Payshanba, 27-noyabr, 2014 Toshkent vaqti: 18:02

Xalqaro

2012-yilda dunyo e'tibori iqlim o'zgarishida bo'ldi

Multimedia

Audio
Amerika Ovozi
2012-yil tabiiy ofatlar yili bo’ldi. Avstraliyadagi suv toshqinlari shahar va qishloqlarni vayron qildi. Bir kunlik kuchli yomg’ir Filippin poytaxti Manilaning yarmini suv ostida qoldirdi. AQShning aksariyat shtatlari yozda qurg’oqchilikdan aziyat chekkan bo’lsa, oktabr oxirida sharqiy sohil kuchli dovulga yuz tutdi. 


Dekabr boshida Filippinda kuzatilgan Bofa to’foni 1000 dan ziyod odam hayotiga zomin bo’ldi, millionlab odamlar boshpanasiz qoldi. Undan bir oy oldin yer sharining boshqa qismida, AQShning sharqiy sohilida kuchli dovul kuzatilgan edi. Floridadan Meyngacha, Nyu-York shahridan Nyu-Jersi shtatigacha millionlar hayotiga ta’sir qilgan bu ofat iqlim o’zgarayotganining yana bir isbotidir.

“Iqlim o’zgarishi quruq gap emas, haqiqat. Havoning keskin o’zgarishi tez-tez kuzatilayotganini inkor eta olmaymiz. Bundan saboq olishimiz va kelgusi harakatlarni rejalashtirishimiz kerak,” - deydi Nyu-York shtati gubernatori Endryu Kuomo.

Sendi dovuli va Bofa to’foni global miqyosdagi o’zgarishlardan darak, deydi tabiatshunos olim Todd Senford.

“Iqlim ko’rsatkichlarini olib qaraydigan bo’lsak, sayyoramizda harorat ko’tarilayotganiga amin bo’lamiz. Nafaqat havo harorati, balki okeanu-dengizlardagi suv ham isimoqda. Muzlar erib, hajmi kamaymoqda”, - deydi olim.

BMT va Jahon Bankining yangi hisobotlariga ko’ra, kelasi 100 yil ichida yer yuzidagi harorat 3-5 gradusga ko’tariladi.
 
“Qurg’oqchilik, bo’ron yoki suv toshqinlari dunyoning qaysidir burchagida ro’y berayapti deydigan paytlar o’tib ketdi, kelajakda butun insoniyat ular ta’sirini seza boshlaydi. Bu haqiqiy muammo”, - deydi Jahon Banki vitse-prezidenti Reychel Kayt.

Iliqlashuv oqibatlari tabiiy ofatlar bilan cheklanmaydi. Mutaxassislar xavfli yuqumli kasalliklar, xususan diareya, ya’ni ich ketishi hollari, bezgak epidemiyasidan ogohlantirmoqda. Oziq-ovqat kamayishi natijasida ochlar soni ham ko’payadi.

“Iqlim o’zgarishi sog’liqni saqlash sohasida mavjud muammolar ko’lamini yanada oshiradi”, - deydi Jahon sog’liqni saqlash tashkiloti rasmiysi Diarmid Kempbell-Lendrum.

Noyabr oxiri, dekabr boshlarida Qatarda 194 mamlakat vakillari uchrashib, atmosferani zaharlaydigan gazlar miqdorini qanday kamaytirish borasida fikr almashgan edi. BMT homiyligidagi bu uchrashuvlarda biror hujjat qabul qilinmagan bo’lsada, global hamkorlik tomon qadam tashlanayotgani ijobiy hol, deydi tadbirda qatnashgan ekspertlar.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Ateistlar va cherkov - Atheist Church?i
X
27.11.2014 09:09
Odatda, xudoga ishonmaydigan odamlar dahriy deyiladi. Demak, ularning ibodatxonalarga borishini tasavvur qilish qiyin. Ammo ikki yil muqaddam britaniyalik ikki qiziqchi ateist uchun cherkov ochishga qaror qildi. Londonda boshlangan bu harakat hozir boshqa mamlakatlarga yoyilgan, xususan Amerikaga.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Shukronalik kuni 17-asr boshidan beri bayram qilinadi
  • Kurka - Shukronalik kuni pishiriladigan asosiy taom
  • Bayram dasturxoni
  • Bayram oldidan va uning ketidan savdo qiziydi. Los-Anjeles.
  • Hamma oilasi bilan bo'lishga shoshadi. Vashington.
  • Hamma oilasi bilan bo'lishga shoshadi. Vashington.
  • Nyu-York vokzali
  • Nyu-York
  • Nyu-York
  • Bayramdan keyin savdo qiziydi. Los-Anjeles.
  • Bayram munosabati bilan uyga qaytayotgan harbiy. Mayami.
Fotogalereya

Fotogalereya Shukronalik kuni, Amerika - Thanksgiving holiday in America

Noyabrning oxirgi payshanbasi Shukronalik kuni. Yangi vatandagi noz-ne'matlardan shukur qilgan, hosilidan rozi bo'lgan odamlar shunday bayramga asos solgan. Keyinchalik tub aholiga qarshi qonli urushlar olib borgan yevropalik kelgindilar boshida ular bilan bir dasturxondan non yegan. Hindu qabilalar o'z ovqatlarini tanishtirgan bo'lsa, kelgindilar ham o'z taomlarini tortgan. Kurka Shukronalik kuni asosiy taom hisoblanadi. Chunki bu parranda Amerikada serob bo'lgan.
Fotogalereya

Fotogalereya Amerikada Shukronalik kuni

Har yili noyabr oyining so'nggi payshanbasida o'tadigan bu bayram ko'pchilik amerikaliklar uchun oilaviy yig'ilish va kurkali taom demakdir.

Interaktiv

SAYTGA KIRISHNING XAVFSIZ YO’LI