

Noyabrning oxirgi payshanbasi Shukronalik kuni. Yangi vatandagi noz-ne'matlardan shukur qilgan, hosilidan rozi bo'lgan odamlar shunday bayramga asos solgan. Keyinchalik tub aholiga qarshi qonli urushlar olib borgan yevropalik kelgindilar boshida ular bilan bir dasturxondan non yegan. Hindu qabilalar o'z ovqatlarini tanishtirgan bo'lsa, kelgindilar ham o'z taomlarini tortgan. Kurka Shukronalik kuni asosiy taom hisoblanadi. Chunki bu parranda Amerikada serob bo'lgan.
Fotogalereya

Fotogalereya Amerikada Shukronalik kuni

Har yili noyabr oyining so'nggi payshanbasida o'tadigan bu bayram ko'pchilik amerikaliklar uchun oilaviy yig'ilish va kurkali taom demakdir.
Fotogalereya

Fotogalereya Bugungi dunyo, suratlarda

Jahonning turli burchaklaridan olingan antiqa fotolar - 26-noyabr, 2014

Interaktiv

SAYTGA KIRISHNING XAVFSIZ YO’LI